Новости за 25.03.2023

Жаза аткаруу мамлекеттик кызматынын маалымат катчысы, журналист Элеонора Шаршеналиева 25-мартта мезгилсиз дүйнөдөн кайтты. Бул тууралуу аталган мекемеден кабарлашты. Элеонора Шаршеналиева 1973-жылы Талас районунун Көпүрө-Базар айылында туулган. Билими жогору, 2006-жылы Бишкек гуманитардык университетинин кыргыз тили жана адабияты факультетин аяктаган. Журналистикадагы эмгек жолун студент кезинде "Заман Кыргызстан", "Дил" гезиттеринде, "Кабар" маалымат агенттигинде кабарчылыктан баштаган. 2006-жылы... Читать дальше...

Жарандык активист Афтандил Жоробеков милицияга суракка чакыртылганын "Азаттык" радиосуна өзү ырастады. Жоробеков Фейсбуктагы баракчасына Октябрь райондук милициясынан келген чакырууну жайгаштырды. Анда ал 26-мартта суракка күбө катары келиши керектиги жазылган. Кайсы ишке күбө катары өтүп жатканы так көрсөтүлгөн эмес. Активист суракка чакырууга социалдык медиадагы посттору себеп болушу мүмкүн деген пикирде. Милиция бул тууралуу азырынча маалымат бере элек. Жарандык активист, "БеспределKG"... Читать дальше...

Бишкек шаарынын Ички иштер башкармалыгынын ыкчам кызматкерлери майып арабадагы адамды түртүп жиберген адамды кармашты. Бул тууралуу борбордун милициясынын басма сөз кызматы кабарлады. Маалыматка караганда, 23-мартта шаардык милициянын “102” кызматына Бишкек шаардык төртүнчү оорукананын реанимация бөлүмүнө чалуу түшкөн. Дарыгерлер 1988-жылы туулган, омурткасы сынып бейтапканага түшкөн Д.М аттуу жаран каза болгонун кабарлашкан. Окуя болгон жерге Бишкектин Ленин районунун Ички иштер бөлүмүнүн ыкчам-тергөө тобу барган. Читать дальше...

Бишкекте Кожомкул атындагы спорт ордосунда Советтер Союзунун баатыры Дүйшөнкул Шопоковдун элесине арналган эл аралык бокс мелдеши аяктады. 21-мартта башталган таймаштарга Кыргызстан, Монголия, Беларус, Түштүк Корея, Өзбекстан жана Казакстандан 140тай спортчу катышты. 25-марттагы финалдын жыйынтыгында төмөндөгү спортчулар чемпион аталды. 48 кг - Йаухени Кармельчук, Беларус 51 кг - Кенже Муратулы, Казакстан 54 кг - Санжар Сейдакматов, Кыргызстан 57 кг - Ислам Төрөбаев, Кыргызстан 60 кг - Миркомил Саитохунов... Читать дальше...

Бишкектеги көркөм гимнастика жана эстетикалык тайпалык гимнастика боюнча “Келечек-2023” аталышындагы эл аралык мелдеш өтүүдө. Мелдештин башкы калысы Анастасия Помещикова “Азаттыкка” билдиргендей, ага Бишкек, Ош, Жалал-Абад шаарларынан жана Казакстандан келген 600гө жакын, 3,5 жаштан 18 жашка чейинки курактагы кыздар катышууда. Турнир 24-мартта Бишкектеги “Гарвард эл аралык мектебинин” спорт залында башталып, 25-26-март күндөрү “Газпром - балдарга” дене тарбия жана ден соолукту чыңдоочу комплексинде уланууда. Читать дальше...

