Новости за 01.05.2023

Өзбекстанда жекшембиде өткөн референдумда Конституцияны өзгөртүү сунушун добуш берүүгө катышкан шайлоочулардын 90,21% колдоп, 9,35% каршы болду. Бул тууралуу өлкөнүн Борбордук шайлоо комиссиясынын (БШК) төрагасы Зайниддин Низомхожаев билдирди. Анын айтымында, референдумда 16 673 189 киши же жалпы катталган шайлоочулардын 84,54% добуш берди. Бюллетендердин 0,49% жараксыз деп табылды. БШК төрагасы референдум толугу менен эл аралык стандарттарга жана Өзбекстандын мыйзамдарына шайкеш өткөнүн билдирди. Читать дальше...

Алматыда Казакстан менен Кытайдын ортосунда визасыз режимге каршы митингге чыккан бир канча киши полиция кармады. "Азаттык" радиосунун казак кызматы 1-майда кабарлагандай, Горький атындагы сейил бакта 20дай адам чогулду. Прокурор аларга митинг мыйзамсыз экенин эскертип, тарап кетүүнү талап кылган. Кийинчерээк тартип сакчылары аларды күч менен кармап, жүк ташуучу унаага салып кетишкен. Полиция эч кандай түшүндүрмө берген эмес.  Жарандарды бул митингге катышууга Казакстанда тыюу салынган “Демократиялык тандоо” кыймылынын жетекчиси... Читать дальше...

“Кумтөр Голд Компани” ишканасынын мурдагы тышкы башкаруучусу Тенгиз Бөлтүрүк мамлекетке келтирилген зыянды төлөп берип, үй камагына чыкты. Башкы прокуратура коррупцияга айыпталган Тенгиз Бөлтүрүктүн үй камагына чыгарылганы боюнча маалымат таратып, ал жана башка шектүүлөр мамлекетке келтирген 1 млрд. 146 млн. 449 миң 161 сом зыяндын 844 млн. 512 миң 858 сомун төлөп бергенин кабарлады. Көзөмөл орган Тенгиз Бөлтүрүк канча сумма төлөгөнүн тактаган жок. 30-апрелде Бишкектин Октябрь райондук соту... Читать дальше...

Садыр Жапаров бүгүн, 1-майда Ош жана Жалал-Абад шаарларына барды. Президенттин маалымат кызматы билдиргендей, ал жаңы аэропорттор курула турган жер тилкелерин көрүп чыкты. "Долбоорго ылайык, бул бардык эл аралык стандарттарга жана коопсуздук талаптарына жооп берген жаңы тилкелерде курулган толук кандуу аэропорттор болот",-деп айтылат расмий маалыматта.   Ал эми азыркы аэропорттордун ордуна заманбап турак жайларды куруу планы айтылды. Курулган көп кабаттуу үйлөрдөгү батирлер жарандарга Мамлекеттик... Читать дальше...

Улуттук укук коргоо мекемелеринин глобалдык альянсы Кыргызстандын акыйкатчысы Атыр Абдрахматованын ишмердүүлүгү боюнча президент Садыр Жапаровго кайрылышты. Кайрылууда акыйкатчы Атыр Абдрахматованы мөөнөтүнөн мурда кызматтан алуу тууралуу Жогорку Кеңеш депутаттарынын сунушу сынга алынып, ал ишке ашса, Кыргызстандын эл аралык аброюна шек келтирип аларын белгиленген. "Эгер Атыр Абдрахматова мөөнөтүнөн мурда кызматынан алынса, Кыргызстан БУУнун адам укуктары кеңешинин мүчөсү катары өзүнүн эл аралык аброюна залака келтирип алат. Читать дальше...

Бириккен Улуттар Уюмунун (БУУ) Адам укуктары боюнча комитети он жыл мурда соттолуп, абакта отуруп чыккан Кыргызстандын Жалал-Абад шаарынын тургуну Белек Курманбековдун кыйноого кабылганын тааныган чечим чыгарды. Ага ылайык, эми Курманбеков акталып, кыйноого кабылганы жана күнөөсүз камалып, алты жыл түрмөдө отурганы үчүн кенемте төлөнүп берилиши керек. Укук коргоочулар Кыргызстандын сот системасынан акыйкаттык таппаган жарандар БУУнун Адам укуктары комитетине кайрылуу мумкүнчүлүгүн айтышууда. Эл... Читать дальше...

