Новости за 04.05.2023

Бишкекте Бажы кызматынын жетекчисинин мурдагы орун басары Райымбек Матраимовго байланыштуу видеону тарткан жаран сабалганын, машинасы талкаланганын, бирок ал арыз жазуудан баш тартканын күч органдарындагы жеке булактарына таянып Kaktus.media 4-майда жазды. Басылманын маалыматына караганда, милиция кармаган эки кишини кайра коё берген. Октябрь райондук милициясынын басма сөз кызматы "Азаттыкка" сабалган киши ким экенин так маалымдаган жок, бирок 1-майда “Асанбай” кичи районунда мушташ болгонун,... Читать дальше...

Кыргызстан Кытай менен визасыз режим киргизүү боюнча сүйлөшүү жүргүзүүдө. Бишкек менен Бээжин азырынча визасыз каттамдын жол-жобосу жөнүндө толук маалымат бере элек. Айрым серепчилер кытай жарандарынын Кыргызстанга ээн-эркин кирүүсүнө шарт түзүүнүн тобокелдигин айтып, тынчсызданып атышат.

Монголия өз жолу менен өнүгүп бараткан өлкө. Тарыхтын бир доорунда эң кубаттуу империя болгон. Монголия түштүк тарабынан дүйнөдө эң көп эли бар Кытай менен чектешсе, түндүгүндө аянты жагынан Жер бетинде биринчи орунду ээлеген Орусия турат. Экөө менен тең алака-катышы ары узак, ары татаал.

4-майда "Медиахаб" коомдук фонду Кыргызстанда казино иштетүү үчүн уруксат кагазын 1 млн. долларга (84 млн. сом) сатып алган ишкердин артында турган адамдар тууралуу иликтөөсүн жарыялады. "Алгачкы казинонун артында Бурханов турабы?" деген иликтөөдө кумаркана иштетүүгө уруксат кагазын биринчилерден болуп бир миллион долларга сатып алган ишкер "Гранд казино" ишканасынын ээси Адилет Абдыманапов аттуу адам болуп чыккан. "Гугл аркылуу иликтөөлөр жана башка ачык булактардан алган маалыматтарга ылайык... Читать дальше...

2014-жылдан 2022-жылга чейинки аралыкта Кыргызстанда бир да адам "Кыйноо" беренеси менен соттолгон эмес. Бул тууралуу Кыйноолордун алдын алуу боюнча улуттук борбор Жогорку Соттун маалыматтарына таянып билдирди. Ага ылайык, иликтөөлөр кыйноо боюнча кылмыш иштеринин басымдуу бөлүгү кылмыш жоопкерчилигинен бошотуу же актоо чечими менен аяктай турганын көрсөткөн. Кыйноолордун алдын алуу боюнча улуттук борборго 2022-жылы 82 жарандан арыз түшкөн. Булардын ичинен 51 адам күч органдары кыйноо фактысы... Читать дальше...

Ооганстан менен чектеш жерде Пакистандын алты жоокери согушкерлердин колунан каза болгонун Исламабад 4-майда жарыялады. Буга жоопкерчиликти суннит жоочулары алды. Кандуу окуя кышында 100дөн ашуун адамдын өмүрүн алган мечиттеги жардыруудан улам Пакистан бийлиги согушкерлерге каршы жаңы күрөш жарыялагандан кийин болду. 30-январда Пешавар шаарындагы полиция бөлүмүнүн аймагында жайгашкан мечитте бешим намазы учурунда жардыруу болгон. Имамдын артында биринчи катарда турган жанкечти өзүн жардырганда 100дөн ашык адамдын өмүрү кыйылган.

Meta компаниясы Грузиянын өкмөтүнө байланышы бар бир канча баракча жана аккаунттарды өчүргөнүн билдирди. "Эхо Кавказа" кабарлагандай, социалдык түйүндү колдонуу саясатын бузганы үчүн Фейсбуктагы 80 аккаунт, 26 баракча, тогуз тайпа жана эки Instagram аккаунт бөгөттөлдү. "Аккаунт ээлери өздөрүнүн аты-жөнүн жашырганына карабай, компания алардын Грузия өкмөтүнүн стратегиялык коммуникациялар департаменти менен байланышын аныктады", — деп жазылган маалыматта. Баяндамада фейк аккаунттар баракчаларды башкарып... Читать дальше...

