Өзгөн районундагы жер көчкүдөн 120 жаран коопсуз жерге эвакуация болду. Көлөмү 1.3 млн. метр куб жер сүрүлүп, элдин айдоо жерин, тал-теректи басып калган. Жаратылыш кырсыгынан жабыркагандар жок. Бул аймакта өзгөчө кырдаал жарыяланды. Жер көчкү жүргөн аймакка "Азаттыктын" кабарчысы барып келди.
Ирандын Урмия шаарында 5 киши Израилдин кызыкчылыгына тыңчылык кылган деген айып менен өлүм жазасына өкүм кылынды. Норвегияда жайгашкан Hengaw деген укук коргоочу уюм билдиргендей, арасында Мансур Расули бар, дагы беш ирандык ушул эле ишке байланыштуу узак мөөнөткө абакка кесилди. Былтыр Израилдин маалымат каражаттары Моссад коопсуздук кызматынын агенттери Ислам революциясынын сакчылары корпусунун мүчөлөрүн Ирандын ичинде кармап, суракка алганын жазышкан. Кийин чыккан видеодо Мансур Расули деген киши Стамбулдагы израилдик дипломатты... Читать дальше...
Бишкектин Биринчи май райондук соту социалдык тармактарда Айжана Мырсан деген ат менен белгилүү жарандык активист Айжан Мырсалиеваны күнөөлүү деп таап, 100 миң сом айып пул салды. Бул тууралуу аталган соттун басма сөз кызматы 23-мартта билдирди. Мырсалиева бул чечимди саясий буйрук деп атап, Бишкек шаардык сотуна кайрыла турганын "Азаттыкка" билдирди. Былтыр 23-июлда Бишкектин Октябрь райондук милициясы жарандык активистке Кылмыш-жаза кодексинин 330-беренеси (“Расалык, этностук, улуттук, диний... Читать дальше...
Ооганстанда талибдердин өкмөтү куруп жаткан Коштөбө каналы Борбор Азиянын айрым өлкөлөрүндө олуттуу суу таңкыстыгын жаратышы мүмкүндүгү айтылууда. 2022-жылдын 31-мартында “Талибан” өкмөтү өлкөнүн түндүгүнө чоң канал куруу долбоорун сунуштаган. Канал Өзбекстанды, Түркмөнстанды жана Тажикстандын көп бөлүгүн суу менен камсыздаган Амударыядан башталат. Ал тапта "Талибан" Коштөбө каналы “Өзбекстан менен кызматташтыкта курулат” деп жарыялады. Ташкент кызматташууга даярдыгын, бирок Амударыядан суу... Читать дальше...
Тажикстанда 23-мартка караган түнү болгон жер титирөөдөн Согд облусунун Тоолуу Матча районунда ондогон турак үй жана айыл-чарба курулуштары зыян тартты. Адамдар көчөгө качып чыгышты Күчү 5,9 баллга жеткен силкинүү саат 1.07де болгонун Европа-Жер ортолук деңиз сейсмологиялык борбору жана Тажикстандын Илимдер академиясынын сейсмология институту билдиришти. Кээ бир айылдардын тургундары түнү бою сыртта отурууга аргасыз болгонун, мал-жандыктан айрылганын, жардам бейшемби күнү түшкө чейин да келбегенин "Озоди" радиосуна айтып беришти. Читать дальше...
Бишкек мэриясы 23-мартта окуучулардын ата-энелерине кайрылып, "ЧВК Редан" кыймылы тууралуу маалымат жайылып жатканын эскертти. Мындан улам калаа бийлиги балдардын мектептен тышкаркы коопсуздугун көзөмөлдөөнү өтүндү. Зарыл болгон учурда тиешелүү мобилдик тиркемелерди орнотуу аркылуу ата-энелик көзөмөлдү уюштурууну сунуштоодо. "Кыймыл тууралуу маалымат жайылып жатканы өспүрүм- окуучулардын жаңжалына алып келиши мүмкүн", - деп жазылган мэриянын маалыматында. Калаа бийлиги укук коргоо органдары... Читать дальше...