Якутияда теги кыргызстандык жарандын бычакталышы боюнча кылмыш иши козголду. Бул тууралуу Кыргызстандын Орусиядагы элчилиги кабарлады. "Диаспоранын маалымдашынча, теги кыргызстандык Уланбек Арстанов Орусиянын жараны. Учурда абалы жакшырып баратат", - деп билдирди элчилик. Якутиянын Мирный шаарында кыргызстандык Уланбек Арстановду жергиликтүү эки бала бычактап, оор абалда ооруканага түшкөн. Ага кол салынган учур көп кабаттуу үйдүн видеокамерасына түшүп калып, тасманы жергиликтүү маалымат каражаттары жарыялашкан. Читать дальше...

Өзбекстанда 30-апрелде өткөн референдумда Конституцияны өзгөртүү сунушун добуш берген жарандардын 90,21% колдоп, 9,35% каршы болду. Бул тууралуу өлкөнүн Борбордук шайлоо комиссиясынын (БШК) төрагасы Зайниддин Низомхожаев билдирди. Анын айтымында, референдумда 16 673 189 киши же жалпы катталган шайлоочулардын 84,54% добуш берди. Бюллетендердин 0,49% жараксыз деп табылды. БШК төрагасы референдум толугу менен эл аралык стандарттарга жана Өзбекстандын мыйзамдарына шайкеш өткөнүн билдирди. 2022-жылы... Читать дальше...

Орусиянын Саратов облусунун Дергач районундагы трассада жол кырсыгына кабылган төрт кыргызстандык жарандын бири, 57 жаштагы аял алган жаратынан улам көз жумду. Бул тууралуу аймактын саламаттык сактоо министри Олег Костин өзүнүн Телеграмм каналына жазды. Маалыматка караганда, кырсыктан жабыркаган дагы эки кыргызстандык - 58 жаштагы аял жана 19 жаштагы жигит Дергач райондук ооруканасынан облустун борборундагы Энгельс шаардык ооруканасына которулду. Дагы бир 42 жаштагы жаран бейтапканага жатуудан баш тарткан. Читать дальше...

Өздөрүн "Ислам мамлекети" атаган террордук уюмдун лидери Абу ал-Хусейн ал-Курейшини Түркиянын чалгындоо кызматы Сирияда өлтүрдү. Бул тууралуу 30-апрелде Түркиянын президенти Режеп Тайып Эрдоган TRK Turk телеканалынын эфиринде билдирди. Ал-Курейшини жок кылуу операциясы түрк атайын кызматынын көптөн берки планы менен ишке ашты. Reuters агенттиги өз булактарына таянып кабарлагандай, Абу ал-Хусейн ал-Курейшини жок кылуу операциясы Сириянын түндүгүндөгү Жандарис шаарына жакын жерде, Түркия менен чек арадан анча алыс эмес аймакта болду. Читать дальше...

Жүздөн ашык казакстандык оор жүк ташуучу автоунаалар Актау - Жаңы-Өзөн жолунун четинде токтоп турушат. Айдоочулар дизелдин кымбатташына 28-апрелден бери каршылык билдирүүдө. Нааразылык акциясына Маңгыстау облусунан жүздөн ашуун айдоочу катышып жатканын “Азаттыктын” казак кызматына активист жана блогер Бахтияр Дүйсембай билдирди. Анын айтымында, митингчилер бийликке 11 талап коюп, видеокайрылуу жолдошту. Алар азык-түлүктүн кымбаттыгына, жумушсуздукка, эмгек акынын аздыгына да макул эмес. Башында айдоочулардын негизги талабы ... Читать дальше...

Кемпир-Абад ишине байланыштуу абакта отурган саясатчы, активисттердин бөгөт чарасы 2-майда Бишкек шаардык сотунда карала баштайт. Бул тууралуу абакта отургандардын бири Эрлан Бекчоро уулунун адвокаты Тимур Султанов 1-майда “Азаттыкка” билдирди. Буга чейин 12-19-апрель аралыгында Биринчи май райондук соту массалык башаламандык уюштурууга даярдык көргөн деп айыпталган саясатчы, активисттердин бөгөт чарасын карап, жети кишини үй камагына чыгарган. Калган 16 кишини тергөө абагында калтырган. Калганы буга чейин үй камагына чыгарылган. Читать дальше...