АКШнын Кыргызстандагы элчилиги Атыр Абдрахматованын акыйкатчы кызматынан кетишине байланыштуу кабатырлыгын билдирди. Элчиликтин Твиттердеги баракчасына: "Акыйкатчы институту укуктук бийликти колдоодо башкы роль ойнойт. Жогорку Кеңештин Атыр Абдрахматованы анын өлкөдөгү адам укуктарынын корголушунун абалы тууралуу баяндамасынан соң, кызматтан алууга добуш бергени - кыргыз өкмөтүнүн акыйкаттык жана айкындуулуктун принциптерин кармануусуна кабатырлык жаратат", - деп жазылды. Элчилик ошондой эле... Читать дальше...

Министрлер кабинети  “Анык эмес (жалган) маалыматтан коргоо жөнүндө” мыйзамды өзгөртүүнүн жана түзөтүүнүн зарылдыгы жок деген корутундусун Жогорку Кеңештеги демилгечи депутаттарга жиберди. Бул тууралуу "Адилет" укуктук клиникасынын жетекчиси Чолпон Жакупова 3-майда "Азаттыкка" маалымдады. Ал министрлер кабинетинин төрагасы Акылбек Жапаровдун колу коюлган корутундуга каршылыгын билдирип, Жогорку Кеңештин төрагасына кайрылды.   "Жогорку Кеңеш - мыйзам чыгаруучу орган катары өкмөттүн бул корутундусун... Читать дальше...

Казакстандын Актау шаарында каракалпак активисти Куанышбай Каниязов Өзбекстанда Нукус окуясынан кийин соттолгон Даулетмурат Тажимуратовду жана башка адамдарды бошотууну талап кылып, саясий ачкачылык жарыялады. Бейшембиде соцтармактарда жарыяланган видеодо Каниязов бардык укук коргоочу уюмдарга, Европадагы коопсуздук жана кызматташтык уюмуна (ЕККУ) жана БУУнун Адам укуктары боюнча комитетине кайрылуу жасады. 2015-жылдан бери үй-бүлөсү менен Казакстанды байырлаган 58 жаштагы Куанышбай Каниязов... Читать дальше...

Кыргызстандагы көйгөйлөр Баш мыйзамга байланыштуу эмес, жоопкерчиликтин жоктугунда болуп жатат. Мындай пикирин Конституциялык соттун мурдагы төрайымы Чолпон Баекова "Азаттыкка" курган маегинде билдирди. Ал алгачкы Конституцияны кабыл алуунун жүрүшү, андан берки өзгөртүүлөр, 2005-жылы бийликтен кулатылган Аскар Акаев башкарган жылдардагы ролу тууралуу суроолорго жооп берди.

“Аялдар тынчтык үчүн” долбоору Баткен районунун чек арадагы төрт айыл аймагында тогуз ай иштейт. Бул тууралуу демилгечилердин бири, “Баарлашуу, ишеним, укук” коомдук фондунун аткаруучу директору Назгүл Алдашева "Азаттык" радиосуна билдирди. Анын маалыматына караганда, долбоордун алкагында аялдар тынчтык куруу боюнча лидерликке, бизнес-долбоорлорду, жергиликтүү тынчтык демилгелерди иштеп чыгуу жана ишке ашыруу жаатында окутулат. Долбоордун максаты - кыргыз-тажик чек арасындагы кагылышуулардан... Читать дальше...

АКШнын Эл аралык дин эркиндиги боюнча комиссиясы (USCIRF) Мамдепартаментке диний эркиндиктин жетишсиздигинен Тажикстанга кысым көрсөтүүнү, зарыл болсо санкция салууну сунуштады. Уюм дүйнөдөгү диний укуктардын сакталышы боюнча жарыялаган отчетунда акыркы бир жылда дүйнөдө дин тутуу жана башка ишеним эркиндигинин абалы кескин начарлап кеткени айтылат. Комиссия АКШнын Мамлекеттик департаментине 17 өлкөнү дин тутуу эркиндиги боюнча “өзгөчө тынчсыздануу жараткан мамлекеттер” катары көрсөтүүнү сунуштады. Читать дальше...

