Новости за 16.03.2023

Жогорку Кеңеш 15-мартта курултай тууралуу мыйзам долбоорун биринчи окууда карап, талаш-тартыштардан улам документ күн тартибинен алынды. Анда курултайдын, делегаттардын ыйгарым укуктары узарганы, парламенттин, өкмөттүн, жергиликтүү бийликтин ишине чейин аралашып-кийлигишүүсүнө жол ачкан беренелер бары айтылды. Документтин авторлору долбоордун концепциясын кабыл алуу зарылдыгын айтып, айрым беренелерди өзгөртүүгө макул болду. Бул мыйзам долбоору былтыр жазында дагы талаш-талкуудан улам кабыл алынбай калган. Читать дальше...

Президент Садыр Жапаров Түркияга учуп барган менчик учак тууралуу анын басма сөз катчысы Эрбол Султанбаев маалымат берди. Ал "Азаттыкка" берген комментарийинде, компания ээси менен макулдашып, кыргыз тарап учактын майынын чыгымын гана төлөгөнүн билдирди. "Бүгүнкү күндө учакты лизингге каттоо жол-жобосу толук бүтө элек. Андыктан компания ээси менен макулдашуу боюнча кыргыз тарап авиа отунга гана чыгымды көтөрдү. Делегация Embraer үлгүсүндөгү учак менен барды. Сыноо мөөнөтү уланууда, ал бүткөндөн... Читать дальше...

Тажикстандын Дүйшөмбү шаарында кыргыз-тажик мамлекеттик чек арасын делимитациялоо жана демаркациялоо боюнча эки өлкөнүн өкмөттүк делегацияларынын топографиялык жумушчу топторунун кезектеги жолугушуусу аяктады. Министрлер кабинетинин басма сөз кызматы кабарлагандай, 10-16-марттын аралыгында болгон кездешүүнүн жыйынтыгында тиешелүү протоколго кол коюлду. Протоколдо камтылган маселелер тууралуу кенен маалымат берген жок Кийинки жолугушууну Кыргызстандын аймагында өткөрүү макулдашылганын кабарлады. Читать дальше...

Кыргызстанда 2022-жылы жумушсуздуктун деңгээли 5,3% түзүп, мурдагы жылга салыштырмалуу 1,7% төмөндөгөн. Ушул тапта 142 миңден ашуун адам расмий түрдө жумушсуз деп катталган. Эмгек, социалдык камсыздоо жана миграция министри Кудайберген Базарбаев 16-мартта журналисттер менен жолуккан учурда Кыргызстанда жумуш орундары жетиштүү экенин, тескерисинче жумушчулар жетишпей жатканын белгиледи. "Бүгүнкү күндө биздин өлкөбүзгө жумушчулар жетишпей жатат. Жаңы жумуш орундары даяр, бирок жумушчулар жетишсиз", - деди министр. Читать дальше...

Жогорку Кеңештин депутаттары Кыргызстанда педофилия үчүн өлүм жазасын мыйзамдаштырууну жалпы элдик референдумга алып чыгууну сунушташууда. Укук коргоочулар өлүм жазасын мыйзамдаштыруу адам укуктарынын, демократиянын нормаларына туура келбей турганын белгилеп, кесепетин эскертишүүдө. Жогорку Кеңештин депутаттары Кыргызстанда педофилдер үчүн өлүм жазасын мыйзамдаштырууну жалпы элдик референдумга алып чыгууну сунушташууда. Демилгечилер бул боюнча токтом долбоорун парламент кароосуна алып чыгуу... Читать дальше...

Министрлер кабинети көп кабаттуу турак жайларды куруу жөнүндө жобо даярдап жатат. Бул тууралуу Министрлер кабинетинин төрагасынын орун басары Бакыт Төрөбаевдин курулуш компанияларынын жетекчилери менен 16-мартта болгон жолугушуусунда белгилүү болду.  Жобого ылайык, курулуш компаниялары баштаган үйдү толук куруп бүтүүгө милдеттендирилет. Ошондой эле алардын курулуш толук аяктамайынча батирлерди сатууга тыюу салынат. Өкмөттүн маалыматында бул жобо ишке киргенде курулуш компаниялары менен жарандардын... Читать дальше...

Улуттук коопсуздук боюнча мамлекеттик комитети (УКМК) мурдагы вице-премьер-министр, Өнөр жай, энергетика жана жер казынасын пайдалануу мамлекеттик комитетинин мурдагы жетекчиси Дүйшөнбек Зилалиев камалганын кабарлады. Маалыматка караганда, ал лицензия берүү үчүн пара алууга шек саналууда. "З.Д.Т. 2017-жылы ыйгарым укуктарына таянып, пайдалуу кендери бар жерлерге лицензия берүү маселесин чечип берүүнү убада кылып Б.Р. аттуу жарандан 50 миң АКШ доллары өлчөмүндө акча каражатын алганы аныкталды. Бирок... Читать дальше...