Толкунбек Абдыгулов Эл аралык валюта фондундагы кеңешчи кызматынан чакыртылды. Тийиштүү буйрукка президент Садыр Жапаров кол койгонун мамлекет башчынын басма сөз катчысы Эрбол Султанбаев "Азаттыкка" ырастады. Толкунбек Абдыгулов 2021-жылы сентябрда президенттин сунушу менен Эл аралык валюта фондуна Кыргызстандын атынан кеңешчи болгон. Улуттук банктын төрагалыгынан кетүү тууралуу арыз жазган. Ага чейин Улуттук банкты 2014-жылдан 2021-жылга чейин жетектеген. Ортодо кыска мөөнөткө өкмөткө барып... Читать дальше...
Минскиде сот “Комсомольская правда в Беларуси" гезитинин мурдагы кабарчысы Геннадий Можейкону үч жылга колонияга кести. “Эркин Европа/Азаттык” радиосунун беларус кызматы ага Александр Лукашенкого акаарат келтирүү жана социалдык жек көрүүгө шыкактоо айыбы тагылганын жазды. Тергөө журналист “экстремисттик ишмердикке кызыккан” жана “саясий, идеологиялык жер көрүүчүлүккө” таянып аракеттенген деп билдирди. Можейко күнөөсүн моюнга алган жок. Кабарчы атайын кызматтын кызматкерлери менен өз үйүндөгү атышууда... Читать дальше...
Дүйнөлүк саламаттык сактоо уюму ушул тапта бир миллиарддан ашуун жаштар кулакчындан катуу музыка угуунун айынан укпай калуу коркунучуна кабылганын билдирди. Окумуштуулардын болжолунда 2050-жылга чейин дээрлик 2,5 миллиард адам тигил же бул даражада угууда кыйынчылыкка туш болушу мүмкүн. Кеминде 700 миллион адам угуусу начарлап, дарыланууга муктаж болот. Кыргызстанда кулак угуусу начарлап кеткендердин так статистикасы жок. Бирок балдар арасында бул көйгөйгө кабылгандар жыл сайын көбөйүп жатканын дарыгерлер маалымдашты. Читать дальше...
Президенттин администрациясы “Жалпыга маалымдоо каражаттары” жөнүндө мыйзам долбоорунун төртүнчү вариантын сунуштады. Документти кайра иштеп чыгуу үчүн былтыр жыл аягында президент Садыр Жапаров түзгөн жумушчу топ ушул күнгө чейин мунасага келе элек. Жумушчу топко кирген эркин медиалардын өкүлдөрү, юристтер принципиалдуу маселелер боюнча берген сунуштары кабыл алынбай жатканын айтышууда. ЖМК мыйзамынын жаңы эрежелери Президенттин администрациясы сунуштаган “Жалпыга маалымдоо каражаттары”... Читать дальше...
Транспорт жана коммуникациялар министрлиги жолдорду курууга, оңдоого жана тазалоого пайдалана турган 669 даана жаңы техникаларды сатып алат. Жабдуулар мамлекеттик бюджеттин эсебинен алынарын аталган министрлик 23-мартта кабарлады. Өткөн жылы 2022-жылы 32 техника алынган. Ага жалпысынан 2 млн. 353 миң доллар каражат бөлүнгөн. 2015-2023-жылдар аралыгында алынган техникалардын көрсөткүчтөрү: 2015-жылы Жапония өкмөтүнүн JICA долбоору аркылуу 355 техника жардам катары келген. 2016-2017-жылдары көзгө көрүнөрлүк техника сатылып алынган эмес. Читать дальше...
Тажикстанда 23-мартка караган түнү болгон жер титирөөдөн Согд облусунун Тоолуу Матча районунда ондогон турак үй жана айыл-чарба курулуштары кыйрады. Күчү 5,9 баллга жеткен зилзала саат 1.07де болгонун Европа-Жер ортолук деңиз сейсмологиялык борбору жана Тажикстандын Илимдер академиясынын сейсмология институту билдиришти. "Озоди" радиосу жазгандай, кээ бир айылдардын тургундары түнү бою сыртта отурууга аргасыз болгонун, мал-жандыктан айрылганын, жардам бейшемби күнү түшкө чейин да келбегенин айтып беришти. Читать дальше...