Пакистандын тышкы иштер министри Билавал Бхутто Зардари соңку 12 жылда биринчи жолу Индияга барды. Ал 4-5-май күндөрү Шанхай кызматташтык уюмуна мүчө мамлекеттердин башкы дипломаттарынын саммитине катышат. "Машаал" радиосу билдиргендей, жолугушуулар Гоа курорттук аймагында болот. Пакистандын тышкы иштер министри акыркы жолу Индияга 2011-жылы барган. Гималайдагы Кашмир аймагындагы талаштан улам эки өлкөнүн мамилеси көп жылдан бери чыңалып турат. Шанхай кызматташтык уюмуна Кыргызстан, Кытай... Читать дальше...

Ошто "Ынтымак" коомдук-региондук телерадиокомпаниясынын жаңы дайындалып, жамаатка тааныштырылган жетекчиси бир күн өтпөй кызматынан кетүү тууралуу арыз жазды. Бакыт Айдаровду 3-майда жамаатка маданият, маалымат, спорт жана жаштар саясаты министринин орун басары Чыңгыз Эсенгулов расмий тааныштырып кеткен. Ал эми 4-майда Бакыт Айдаров кайрадан жумуштан кетүү жөнүндө арыз жазганын "Азаттыкка" министрликтин Маалымат башкармалыгынын бөлүм башчысы Бектур Ибрагимов тастыктап, буга анын үй-бүлөлүк шартына... Читать дальше...

5-6-май күндөрү түнкүсүн жана эртең менен үшүк жүрүшү күтүлөт. 5-майда Чүй, Талас облустарынын дыйканчылык аймактарында 0…-2° үшүк жүрүшү ыктымал. 5-6-майда түнкүсүн жана эртең менен Ысык-Көл, Нарын облустарынын дыйканчылык аймактарында -2…-4° үшүк жүрүшү мүмкүн. Мындай үшүк жемиш бактарынын гүлдөрүнө, бүчүрлөрүнө, гүлдөгөн жемиш бактарына, жерге отургузулган жашылчаларга коркунучтуу. 5-майдагы жаан-чачынга байланыштуу Кыргызстандын тоолуу райондорунда, Каракол-Эңилчек автоунаа жолунун 45-50... Читать дальше...

Таластагы мал базардан кармалган чөнтөкчүнү эл кармап алып, сабап, мамыга таӊып салды деген кабар кызуу талкууга алынып жатат. Ага чейин деле көпчүлүктүн жаалына кабылып, атүгүл ташбараӊдан өлүп кеткендер да болгон деп эстеп жатышат. Тартип органдары менен сотко ишеним калбагандыктан ушундай окуя болду деген пикирди эч ким төгүндөгөн жок. Эми “өздүк сот” адатка айланбайбы? Калайыктын кыжыры кайнай берсе, акыры дагы бир революция (төӊкөрүш), тагыраагы, социалдык катастрофа болбойт деп ким кепилдик бере алат? Читать дальше...

Кыргызстанда адамдардын жашырган мүлкүн легалдаштырууга жол ачкан мыйзам долбоорлору бүгүн 4-майда Жогорку Кеңеште колдоо тапты. “Жеке жактардын активдерин ыктыярдуу легалдаштыруу жана мунапыс берүү жөнүндө” жана “Кылмыш-жаза процессуалдык кодексине, Кылмыш-жаза кодексине өзгөртүү киргизүү жөнүндө” мыйзам долбоорлорун 56 депутат колдоду, экөө каршы добуш берди. Министрлер кабинети көмүскө экономиканы азайтуу үчүн легалдаштыруу өнөктүгү бир жылга созулуп, байлыгын ачыкка чыгаргандарга кылмыш иши козголбойт деген кепилдик берилерин билдирген. Читать дальше...

Зомбулукка каршы NeMolchi.uz долбоорунун негиздөөчүсү жана жетекчиси, укук коргоочу Ирина Матвиенко Өзбекстандан чыгып кетти. Бул тууралуу ал Instagram баракчасына жазып, "өлтүрүп кетебиз" деген коркутууга кабылганын билдирди. Матвиенко 28-апрелде коркутуу тууралуу укук коргоо органдарына кабарлаганын, тергөө жүрүп жатканын белгиледи. Анын айтымында, Өзбекстандан кеткенине карабай, NeMolchi.uz долбоору бул өлкөдөгү укуктары бузулган аялдардын көйгөйлөрүн чагылдырууну уланта  берет. NeMolchi.uz... Читать дальше...

