Новости за 09.03.2023

24.kg порталынын журналисти Гүлмира Маканбай кызы Улуттук коопсуздук боюнча мамлекеттик комитетине (УКМК) чакырылды. 9-мартта атайын кызматтын өкүлдөрү менен адвокаттын катышуусунда бир саат баарлашып чыкканы тууралуу маалымат аталган медианын сайтына жарыяланды. "Журналистке мөөрү, кол тамгасы жана эмнеге чакырганы жазылбаган чакыруу жиберилген", - деп жазылган маалыматта. Кийин ал Орусиянын жараны, бурятиялык Буда Мунхоев менен видеомаек үчүн чакырылганы белгилүү болгон. 29-январда 24.kg... Читать дальше...

Өзбекстандык журналист, акын Акмал Тошевдин өлүмү иликтенүүдө. Башкы прокуратуранын басма сөз кызматы кабарлагандай, 37 жаштагы Тошев 8-мартта көз жумган. Соттук-медициналык экспертизанын баштапкы корутундусунда ал жүрөк оорудан каза болгону айтылат. Өлүмдүн чоо-жайын прокуратура эмне үчүн иликтөөгө киришкени маалым эмес. Кашкадарыяда төрөлүп-өскөн Акмал Тошев акыркы жылдары "Адам жана укук" гезити менен "Укук жана милдет" журналында иштеп жүргөн. Тошев акын катары да белгилүү, буга чейин анын эки китеби жарык көргөн.

Бишкектин четиндеги Өскөн-Ордо конушунун тургундары жер саткандарды жоопко тартууну талап кылып чыгышты. Конушта бир эле жер тилкеси бир нече жаранга сатылып, жер талашкан учурлар бар. Соңку күндөрү Бишкекти курчаган конуштардагы жерлердин мыйзамдуулугуна байланыштуу маселе күн тартибине чыкты.

Нарын облусундагы аэропорттун жүргүнчүлөрдү кабыл ала турган аэровокзалы салынып жатат. Бул тууралуу “Азаттыкка” президенттин Нарын облусундагы өкүлүнүн басма сөз катчысы Назгүл Мүсүралиева билдирди. Анын маалыматы боюнча, ушул тапта “Манас” эл аралык аэропортунун эсебинен 90 миллион сомго аэровокзалдын жаңы имараты курулуп жатат жана ал апрель айында бүткөрүлөт. Андан соң аэропорттун учуп-конуу тилкеси оңдолуп, аба каттамдары такталып ачылат. 1964-жылы ишке кирген Нарын аэропортунда 1990-жылдардан тарта аба каттамдары токтоп калган. Читать дальше...

Министрлер кабинетинин төрагасы Акылбек Жапаров Өзбекстандагы жумушчу сапарында бул өлкөнүн премьер-министри Абдулла Арипов менен жолугушту. Бул тууралуу өкмөттүн басма сөз кызматы кабарлады. Жолугушууда быйыл эки өлкөнүн соода жүргүртүүсүн 2 млрд. долларга жеткирүү тууралуу сөз болду. Абдулла Арипов Өзбекстан “Камбар-Ата-1” ГЭСин жана “Кытай-Кыргызстан-Өзбекстан” темир жолунун курулушун тез арада ишке ашырууга аракет кыларын билдирген. Акылбек Жапаров Кыргызстандан барган делегация менен “Toshelectroapparat”... Читать дальше...

9-мартта Бишкек шаардык соту Кемпир-Абад иши боюнча “жапырт башаламандык уюштурууга” шек саналып жаткандардын айрымдарынын бөгөт чарасын карап камакта калтырды. Шаардык соттун басма сөз кызматынын маалыматына караганда, саясатчылар Бектур Асанов, Азимбек Бекназаров, Жеңиш Молдокматов, активисттер Акылбек Айтбаев, Рита Карасартова, Али Шабдан, Темир Махмудов 20-апрелге чейин Бишкектеги №1 тергөө абагында камакта калтырылды. Бишкектин Биринчи май райондук соту Кемпир-Абад иши боюнча жапырт камалгандардын... Читать дальше...