"Асман" шаарын куруу иши мамлекеттик дирекциядан президенттин иш башкармалыгына өттү. Мындай чечим Министрлер кабинетинин 22-марттагы жыйынында кабыл алынды. Бийлик Ысык-Көлдүн жээгине экологиялык, заманбап шаар куруу дымагын 2021-жылы жай айында билдирген жана ошондон бери бул долбоордун айланасында талаш-талкуу токтой элек. Кыргыз өкмөтү "Асман" шаарын куруу долбоорун мындан ары президенттин иш башкармалыгы колго алганы тууралуу учкай билдирүү таратты. Анда "бул чечим натыйжалуулукту жогорулатуу үчүн кабыл алынганы" белгиленген. Читать дальше...
Мелис Тургунбаев жаратылыш ресурстары, экология жана техникалык көзөмөл министри болуп дайындалды. Тийиштүү жарлыкка президент Садыр Жапаров кол койгонун мамлекет башчынын басма сөз кызматы 23-мартта кабарлады. Жогорку Кеңеш 16-марттагы жыйынында министрлик кызматка Мелис Тургунбаевдин талапкерлигин колдогон. 15-мартта Динара Кутманова кызматтан алынып, анын ордуна Мелис Тургунбаев министрдин милдетин аткаруучу болуп дайындалган. Кутманова кызматтан алынышын "өзүнүн коррупцияга каршы күрөшү... Читать дальше...
Жапониянын эл аралык кызматташтык агенттиги (JICA) Баткенде табигый кырсыктарга туруштук бере турган жолдорду салуу үчүн грант катары 5,3 миллион АКШ долларын берет. “Баткен облусунун жолдорун сала турган жабдууларды жакшыртуу” тууралуу макулдашууга 23-мартта кол коюлганын Кыргызстандын Финансы министрлигинин басма сөз кызматы билдирди. Долбоордун дагы бир максаты Борбордук Азияда логистикалык коопсуздукту камсыз кылуу экени жазылган. Ишти Кыргызстандын Транспорт жана жолдор министрлиги аткарат. Читать дальше...
Чүй облусунун жалпы билим берүү уюмдарынын директорлору үчүн “Билим берүүдөгү натыйжалуу менежмент” аталышындагы үч күндүк семинар башталды. Семинарга жалпысынан 350 угуучу катышып, онлайн жана офлайн форматта өтүүдө. Бул тууралуу Билим берүү жана илим министрлигинин басма сөз кызматы кабарлады. Министр Каныбек Иманалиев билим берүү тармагында реформа жүргүзүүдө эң негизги таяныч – мектеп директорлору экенин айтып, директорлор билим берүү борборлору, жогорку окуу жайлар (жеке жана мамлекеттигине карабай)... Читать дальше...
23-27-март күндөрү абанын температурасынын жогорулашына жана жаан-чачынга байланыштуу Кыргызстандын тоолуу райондорунда, Бишкек-Ош автоунаа жолундагы Төө-Ашуу ашуусунда, Каракол-Эңилчек автоунаа жолунун 45-50-чакырымдарында жана Чоң-Ашуу ашуусунда, Барскоон-Ак-Шыйрак жолундагы Сөөк, Кара-Гөө ашууларында кар көчкү түшүүcү жана кар күрткүсү күтүлөт, жолдор тайгак болуп, муз тоңот. Унаалардын ортосундагы 500 метр аралык сакталышы зарыл. 24-мартта жаан-чачын болбойт. Тоолуу райондордо жолдор тоңголок, тайгак болот. Читать дальше...
АКШ аскерлеринин Ооганстандан башаламан чегинүүсү тууралуу көптөн бери күтүлүп жаткан баяндама эмки айда жарыяланат. Бул тууралуу Вашингтон администрациясы 22-мартта билдирди. Документте 2021-жылы аскерлерди чыгаруу жараянында кетирилген каталарга баа берилмекчи. Контингенттин чыгып кеткени ооган өкмөтү кулап, “Талибан” кыймылынын бийликке кайтып келүүсүнө өбөлгө түзүлгөн. АКШ президенти Жо Байден аскерлерди чыгаруунун “ар бир өнүтүн” текшерүү көрсөтмөсүн берген. Баяндама былтыр августта жарыяланмак... Читать дальше...
Бишкек шаардык соту Тенгиз Бөлтүрүктүн бөгөт чарасын 23-мартта карап, райондук соттун чечимин күчүндө калтырды. Буга чейин Октябрь райондук соту аны 10-майга чейин камоо тууралуу чечим чыгарган. Сотко журналисттер эч себепсиз киргизилген жок. Бөлтүрүктүн жубайы Илмира Алпысбаева 13-марттан баштап ачкачылык жарыялаганын билдирген. Ачкачылык акциясын жолдошу үй камагына чыгарылбай, ага дарыланууга шарт түзүлбөй жатканы менен байланыштырган. Ал 23-мартта ачкачылык акциясын алты күндөн кийин токтотконун айтты... Читать дальше...
