Новости за 07.05.2023

Кыялый нерселерге кызыкпаган жаш адамдын жаман түш көрүшү эсин эңгиретип, таңдын атышы азапка айланды. Күн чыга электе үйүнө жетип барса апасы кечээ эле кеткен баласынын эрте келишине таң, уулун тирүү көргөнүнө ыраазы. Токтосун Самудиновдун “Жаман түш” аңгемесинде сүрөттөлгөн окуянын чоо-жайына кайрылабыз. Азаптуу түн Токтосун Самудиновду кыргыз окурмандары ириде акын катары билишет, аны балдар акыны, кыргыз поэзиясына кенен жайыла албаган пародия жанрынын корифейи деп эсептешет. Алдыда сөз... Читать дальше...

4-майда Санкт-Петербург шаарындагы базарларда рейд маалында кармалган 60ка чукул эмгек мигранты Орусиядан депортацияланышы ыктымал. Орусиянын бийлиги алар кайсы өлкөлөрдүн жарандары экенин маалымдаган эмес. "Озоди" радиосу бир нече кишиге таянып, ондон көп тажик мигранты чет элдиктер убактылуу кармалган жайга алынып келгенин жазды. "Интерфакс" агенттиги шаардын тартип коргоо органдарына шилтеме берип маалымдагандай, алар миграциялык мыйзамдарды бузган, териштирүү жана протокол түзүү үчүн полиция бөлүмдөрүнө жеткирилген. Читать дальше...

Конго демократиялык жумуриятында болгон суу каптоодон кеминде 287 киши ажал тапты. Бул тууралуу африкалык мамлекеттин бийлиги билдирди. Бейшембиде катуу нөшөрдөн дарыялар жээктен чыкканда дагы 205 киши оор жараат алды, 167си дайынсыз болууда. Президент Феликс Чисекеди 8-майды аза күтүү күнү деп жарыялады. Жабыркагандарга гуманитардык жардамды координациялоо үчүн жерине өкмөт мүчөлөрү аттанууда. Жаан-чачын мезгили Түштүк Киву регионунда майдын этегине чейин уланмакчы. Кошуна өлкөлөр да катуу селден жабыркап... Читать дальше...

Ооганстандын Гор провинциясында мурдагы судья атып өлтүрүлгөнүн 7-майда жергиликтүү медиа жазды. Маалыматка ылайык, мотоциклчен эки киши Мохаммад Назир Манави мечиттен үйүнө кайтып келатканда ок ачкан. Алар качып кетүүгө үлгүргөн. Кол салууга эмне себеп болгону азырынча белгисиз. Жергиликтүү бийлик окуяга байланыштуу комментарий бере элек. 2021-жылы бийликке кайтып келгенден бери “Талибан” кыймылы бардык мурдагы судьяларды алмаштырган. Кырдаал оорлошкон сайын айрымдары чет жактарга кетүүгө аракеттенүүдө. Читать дальше...

Араб мамлекеттери 7-майда Египеттеги жыйында Сириянын Араб лигасына кайтып келишин колдоп добуш берди. Бул тууралуу уюмдун басма сөз катчылыгы билдирди. Буга чейин 22 өлкөнүн башын бириктирген уюмдун жогорку дипломаттары Иорданияда Сириянын мүчөлүгүн калыбына келтирүүнүн жол картасын талкуулашкан. Өлкө 12 жыл мурун, Асад режимине каршы демократиячыл козголоң куралдуу жаңжалга алып келгенде Араб лигасынан убактылуу чыгарылган. 2011-жылдын мартында тутанган жаңжал жарым миллиондой кишинин өмүрүн алды... Читать дальше...

"ПолитКлиника" басылмасынын сайтынан парламент спикери Нурланбек Шакиевдин мурдагы президент Курманбек Бакиевди актоо тууралуу каты делген жаңылык толуктоо максатында алынды. Бул тууралуу басылманын редактору Дилбар Алимова 8-майда Фейсбуктагы баракчасына жазды. Ал Башкы прокуратурага кат жөнөтүлгөнүн, көзөмөлдөөчү органдын жообу келгенден кийин материал кайра толукталып чыгарыларын билдирди. "Биз ал жаңылыкта ушундай кат тарап жатканын кабарлап, Жогорку Кеңештин дагы жообун бергенбиз. Башкы прокуратурадан... Читать дальше...

