Новости за 10.11.2023

Кара-Суу районундагы жол кырсыгына кабылган үч аскер кызматкеринин дагы бири каза болду. Бул тууралуу бүгүн 10-ноябрда “Азаттыкка” ишенимдүү булактар билдиришти. Анын мээсине кан куюлуп, бир ыптасындагы кабыргаларынын баары, жоон саны сынган. Аскер кызматкеринин өлүмү тууралуу Коргоо министрлиги маалымат бере элек. 9-ноябрда үч аскер кызматкери жол кырсыгына кабылып, алардын бирөө каза болгонун “Азатыкка” Коргоо министрлигинен билдиришкен. Каза болгон 22 жаштагы адам автоунааны айдап бараткан. Читать дальше...

Бишкекте эки кызды сабады деп шектелген өгөй атасы камакка алынганын бүгүн 10-ноябрда шаардык милициянын басма сөз кызматы билдирди. Мекеменин маалыматына караганда, 33 жаштагы шектүү Ленин райондук ички иштер башкармалыгынын убактылуу кармоочу жайына киргизилди, иштин материалдары андан аркы териштирүү үчүн райондук сотко өткөрүлүп берилет. Бети, денеси көк ала болуп сабалган 9 жана 10 жаштагы кыздардын сүрөтүн “Балдардын укугун коргоочулар лигасынан” жетекчиси Назгүл Турдубекова 9-ноябрда жарыялап... Читать дальше...

Президент Садыр Жапаров жаштардын негизги көйгөйлөрү катары билим алууну, эне тилди билүүнү, жумуш орундарын түзүүнү, арзан турак жай менен камсыздоону, миграция агымын азайтууну жана салттуу эмес диний агымдардын таасиринен сактоону атады. Мамлекет башчы 10-ноябрда жаштардын күнүнө карата жолдогон куттуктоосунда бул бул көйгөйлөр мамлекеттин көңүл борборунда экенин айтты. Ал бардык тармактарда жаштар өлкөнүн негизги кыймылдаткыч күчүнө айланып жатканын белгиледи. Мамлекет жаштарга көңүл буруп келе жатканын... Читать дальше...

Чүй облусунун Сокулук райондук соту Адилет Балтабай деген ат менен таанылган блогер жана жарандык активист Адилет Али Мыктыбектин пробация көзөмөлүн жокко чыгарды. Мындай чечим 10-ноябрда чыкканын анын адвокаты Эрлан Казаков "Азаттыкка" билдирди. "Биринчи Май райондук соту үч жылга пробациялык көзөмөл берген болчу. Бүгүн ошол пробация көзөмөлүн жокко чыгарган чечим кабыл алып, мурдагы беш жылдык мөөнөтү күчүндө калды. Бул токтом 10 күн ичинде күчүнө кирет. Биз ага чейин Чүй облустук сотуна апелляциялык арыз менен кайрылабыз", - деди Казаков. Читать дальше...

Орусиянын буудай боюнча пландалып жаткан чектөөсү Кыргызстанга таасирин тийгизбей турганын бүгүн 10-ноябрда республиканын Айыл чарба министрлиги билдирди. Мекеменин маалыматына караганда, бүгүнкү күндө Кыргызстанда катуу буудайдын көлөмү жылдын аягына чейин жетиштүү жана орус бийлигинин соңку чечими үчүнчү өлкөлөргө тиешелүү: “Башкача айтканда, Евразия экономикалык биримдиги (ЕАЭБ) алкагындагы келишимдер боюнча Орусиядан Кыргызстанга буудай данын жеткирүү токтогон жок жана чектөө болбойт”. Министрлик белгилегендей... Читать дальше...

Дүйнөлүк банк Кыргызстандын район жана шаарларындагы билим берүү бөлүмдөрүнүн ишин жакшыртуу үчүн техникалык жардам көрсөттү. Билим берүү жана илим министрлигинин басма сөз кызматы бүгүн 10-ноябрда билдиргендей, Дүйнөлүк банктын колдоосу менен ишке ашырылып жаткан «Келечек үчүн билим берүү» долбоору алкагында 65 ноутбук сатылып алынды. Ар бирине лицензиялык программалоо орнотулган, атайын өзүнчө баштыкка салынган ноутбуктар министрликтин жергиликтүү бөлүмдөрүнүн башчыларына таркатылып берилет. Алар аркылуу окуучунун билим деңгээлине... Читать дальше...

Конституциялык сот кыргызстандыктарга документине “атасынын аты” деген жерге апасын жаздырууга жол ачкан матроним тууралуу өз чечимин кайра өзү өзгөрттү. 9-ноябрда чыккан чечимде буга “мамлекеттик институттардын коомдук-укуктук жана жеке-укуктук кызыкчылыктарды коргоо боюнча укук тартибин коргоо ишмердүүлүгүнүн тең салмактуулук принцибин сактоо максаты” жана “матчество институтун киргизүүнү коомдун басымдуу бөлүгү терс кабыл алгандыгы, андайды алдын ала билүү мүмкүн болбогону” себеп экени белгиленди. Читать дальше...

Бүгүн, 10-ноябрда Жогорку Сотто "Вечерний Бишкек" гезитинин Kaktus.media басылмасына каршы доо арызы боюнча чечим чыкты. Соттук коллегия журналист Диля Юсуповага буга чейинки эки инстанцияда салынган 500 миң сом айыпты 100 миң сомго түшүрдү. Ал эми басылманын өзүнө салынган 500 миң сом айып ошол бойдон калды. Былтыр 29-декабрда Kaktus.media сайтына "Вечерний Бишкектин" кызматкерлери гезит 1-январдан тартып жабыларын билдиришти” деген макала жарыяланган. “Вечерний Бишкек” бул макалада так эмес маалымат келтирилгенин билдирип... Читать дальше...

Израилдин ХАМАСты жеңгенден кийин Газаны ээлеп, басып алуу же башкаруу ниети жок экенин 9-ноябрда өлкөнүн премьер-министри Биньямин Нетаньяху билдирди. Бирок ал эгер согушкерлердин коркунучун алдын алуу зарыл болсо анклавдын аймагына «ишенимдүү күчтөр» кириши мүмкүн экенин кошумчалады. «Биз Газаны ээлеп алууга, окуппациялоого умтулбайбыз, Газаны башкарууга умтулбайбыз, – деди ал Fox News телеканалына курган маегинде. – Газанын келечеги кандай болушу зарыл экени түшүнүктүү эле го деп ойлойм: бул кармаштын соңунда ХАМАС деген болбойт... Читать дальше...