Көкбөрү боюнча республикалык мелдеш бүгүн, 1-майда Жалал-Абад шаарындагы "Телтору" ат майданында башталды. Көкбөрү федерациясынан билдиришкендей, мелдеш 9-майга чейин уланат. Ага жалпысынан 35 команда катышып, төрт лигада беттештер өтөт.    Жогорку лигада 6 команда, Биринчи лигада 12 команда, Экинчи лигада 9 команда жана 40 жаштан жогорку курактагылар арасында 8 команда бар. Жогорку лигада "А" тайпасында: "Мурас" (Ысык-Көл), "Алтын-Альянс" (Талас), "Сары-Өзөн" (Чүй) командалары беттешет. "Б" тайпасында... Читать дальше...

2-майга караган түнү Чүй, Ысык-Көл, Нарын облустарынын айрым жерлеринде жаан жаап, тоолуу райондорунда кар жаашы, Ош облусунун тоо этектеринде жаан жаап, тоолуу райондорунда кар жаашы мүмкүн. Ош облусунун дыйканчылык аймактарында жана Талас, Жалал-Абад, Баткен облустарында жаан-чачын жаабайт. Күндүз айрым жерлерде жаан, тоолуу райондордо кар жаашы мүмкүн. Бийик тоолуу райондордо жолдор тоңголок, тайгак болот. Батыштан соккон шамалдын ылдамдыгы секундасына 4-9 метрден, күндүз айрым жерлеринде 17-22 метрге жетет. Читать дальше...

Апрелдин соңунда уул-кыздары Орусиянын абактарында отурган ондогон ата-эне Бишкекте акция өткөрүп, бийликке кайрылуу жолдогон. Анда “маңзат ташыган” деген айып менен соттолгон балдарын Кыргызстанга экстрадициялоого кыргыз бийлигинен көмөк сурашкан.

Кыргыз-өзбек чек арасындагы "Достук" бекетинде иштеген үч бажы кызматкери коррупцияга шектелип кармалганы кабарланды. Биринчи май райондук сотунун басма сөз кызматы шектүүлөр 22-майга чейин абакка камалганын "Азаттыкка" ырастады. Коррупцияга шектелип кармалгандардын бири Жогорку Кеңештин депутаты Надира Нарматованын уулу Азатбек Нурдинов экендигин ишенимдүү булактарына таянып, бир катар ЖМКлар жазып чыкты.  Маалыматтарга караганда, Азатбек Нурдинов Ош бажысында эмгектенет.  Бул боюнча депутат... Читать дальше...

Президент Садыр Жапаров кыргызстандыктарды 1-май — Эмгек майрамы менен куттуктады. Президенттин сайтына жарыяланган куттуктоодо "1-май Кыргызстанда салттуу элдик майрамга айланганын, кыргыздар эзелтен эле жакшы жашоого адал эмгек, талыкпаган мээнет менен гана жетүүгө болорун белгилеп келишкени" айтылат. “Кыргызстандын өсүп-өнүгүшү жана элибиздин бакубат жашоосу үчүн күч-аракетин, билимин, тажрыйбасын аябай, түз ниети менен иштеп келе жаткан чыныгы кесипкөйлөр менен эмгек жамааттары сый-урматка татыктуу. Читать дальше...

Башкы прокуратура үй камагына чыккан “Кумтөр Голд Компани” ишканасынын мурдагы тышкы башкаруучусу Тенгиз Бөлтүрүк мамлекетке келтирилген зыянды төлөп бергенин билдирди. Бул тууралуу мекеменин басма сөз кызматы маалымат таратты. “Кумтөр Голд Компани” ишканасынын мурдагы тышкы башкаруучусу Тенгиз Бөлтүрүккө коррупция беренеси менен иш козголуп, тергөөнүн жүрүшү менен мамлекетке 1 млрд. 146 млн. 449 миң 161 сом зыян келтирилгендиги аныкталган. Учурда келтирилген зыяндын 80% жакыны, тактап айтканда 844 млн. Читать дальше...