Новости за 17.02.2024

Татарстан Рәисе Рөстәм Миңнеханов «Киләчәк уеннары» Халыкара мультиспорт турнирына әзерлек һәм аны үткәрү буенча оештыру комитеты составына янә үзгәрешләр кертте. Шул хактагы указ хокукый мәгълүмат порталында урнаштырылган.

Бүген Татарстанда алмашынучан болытлы һава торышы көтелә, урыны белән бераз кар явачак. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

2023 елда Татарстанда «Сәламәтлек саклау» илкүләм проектының «Россия Федерациясе сәламәтек саклавының беренчел звеносын модернизацияләү» төбәк проектын финанслау 2 487,88 млн сум тәшкил итте (РФ бюджетыннан – 1 989,68 млн сум, ТР бюджетыннан – 498,2 млн сум).

Чаллының хәрби-интернационалист егетләре махсус хәрби операция зонасына җыена. Алар анда ярты миллион сумлык җиһаз алып барачак. Бу хакта «Шәһри Чаллы» хәбәр итә.

Чирмешән районында быел туган балага район хакимияте 30 мең сум акча бирәчәк. Дөрес, әлеге ярдәмне теләсә кем ала алмый – сабыйның әти-әнисе районда яшәргә, эшләргә тиеш. Бу хакта район башлыгы Рамил Айбатов районда Укытучы һәм остазлар елын йомгаклау һәм Гаилә елына старт бирү уңаеннан оештырылган чарада игълан итте. «Безнең Чирмешән» шул хакта яза.

Түбән Кама районының Сухарево авылының китапханәсендә махсус хәрби операция зонасына җибәрү өчен окоп шәмнәре ясау буенча мастер-класс үткәрделәр. Бу хакта Түбән Кама муниципаль районы рәсми сайтында хәбәр ителә.

Түбән Кама муниципаль район хастаханәсендә мөселманнар һәм христианнар өчен гыйбадәт бүлмәләре ачылды. Уңайлы, җиһазландырылган гыйбадәт бүлмәләре Актүбә урамы, 13а адресы буенча ремонтланган 2нче дәвалау корпусының беренче катында ачылды. Бу хакта Татарстан Сәламәтлек саклау минситрлыгы матбугат хезмәте хәбәр итә.

Арча район мәдәният йортында «Пошалым чаналары» җыр бәйгесенең гала-концерты узды. Әлеге бәйгедә Түбән Бәрәскә мәдәният йорты җитәкчесе Зөлфия Корбанова «Туган як җырчысы» номинациясендә җиңү яулады. Бу хакта «Әтнә таңы» хәбәр итә.