Эл аралык The Moscow Times Кыргызстандын президентинин чет элдиктерди жарандыкка кабыл алуу жөнүндө жарлыгын изилдеп чыгып, Орусиянын жарандары кыргыз паспортторун алып жатканын аныктады. Материалда Кыргызстандын паспортуна ээ болгон бир катар адамдардын фамилиялары мисал келтирилип, алардын айрымдары Орусиянын аткаминерлеринин жакындары экенин жазган. Мындан сырткары программисттер, финансисттер жана ишкерлер бар экени көрсөтүлгөн. Басылма мисал катары президент Садыр Жапаровдун 2022-жылдын 26-октябрындагы жарлыгын изилдеген. Читать дальше...

Муса Мураталиев психологиялык сүрөттөөнүн чебери. Жөнөкөй турмуштук эпизод аркылуу адамдардын жашоо-турмушун, кыял-жоругун элестүү тартып берет. Бул ирет москвалык кыргыз сүрөткеринин “Эки атчан” аңгемеси жайында кеп кылсакпы деп турабыз. Капыс жолугушуу Алымкан айылдагы сулуу кыз эле, ошондон ага ашыктык сезимин билдирип кат жазбагандар аз эле калды окшойт. Мынабу жоош-момун деп теңине албаган Турарды капыс жолуктуруп калам деп ойлогон деле эмес. Өтө эле тартынчаак, жоош неме эле, Алымканды көргөндө айыбы ачылгандай кызарып-татарып... Читать дальше...

Бишкек шаарынын мэриясынын буйругу менен борбор калаанын архитектуралык жаңы башкы планын иштеп чыгуу үчүн техникалык тапшырмаларды даярдоо боюнча жумушчу топ түзүлдү. Бул тууралуу мэриянын басма сөз кызматы кабарлады. Жаңы башкы план келерки 15-20 жылга шаардын көрүнүшү жана инфраструктурасы кандай болорун аныктайт. Башкы планды иштеп чыгуу, жашылдандыруу жана борбор калаанын ирригациялык тармактарын жакшыртуу иштери мэриянын 24-марттагы кезектеги жыйынында талкууланды. Анда борбор калаа... Читать дальше...

Жетимишинчи жылдары жылдызы жанган ырчы Кеңеш Кожомкулов өзгөчө үнү жана тагдыры менен эсте калды. Ал “Арашан” ыр-бий эстрадалык ансамблин түзгөн. Ага чейин Чоро Кожомжаров түзгөн тунгуч эстрадалык ансамблинде, Карамолдо Орозов атындагы эл аспаптар оркестринде солист болуп иштеп, кийин ишмердигин Орусияда уланткан. Көптөгөн эл аралык конкурстардын жеңүүчүсү болгон ырчы 2018-жылы 76 жаш курагында көзү өтүп, сөөгү Новгород шаарына коюлган. Кеңеш Кожомкуловдун чыгармачылыгы тууралуу карындашы Медина Кожомкулова “Азаттыкта” “сыябан маек” курду.

Ысык-Көл облусунун Тоң районуна караштуу Көк-Мойнок-2 айылындагы ачык аянтта 25-мартта, саат 11:20да кайрадан өрт чыгып, ал саат 13:40та чектөөгө алынды. Бул тууралуу Өзгөчө кырдаалдар министрлиги кабарлады. Жеринде өрттү өчүрүүгө жалпы беш өрт өчүрүүчү автоунаа күжүрмөн эсеби тартылган. Мындан сырткары Токой чарбасынан 10 кызматкер, жергиликтүү тургундардан 15 адам, Тоң райондук ички иштер бөлүмүнөн 12 кызматкер көмөк көрсөтүүдө. Абалды ыкчам жөнгө салуу максатында саат 12:02де Өзгөчө кырдаалдар министрлигинин ыкчам тобу тартылды. Читать дальше...

Нооруз майрамында жаштар кошумча киреше таап калууга шашат. Алар сүмөлөк, өнгөн буудай, боорсок сатып, элге ар кандай кызматтарын сунуштайт. “Азаттык+” майрам күнү шаар кыдырып, майрамдан акча жасагандарды издеди.