Жогорку Кеңештин депутаты Жаныбек Кыдыкбаев парламенттин 16-марттагы жыйынында Евразиялык экономикалык биримдикке мүчө эмес өлкөлөрдөн сол рулдуу унааларды ташып келүүгө жеңилдик берүүнү сунуштады. Ал учурда соңку беш жылда чыккан унааларды гана киргизүүгө уруксат экенин, бул чекти он жылга чейин узартуу керектигин айтты. Экономика жана коммерция министри Данияр Амангелдиев бул ЕАЭБдин алкагында кабыл алынган чечим болгонун, кыргыз өкмөтү бул боюнча өз алдынча чечим кабыл ала албай турганын айтты. Читать дальше...

Жогорку Кеңештин депутаты Камила Талиева парламенттин 16-марттагы жыйынында Лейлек районунун (Баткен) Катраң айылында жайгашкан "Апрель" алтын кенине байланыштуу маселени көтөрдү. Ал кенди иштетүүдө бийлик жетекчилери аралашып, жергиликтүү тургундарды коркутуулар болуп жатканын кошумчалады. Эл өкүлү Катраң айыл аймагынын тургундары президент Садыр Жапаровго, Атайын кызматтын башчысы Камчыбек Ташиевге жана Жогорку Кеңешке кайрылуу жолдогонун билдирди. "Лейлек районунда абал тынч эмес. Бул бүгүн эле чыгып калган көйгөй эмес. Читать дальше...

Экономика жана коммерция министри Данияр Амангелдиев өкмөт салыктык талаптардын аткарылышы үчүн ишкерлерге жеңилдиктер берилерин билдирди. Мындай пикирин ал 16-мартта парламент жыйынында “Кыргыз Республикасынын салык салуу чөйрөсүндөгү айрым мыйзам актыларына өзгөртүүлөрдү киргизүү жөнүндө” мыйзам долбоору экинчи окууда каралып жатканда айтты. “Эгер салыктын талаптарын бузса, башында эскертүү берилет. Экинчи жолу кайталанса, айыптын 50% көлөмүн төлөөгө милдеттендиребиз. Ошондо да талапка баш ийбесе... Читать дальше...

Жогорку Кеңеште 16-марттагы жыйында президент Садыр Жапаровдун Ош облусундагы өкүлү Зиядин Жамалдиновго байланыштуу кайрадан сын-доомат айтылды. Депутат Алишер Козуев Жамалдиновду жаш, таза иштеп жаткан кадрларды өз кызыкчылыгына пайдаланып, мыйзамсыз иштешине түртүп жатат деп сындады. "Мен парламенттин өткөн жумадагы жыйынында Зиядин Жамалдинов боюнча облустук, райондук мекеме-ишканалардын, суу чарба ишканаларынын жетекчилеринин оозеки арыздарынын негизинде эскертүү айттым эле. Андан көп өтпөй губернатор менин дарегиме дагы жалаа жаап... Читать дальше...

Улуттук коопсуздук боюнча мамлекеттик комитети (УКМК) Саламаттык сактоо министрлигине караштуу "М.Т.И." аттуу Улуттук госпиталдын башкы дарыгерине кылмыш иши козголгонун кабарлады. Маалыматка караганда, ал коррупциялык схемаларды түзүүгө шек саналууда. Атайын кызмат башкы дарыгердин медицина кызматкерлеринен акча талап кылганына байланыштуу 20дан ашуун фактылар катталганын билдирүүдө. Мамлекеттик сатып алуулар боюнча финансылык-чарбалык аудит жүргүзүлүп, медициналык багыттагы буюмдарды ашыкча... Читать дальше...

Дүйшөмбү шаарында Кыргызстан менен Тажикстандын чек арасын тактоо боюнча жумушчу топтордун жолугушуусу өтүүдө. Эки тарап чек аранын калган бөлүктөрүн тактоо боюнча иштерин улантып жатканы белгилүү болду. Кыргыз тарап көйгөйлүү маселеге айланган Тажикстан менен чек араны быйыл майга чейин бүткөрүү ниетин билдирип келет. Чек ара аймагында жашаган жергиликтүү тургундар тынчсыздануу дале сакталып турганын айтышууда. Дүйшөмбү шаарында 10-мартта башталган Кыргызстан менен Тажикстандын чек арасын делимитациялоо... Читать дальше...

Кыргызстандын президенти Садыр Жапаров 15-мартта Анкара шаарында Түркиянын президенти Режеп Тайып Эрдоган менен жолугушту. Жапаров Түркияда болгон жер титирөөлөрдүн кесепетинен көптөгөн адамдар курман болгондугуна байланыштуу дагы бир жолу көңүл айтты. Бул тууралуу президенттин басма сөз кызматы кабарлады. Расмий маалыматка караганда, өлкө лидерлери эки тараптуу жана көп тараптуу кызматташуунун кеңири чөйрөсүн талкуулап, саясий, соода-экономикалык жана башка тармактарда байланыштарды чыңдоого өзгөчө көңүл бурушту. Читать дальше...