Өзбекстандан Кыргызстанга мыйзамсыз жүк ташуу максатында жер астынан жол казган деп айыпталган онго жакын киши соттолду. Фергана соту үч кишини алты жылга, дагы үчөөнү жети жылга эркинен ажыратты. Андан башка дагы үч адам шарттуу кесилгенин Өзбекстандын маалымат каражаттары укук коргоо органдарына таянып жазышты. Улуттук коопсуздук кызматы 2022-жылдын 23-июлунда Фергананын Риштан районунан Баткендин Кадамжай районуна алып өткөн 130 метрлик тоннель табылганын маалымдаган. Жер астынан жол казылган... Читать дальше...

Жогорку Кеңештин 4-майдагы жыйынында депутат Медер Алиев Кыргызстандын Евразия экономикалык кеңешиндеги өкүлдөрү өз ишин аткарбай жатат деген оюн айтып чыкты. Ал мындай оюн жыйында Европа өлкөлөрүнөн жана АКШдан ташылып келатып Беларустун чек арасында кармалып турган автоунаалардын маселеси талкууланып жатканда билдирди. “Ошол жердеги өкүлдөр "тегерек үстөлгө" чогулуп, ЕАЭБдин мүчөлөрү менен ар өкүлдөр өз мамлекетине ыңгайлуулуктарды түзүшөт. Менин пикиримде, биздин ЕАЭБдеги өкүлдөр толук иштебей жатат. Читать дальше...

Европа өлкөлөрүнөн жана АКШдан Кыргызстанга ташылып келатып, Беларусиянын чек арасында кармалып турган унаалар боюнча Бажы кызматынын башчысы Самат Исабеков маалымат берди. Ал 4-майда Жогорку Кеңештин жыйынында сүйлөп жатып, кармалып турган унаалардын ичинен арзан баада сатып алынганы боюнча документтер табылганын билдирди. “Мисалы, сатып алынып келаткан 40 миң долларлык машинанын ичинен аны “350-500 долларга сатып алды” деген документтер чыккан. Ошондон улам беларус тарапта “Кыргызстанга келгенде... Читать дальше...

Башкы прокуратура "Туризмди өнүктүрүү фонду" ишканасына козголгон кылмыш иши тууралуу 4-майда маалымат берди. Башкы прокурордун орун басары Үмүткан Конкубаева Жогорку Кеңештин жыйынында билдиргендей, 22-апрелде Улуттук коопсуздук мамлекеттик комитети фондго Кылмыш-жаза кодексинин “коррупция” беренеси менен кылмыш ишин козгогон. Бул иштин алкагында 28-апрелде Бишкек шаарынын Биринчи Май райондук сотунун чечими менен фонддун кеңсеси жана анын жетекчиси Елена Калашникованын үйү тинтүүгө алынган. “29-апрелде... Читать дальше...

Грузиянын абактарында отурган кыргызстандык жарандар менен жолугушуу өткөнүн 4-майда Кыргызстандын Тышкы иштер министрлиги (ТИМ) билдирди. Мекеменин маалыматына караганда, 1-3-май күндөрү Кыргызстандын Азербайжандагы жана Грузиядагы элчилигинин (кеңсеси Баку шаарында жайгашкан) консулу Грузияга барып, тийиштүү мекемелердин өкүлдөрү менен консулдук кызматташтыкты талкуулады, ал жактагы кыргыз жарандарына паспорт алууга, алмаштырууга, санарипке өткөрүүгө, консулдук каттоого турууга байланыштуу маалымат берди. Читать дальше...

Кыргызстан Кытай менен визасыз режим киргизүү боюнча сүйлөшүү жүргүзүп жатат. Азырынча эки өлкө ортосундагы визаны жокко чыгаруунун жол-жобосу жөнүндө толук маалымат айтыла элек. Бирок, жергиликтүү айрым серепчилер кытай жарандарынын Кыргызстанга ээн-эркин киришине шарт түзүүнүн тобокелдиктерине тынчсызданууда. Визасыз режимдин шарттары белгисиз Кытай менен Кыргызстандын ортосундагы визаны жокко чыгаруу боюнча сүйлөшүүлөр жүрүп жатканын өлкөнүн башкы дипломаты парламенттин шаршембидеги жыйынында айтты. Читать дальше...