"Политклиника" басылмасынын редактору Дилбар Алимова Жогорку Кеңештин төрагасы Нурланбек Шакиевдин мурдагы президент Курманбек Бакиев тууралуу каты деген документке байланыштуу атайын кызматка телефондон сурак берди. Алимова бул окуядан кийин фейк аккаунттардын басымы күчөгөнүн, медианы жабууга үндөгөн чакырыктар жазылып жатканын айтууда. Спикердин башкы прокурор Курманкул Зулушевге жазган катынын көчүрмөсү деген документ ага чейин интернетте тараган. "Политклиника" анда коюлган кол тамга Шакиевдикине окшош экенин жазган. Читать дальше...

Борбордук шайлоо комиссиясынын (БШК) билдиришинче, Бишкек шаарындагы бир мандаттуу Ленин округунан шайлоого талапкерлерди каттоо аяктады. Ага ылайык, 32 талапкер ат салышат, алардын бешөө аялдар. БШКда 6-майда чүчү кулак кармоо аркылуу талапкерлердин бюллетендеги кезеги аныкталды. Аталган округда мөөнөтүнөн мурда шайлоо 28-майда өтөт. БШК каттагандардын арасында Эркин Булекбаев, Максат Кунакунов, Данияр Тербишалиев, Өмүрбек Суваналиев, Дамира Ниязалиева, Турсунбай Бакир уулу, Ажыбек Касмалиев... Читать дальше...

АКШнын Техас штатындагы Даллас шаарынан анча алыс эмес Аллен шаарчасындагы соода борборунда куралчан киши ок чыгарып, кеминде тогуз адам мерт болду, дагы жети киши жараат алды. Күбөлөрдүн айтымында, кылмышка шектүү кара кийимчен жана ок өтпөс соот кемселчен жүргөн. Өтүп бараткандарды мээлеп туш келди ок чыгарган. Полиция ал атып өлтүрүлгөнүн, жанында шериктери болбогонун маалымдады. Кабарларга караганда, набыт кеткендердин арасында балдар дагы бар. Ооруканага жеткирилген жети адамдын үчөөнүн абал оор. Читать дальше...

Суданда жоолошкон тараптар биринчи жолу бетме-бет түз сүйлөшүү өткөрүү үчүн 6-майда, ишембиде Сауд Арабиясына келди. Бул тууралуу Би-Би-Си жазды. Ага ылайык, тараптар АКШ жана Сауд Арабиясынын өтүнүчү менен сүйлөшүүгө макул болгон, бирок согуштук аракеттерди токтото турууга көнгөн эмес. Куралдуу кагылыш башталгандан бери ок атышууну токтотуу тууралуу бир канча жолу макулдашуу болуп, бирок баары толук аткарылган эмес. Сауд Арабиясынын тышкы иштер министри Фейсал бин Фархан бул сүйлөшүүлөр “Судандагы... Читать дальше...

Жогорку Кеңеш 10-майдагы жалпы жыйында “Элдик курултай жөнүндө” конституциялык мыйзам долбоорун биринчи окууда карайт. Өткөн айда бул долбоорду даярдап жаткан жумушчу топтун кезектеги жыйыны өткөн. Парламенттин басма сөз кызматы анда жергиликтүү, райондук жана шаардык курултай өткөрүү тууралуу жоболорду кыскартуу, делегаттардын саны 1070тен 700гө азайтуу макулдашылганын билдирген. Жогорку Кеңеш 15-мартта курултай тууралуу мыйзам долбоорун биринчи окууда карап, талаш-тартыштардан улам документ күн тартибинен алынган. Читать дальше...

Кыргызстандын Чек ара кызматы кыргыз-казак чек арасындагы "Ак-Жол" өткөрмө бекетиндеги машиналардын узун тыгыны тууралуу түшүндүрмө таратты. Анда мындай абал дем алыш күндөрү Казакстан аркылуу башка өлкөгө барып эс алып келгиси келген жарандардын көбөйгөнү менен негизделген. “Муну менен эле катар эки тараптуу сүйлөшүүлөргө ылайык, жүргүнчү автобустар чек арадан кезексиз өтүп жатканын белгилейбиз. Айдоочулардын жана жүргүнчүлөрдүн Кыргызстандын Чек ара кызматына сын-дооматы жок. Башка өткөрмө бекеттерде... Читать дальше...