Дин иштери боюнча мамлекеттик комиссия диний чөйрөдөгү мамлекеттик саясат, светтик принциптер жана дин тутуу эркиндиги боюнча жергиликтүү бийликтин, диний уюмдардын өкүлдөрү менен аймактарда жолугушууларды өткөрүп жатканын бүгүн 23-мартта мекеменин басма сөз кызматы билдирди. Кезектеги жолугушуу бүгүн Таласта өттү. Маалыматта айтылгандай, жолугушуулар мамлекеттик органдардын, жергиликтүү бийлик өкүлдөрүнүн радикалдык жана экстремисттик идеологиянын жайылышын алдын алуу боюнча көндүмдөрүн жана мүмкүнчүлүгүн бекемдөө... Читать дальше...
Жыл башынан бери кыргызстандык 1,4 миң айдоочуга Кытайдын визасы берилди. Бул тууралуу Кытайдын Кыргызстандагы элчиси Ду Дэвэнь 23-марттагы басма сөз жыйынында билдирди. Анын айтымында, Кытай чет өлкөлүктөргө, анын ичинде кыргыз жарандарына виза берүүдөгү чектөөлөрдү алды. Мындан улам виза алуу үчүн суроо-талап жогорулады. "Биз толугу менен иштей баштадык. Бир жумада беш күн арыздарды кабыл ала баштадык. Беш күн бою кабыл алган элчиликтин тарыхында болгон эмес. Албетте, дипломаттар, тийиштүү кызматкерлер жетишпей жатат. Читать дальше...
Эркин журналист Ыдырыс Исаков Ош шаардык милициясына бүгүн 23-мартта суракка чакырылды. Ал «Азаттыкка» билдиргендей, милицияга кадыр-баркына доо келтирилгени тууралуу журналистке каршы арыз менен Ош шаардык Салык кызматынын инспектору кайрылганы белгилүү болду. Исаковдун айтымында, ага Кара-Суу районунун Шарк айылынын тургундарынын бири беш сотка жерин ошол инспектор жасалма документ менен өзүнө алып алганын айтып кайрылган. Журналист окуянын дайынын билиш үчүн барганда ал салык кызматкери жооп берүүдөн баш тартып... Читать дальше...
Бишкек шаардык соту "Азаттыктын" банк эсептеринин бөгөттөлүшүнө байланыштуу арызын канааттандырган жок. Мындай чечимди ишти жабык режимде караган соттук коллегия 23-мартта кабыл алды. Маалыматка ылайык, былтыр 21-декабрда Бишкектин Биринчи Май райондук соту Ички иштер министрлигинин кайрылуусунун негизинде "Азаттыктын" "Демирбанктагы" эсебин камакка алуу чечимин чыгарган. ИИМ сотко кайрылуусуyна негиз катары 2021-жылы Кылмыш кодексинин 222-беренеси ("Кылмыштуу кирешени адалдоо") боюнча козголгон ишти көрсөткөн. Читать дальше...
Чүйдө 12 жаштагы баланы өз атасы денесинде соо же калтырбай сабаган окуя коомчулуктун нааразылыгын туудурду. Бир эмес бир нече жолу ур-токмокко кабылганы айтылган баланын атасы бир айга камакка алынды. Ал арада Ошто да үч жашар баланын өлүмүн милиция териштирип жатканы маалымдалды.
Бишкек-Ош автожолуна асфальт төшөөгө деп бөлүнгөн акчадан кымырып алышкан деп Транспорт жана коммуникация министрлигинин “Кыргызавтожол” мамлекеттик ишканасынын Жалал-Абаддагы филиалынын №30 Жол-тейлөө ишканасынын кызматкерлери шектелип жатканын бүгүн 23-мартта Башкы прокуратуранын басма сөз кызматы билдирди. Мекеменин маалыматына караганда, Кара-Көл шаарынын прокуратурасы текшерүү жүргүзүп, аталган ишкананын жооптуу кызматкерлери кызмат абалынан кыянаттык менен пайдаланып, Бишкек-Ош автожолунун... Читать дальше...