Новости за 21.02.2024

Россия Президенты Владимир Путин бүген эш сәфәре белән Татарстанда. Шунысы игътибарга лаек, дәүләт башлыгы Казан халыкара аэропортына Ту-214 очкычы белән килде һәм җиргә төшкәч Aurus автомобиленә күчте — пассажир самолеты да, люкс-класс автомобиль дә республикада җыела.

Татарстанның «Яңа гасыр» телеканалында Россия Президентын сайлау кысаларында беренче дебатлар узды. Анда бердәнбер катнашучы — Татарстанда Халык фронты башкарма комитеты җитәкчесе, гамәлдәге дәүләт башлыгы Владимир Путинның ышанычлы заты Ринат Фазылов катнашты.

Ваһапов фестивале лауреаты Чжихао Чжан Рөстәм Яхинның «Китмә сандугач» җырын башкарды. Татарстанның Россиядәге Тулы вәкаләтле вәкиллеге матбугат хезмәте шуның видеосын урнаштырган.

Россия Президенты Владимир Путин Сергей Горбунов исемендәге Казан авиация заводы — «Туполев» гамәви акционерлык җәмгыяте филиалында булганда стратегик бомбардировщик — ракета йөртүче ТУ-160М бортына менде. Әлеге мизгел видеосын журналист Павел Зарубин үзенең Telegram-каналында урнаштырган.

Казанда Кыргызстанның Генераль консуллыгы ачылды. Бу хакта шәһәрнең туризмны үстерү комитетында хәбәр иттеләр.

Татарстан Рәисе Рөстәм Миңнеханов Россия Президенты Владимир Путин белән Сергей Горбунов исемендәге Казан авиация заводы — «Туполев» гавәми акционерлык җәмгыяте филиалына килгәч төшкән фотосурәтләре белән Телеграм-каналында уртаклашты.

Таҗикстан Президенты Эмомали Рахмон Казанга килде. Халыкара аэропортта аны ТР Дәүләт Советы Рәисе урынбасары Марат Әхмәтов каршы алды.

Мәскәүдә ТАССРның халык артисты Рәшит Ваһапов исемендәге Халыкара татар җыры фестиваленең унберенче гала-концерты булды. Быел фестиваль юбилеен - 20нче сезон - билгеләп үтә. Башкалада унберенче концерт гөрләп узды. Татарстанның Россиядәге Тулы вәкаләтле вәкиллеге матбугат хезмәтендә шуның видеоөзекләре белән уртаклаштылар.

Үзбәкстан Президенты Шәүкәт Мирзиёев Казанга килде. Халыкара аэропортта аны Татарстан Премьер-министры Алексей Песошин каршы алды. Бу хакта Татарстан Рәисе матбугат хезмәте хәбәр итә.

Татарстан Фәннәр академиясе вице-президенты, филология фәннәре докторы Айнур Тимерханов фикеренчә, телнең аңлатмалы сүзлеге булуы халкының югары мәдәниятле икәнен күрсәтә.

Казанга Казахстан Республикасы Президенты Касым-Жомарт Токаев килде. ТР башкаласының халыкара аэропортында кунакны Татарстан Премьер-министры Алексей Песошин, шулай ук ТР Рәисе Администрациясе башлыгы Әсгать Сәфәров каршы алды.

19-21 февральдә Мамадыш районы Түбән Ошма авылында 2008-2009 елгы егетләр арасында «Ялкын» журналы призына көрәш буенча Татарстан беренчелеге узды. Шәхси беренчелектә җиңүчеләр тугыз үлчәү авырлыгында ачыкланды. Командалар арасында җиңүне Арча командасы яулады, икедә – Балтач, өчтә – Чаллы.

Түбән Кама татар дәүләт театры канаты астына кергән легендар «Җидегән чишмә» әдәби-музыкаль берләшмәсе быелгы беренче очрашуын шагыйрь Рүзәл Мөхәммәтшин белән үткәрде.

Россия Президенты Владимир Путин Татарстан башкаласына сәфәре вакытында «Туполев» гавәми акционерлык җәмгыятенең филиалы – С.П.Горбунов исемендәге Казан авиация заводында булды. Дәүләт башлыгы яңа самолетлар белән танышкан вакытта Ту-160 М ракета йөртүчеләренең берсенә Татарстанның беренче Президенты Минтимер Шәймиев исемен бирергә тәкъдим итте.

Әлмәт театры Казанда «Фәхрине үтереп ташладылар» спектакленең кино кадрларын төшерә башлады. Бүген беренче кадрлар КФУ тулай тораклары янында төшерелде.

Бүген Кызыл байраклы Жуков орденлы Казан югары танк команда училищесында уку йортының 105 еллыгына багышланган митинг вакытында махсус хәрби операциядә катнашучы курсантларны бүләкләү тантанасы булды.

РФ Президенты Владимир Путин Казанга килде. Бу хакта РИА «Новости» хәбәр итте.

Татарстан Рәисе Рөстәм Миңнеханов Казанга «Киләчәк уеннары» халыкара мультиспорт турниры чараларында катнашу өчен килгән Берләшкән Гарәп Әмирлекләренең мәгариф министры һәм әмирлекнең Спорт буенча баш идарәсе рәисе Әхмәд Бельхул әл-Фәләси белән очрашты. Бу хакта ТР Рәисенең матбугат хезмәте хәбәр итә.

Казанга Беларусь Республикасы Президенты Александр Лукашенко килде. ТР башкаласының халыкара аэропортында кунакны Татарстан Рәисе Рөстәм Миңнеханов каршы алды.

Бүген Кызыл байраклы Жуков орденлы Казан югары танк команда училищесында әлеге хәрби уку йортын тәмамлаган һәлак булган танкистлар мемориалына чәчәкләр салдылар. Чара училищеның 105 еллык юбилеена багышланган тантаналы митинг вакытында узды.

Татарстан Рәисе Рөстәм Миңнеханов Зимбабве Республикасының беренче вице-президенты Константино Гувейа Доминик Ньикадзино Чивенга белән очрашты, ул Россиягә аның җитәкчелеге чакыруы буенча Казанда узучы «Киләчәк уеннары» халыкара мультиспорт турниры чараларында катнашу өчен килде. Бу хакта «Татар-информ» агентлыгына ТР Рәисенең матбугат хезмәте җитәкчесе Лилия Галимова хәбәр итте.

Кемерово өлкәсе Осинники шәһәренең «Октябрь» мәдәният йортында татар милли мирасына багышланган «Яулыкларда – халыкның мирасы» дигән чара булды.

Синоптиклар фаразлавынча, 2024 елның җәе тарихта иң эссе җәй булачак. «Рекордлы температуралар»ның сәбәбе – җылы «Эль-Ниньо» күренешенең йогынтысы, ягъни температура Тын океанның экваториаль өлешендә үзгәрәчәк. Шунысы кызык, Россиядә генә түгел, ә бөтен дөньяда эссе булыр дип көтелә. Бу хакта «Известия» газетасы яза.

Россия Африканың иң ярлы алты иленә бодай китерүне төгәлләде. Соңгы судноны 17 февральдә Сомалида бушаттылар, дип белдерде авыл хуҗалыгы министры Дмитрий Патрушев РФ Президенты Владимир Путин белән очрашуда. Бу хакта Кремльнең матбугат хезмәте хәбәр итә.

Казанда узучы «Киләчәк уеннары»нда медицина оешмаларыннан 500дән артык белгеч җәлеп ителгән. Бу хакта «Татар-информ» агентлыгына ТР Сәламәтлек саклау министрлыгының матбугат хезмәтендә хәбәр иттеләр.