Акыркы жылдары Кыргызстанда интернет-соода тармагында иштегендердин саны көбөйдү. Электрондук коммерция деген эмне жана эл аралык онлайн соода платформалары менен кантип иштеш керек? Бүгүн "Эже-сиңдилерде" бул тармакта иштеген айымдар менен маектешебиз.

Президент Садыр Жапаров “Энергиянын кайра жаралуучу булактарын пайдалануу үчүн багытталган жерлерди берүү маселелери жөнүндө” жарлыкка кол койду. Бул тууралуу президенттин администрациясы кабарлады. Анда күн, шамал жана башка энергиянын кайра жаралуучу булактарын өркүндөтүү үчүн бул багыттагы станцияларды курууга жеңилдик түзүү каралган. Министрлер кабинетине караштуу Жашыл энергетика фондуна белгиленген тартипте тиешелүү станцияларды курууга жарактуу жерлерди мөөнөтсүз (мөөнөтүн көрсөтпөстөн) пайдаланууга бере баштайт. Читать дальше...

Кыргызстандык спортчу Кубанычбек Айбек уулу Грузияда өтүп жаткан дзюдо боюнча Tbilisi Grand Slam мелдешинде алтын байге утуп, чоң шлемдер мелдешин жеңген алгачкы кыргызстандык дзюдочу болуп калды. Айбек уулу 24-мартта 66 килограммга чейинки салмакта татамиге чыккан. Дзюдочу мелдешти 1/16 финалдан баштап, жалпы беш беттеш өткөрдү. Алгачкы беттештеринде кубалык, бразилиялык, грузиялык спортчуларды катары менен жеңип, жарым финалга чыкты. Жарым финалдык беттеште ал дагы бир грузиялык спортчу Важа Маргвелашвили жеңди. Читать дальше...

Улуттук банкынын башкармалыгы “Коммерциялык банктардын уставдык жана өздүк (жөнгө салуучу) капиталынын минималдуу өлчөмү жөнүндө” токтомун бекитти. Бул тууралуу аталган мекеменин сайтында кабарланды. Ага ылайык, жаңыдан түзүлүп жаткан коммерциялык банктар үчүн уставдык капиталдын минималдуу өлчөмү кеминде 1 млрд. сом деп бекитилди. Буга чейин бул сумма 600 млн. сом болчу. Учурда иштеп жаткан банктар уставдык капиталын 1,5 жылдай азыркы шартта кармап тура алышат. Анын суммасын 2024-жылдын 1-июлунан тартып 800 млн.... Читать дальше...

Ысык-Көл облусунун Административдик сотунун судьясы Жеңишбек Барынбаев мас абалда автоунаа айдаганы үчүн кечирим сурап, өз арызы менен иштен кетти. Бул тууралуу Жогорку Соттун басма сөз кызматы кабарлады. Бишкек шаарынын Ленин райондук сотунун судьясы Урмат Калыбеков да соттук процесске катышкан тараптарынын бирине соттун аныктамасын бербегени үчүн өз каалоосу менен кызматтан кетүү арызын жазган. Алардын ишине байланыштуу Жогорку Соттун төрагасы Замирбек Базарбеков ыкчам кеңешме өткөргөн. Жыйындарда... Читать дальше...

Бишкекте Кыргызстандын Министрлер кабинетинин жана Бириккен Улуттар Уюмунун (БУУ) Стратегиялык координациялык комитетинин биринчи отуруму өттү. Бул тууралуу өкмөттүн сайтында кабарланды. Жыйында узак талкуудан кийин 2023-2024-жылдарга биргелешкен иш пландарынын программасын бекитүү чечими кабыл алынды. Эки жылга карата биргелешкен иш пландарды ишке ашыруу 223 млн. долларга бааланды. Анын ичинен 140 миллион долларды БУУ бөлүп берген. Программанын алкагында төрт маанилүү стратегиялык багытта кызматташуу болот. Читать дальше...