Новости за 25.03.2024

Казан дәүләт циркы Татарстан Мәдәният министрлыгы ярдәме белән Габдулла Тукайның әкиятләре һәм шигырьләренә нигезләнгән беренче милли театраль-цирклы спектакль әзерли. Премьера Татарстанның Туган тел көнендә – 26 апрельдә узачак.

2023 ел нәтиҗәләре буенча Татарстан провинциаль хезмәт хаклары дәрәҗәсе буенча Россия төбәкләре рейтингында 13нче урынны алды һәм аның үсеш темплары буенча лидерлар арасына керде. РИА Новости агентлыгы шул хакта инфографика әзерләгән.

Мәдәният министры Ирада Әюпова Идел буе һәм Урал халыкларының Урта гасырлар музыкаль мирасын торгызу юлын этник музыка уен коралларының эксперименталь остаханәсен ачуда күрә.

Түбән Кама Советлар йортындагы эшлекле дүшәмбе киңәшмәсе бер минут тынлык белән башланды. Түбән Кама мэры Рамил Муллин Мәскәү өлкәсендәге «Крокус Сити Холл»да булган террор актларына бәйле рәвештә күрсәтмәләр бирде.

Татарстан Рәисе каршындагы Мәдәният советында Болгар урыннары буйлап яңа туристик маршрут ачарга ниятлиләр. ТР мәдәният министры Ирада Әюпова республика җитәкчесе Рөстәм Миңнехановка шул хакта хәбәр итте.

«Театраль учреждениеләрнең тарихи әсәрләр чыгарганда фәнни-эксперт берләшмәләрне җәлеп итүе әһәмиятле. Монда Татарстан Республикасы Фәннәр академиясе һәм Казан федераль университетының әһәмияте зур», – диде Ирада Əюпова Татарстан Республикасы Рәисе карамагындагы Мәдәният буенча совет утырышында ясаган чыгышында.

Мәскәү татарлары автономиясе рәисе Фәрит Фарисов Мәскәү өлкәсендәге «Крокус Сити Холл» концертлар залында булган теракт турында үз фикерен белдерде.

21 мартта Кыргызстанның Җәләлабад өлкәсе «Идел» татар-башкорт мәдәни үзәге иҗтимагый берләшмәсе Нәүрүз бәйрәме уңаеннан тантаналы чарада катнашты. Бу хакта Бөтендөнья татар конгрессының матбугат хезмәте хәбәр итә.

Бүген Казан мэриясендә эшлекле дүшәмбе киңәшмәсе «Крокус Сити Холл»дагы теракт корбаннарын бер минут тынлык белән искә алудан башланды.

КФУның татар әдәбияты кафедрасы профессоры, филология фәннәре докторы, Татарстан Язучылар берлеге әгъзасы Ләйлә Минһаҗева татар телендә иҗат итүче мәктәп укучылары арасында «Илһам» Бөтенроссия яшь язучылар бәйгесе турында фикерен әйтте.

Гидрометеорология һәм әйләнә-тирә мохитне күзәтү идарәсе мәгълүматлары буенча, апрель башында һава температурасы көндезге сәгатьләрдә +6, ә кайбер районнарда +9 градуска кадәр күтәреләчәк. Төнге сәгатьләрдә исә 0..+3 градус булачак. Язгы ташу чорында су басудан саклану өчен Казанда 25 марттан «Югары әзерлек» режимы кертелә. Шәһәр башкарма комитетының Гражданнарны яклау идарәсе башлыгы Сергей Чанкин эшлекле дүшәмбе киңәшмәсендә шулай дип белдерде.

Бүген, 25 мартта, 55 яшендә ТР Прокуратурасы ветераны Гүзәл Сәмигуллина вафат булды, дип хәбәр иттеләр ведомствода.

«Интертат» сайтының «Вконтакте» төркемендә туры эфирда уза торган «Әйтер сүз» рубрикасында «Ватаным Татарстан» газетасының баш мөхәррир урынбасары Илнар Хөснуллин соңгы арада көрәшчеләр арасында популярлашып киткән «килешеп» көрәшүгә чик куеп булмый дип саный.

Кайбер Telegram-каналларда һәм социаль челтәрләрдә террорчылар һөҗүм иткән вакытта «Крокус Сити Холл» парковкасында торган микроавтобусның (имештер, ул полиция кинологик хезмәте автомобиле булган) фото һәм видеосы чыкты.

«Крокус Сити Холл»дагы терактка бәйле рәвештә игълан ителгән матәм көнендә РФ мөселманнары Диния нәзарәте җитәкчелеге һәм Мәскәү Җәмигъ мәчетенә йөрүчеләр бер гаепсезгә һәлак булганнар рухына һәм зыян күрүчеләрнең тизрәк савыгуын теләп дога кылды. Бу хакта Россия Мөфтиләр шурасының матбугат хезмәте хәбәр итә.

«Канун. Парламент. Җәмгыять» тапшыруының элекке алып баручысы, журналист Әнзия Ханнанова «Татар журналисты» сәхифәсенә биргән әңгәмәсендә журналист һөнәренең үзенчәлекләре турында сөйләде.

Мәскәү өлкәсендәге «Крокус Сити Холл»да булган теракттан соң Татарстанда массакүләм чаралар планлаштырганда иминлек чаралары көчәйтеләчәк. ТР Рәисенең матбугат хезмәте җитәкчесе Лилия Галимова шулай дип белдерде.

Бүген Мәскәүдәге Басман суды Мәскәү янындагы «Крокус Сити Холл»да булган теракт эше буенча тагын өч гаепләнүчене кулга алды. Бу хакта телеграмма-каналда Мәскәүнең гомуми юрисдикция судларының матбугат хезмәте хәбәр итә.

Татарстан Рәисе Рөстәм Миңнеханов Министрлар Кабинетында республика киңәшмәсен Мәскәү янындагы «Крокус Сити Холл»да теракт вакытында һәлак булганнар истәлегенә бер минут тынлык белән башлады. Бу хакта Рәиснең матбугат хезмәте җитәкчесе Лилия Галимова хәбәр итә.

Дүшәмбе көнне Татарстанда болытлы һава торышы көтелә. Урыны белән томан фаразлана, дип хәбәр итә республиканың Гидрометүзәге.

Суд «Крокус Сити Холл»да булган теракт эше буенча беренче фигурант Далерджон Мирзоевны кулга алды. Бу хакта телеграмма-каналда Мәскәүнең гомуми юрисдикция судларының матбугат хезмәте хәбәр итә.

Россия гадәттән тыш хәлләр министрлыгы «Крокус Сити Холл»да теракт аркасында һәлак булганнарның яңа исемлеген бастырды, анда 68 фамилия бар. Мәгълүмат ведомство сайтында пәйда булды.

Алабуга шәһәренең Җәмигъ мәчетендә көн саен 200 дән артык кешегә исәпләнгән табын әзерләнә. Шәһәр һәм район мәчетләрендә халык күмәк ифтарга җыела. Бу хакта «Алабуга нуры» яза.

Яшел Үзәннең Норлат авылында Фәрит Зыятдинов үз акчасына Булатка елгасы аша күпернең җәяүлеләр йөри торган өлешен ремонтлап тора. Бу хакта «Яшел Үзән» хәбәр итә.

Махсус хәрби операциядә катнашучылар үзләренә ярдәм итүче чистайлыларга рәхмәт белдерде. Муниципалитетта киңәшмә-планеркада Чистай муниципаль районы башкарма комитеты җитәкчесе Эдуард Хәсәнов Рәхмәт хатлары тапшырды. Бу хакта «Чистай-информ» хәбәр итә.