Кыргыз Республикасынын эл артисти, Токтогул Сатылганов атындагы мамлекеттик сыйлыктын лауреаты, кинорежиссер Марат Сарулу 9-мартта Бишкекте 66 жашында дүйнө салды. Бул тууралуу Маданият, маалымат, спорт жана жаштар саясаты министрлигинин басма сөз кызматы кабарлады. Марат Сарулу 1957-жылы Талас облусунда төрөлгөн. Жусуп Баласагын атындагы Кыргыз улуттук университетинин филология факультетин аяктап, кийин Москванын Киноакадемиясынан билим алган. Кыргызстандын Кинематографисттер союзунун, КМШ жана... Читать дальше...

Президент Садыр Жапаровдун Ош облусундагы ыйгарым укуктуу өкүлү Зиядин Жамалдинов Жогорку Кеңеште айтылган сын-дооматтарга жооп кайтарды. Ал бир тууганы токой чарбанын жерин, үйүн каттатып алганын жалганга чыгарды. Гектарлаган жерди ээлеп алганы, кадр саясатына аралашары тууралуу сөздөр негизсиз экенин билдирди. "Мени "бизнеске бут тосуу менен алектенет, бир дагы күн бизнесте иштеген эмес, ушунча мүлк жыйнады" дейт. Менин Бишкек шаарында бир эле үйүм бар. Ысык-Көлдө дагы пансионаттары бар дешти. Читать дальше...

Ооганстандагы "Талибан" өкмөтүнүн Балхтагы губернатору Мохаммад Давуд Музамал жардырууда набыт болду. Талибдердин басма сөз катчысы Забиулла Мужахид муну Твиттерде тастыктады. Балхтагы коопсуздук командачылыгынын басма сөз катчысы Мохаммад Асиф Вазири "Азади" радиосуна билдиргендей, Музамалдан тышкары дагы эки киши өлгөн. Жардыруу 9-мартта эртең менен командачылыктын экинчи имаратында болгону айтылууда. Бир катар жергиликтүү маалымат каражаттары жардырууда жараат алган 30дан ашуун киши ооруканага жеткирилгенин кабарлашты. Читать дальше...

Баткен облустук ички иштер башкармалыгы мыйзамсыз иштеген медресе аныкталганын билдирди. Кызыл-Кыя шаарындагы бул диний окуу жайды текшергенде тиешелүү документтери жок болуп чыкканын маалымдады. "Текшерүүнүн натыйжасында эч кандай уруксат кагазы жок экени аныкталган. Кызыл-Кыя шаарынын жана Ош облусунун тургундарынын 40тай баласы ошол жерде жатып,  диний сабактарды мыйзамсыз окуп жатканы белгилүү болгон.  Бул факт Кызыл-Кыя шаардык милициясында катталып, тергөө уланып жатат", деп айтылат маалыматта. Читать дальше...

Казакстандын мурдагы коргоо министри Мурат Бектанов катаал режимдеги колонияга 12 жылга кесилди. Бул тууралуу мамлекеттик басылмалар аскердик сотко шилтеме кылып билдиришти. Өкүм 24-февралда чыкканы белгилүү болду. Бектанов Январь окуяларынан кийин козголгон кылмыш ишинин алкагында "Кызмат абалынан аша чабуу" беренеси менен соттолду. Бектанов былтыр 19-январда кызматынан алынып, февралда кармалган. Кийинчерээк кылмышка шектүүнүн күжүрмөн кырдаалда кызмат абалынан кыянаттык менен пайдаланганы оор кесепеттерге алып келген деп негизделген. Читать дальше...

Жер тилкелерин берүүдөгү коррупциялык иштерге шек саналып “Кадастр” мамлекеттик мекемесинин Сокулук районундагы бөлүмүнүн кызматкерлери жана уюшкан кылмыштуу топтун мүчөлөрү кармалды. Бул тууралуу Улуттук коопсуздук мамлекеттик комитеттин (УКМК) басма сөз кызматы билдирди. Мекеменин маалыматында, “Кадастрдын” кызматкерлери документтерди мыйзамсыз жасаган жана бул ишке уюшкан кылмыштуу топтун мүчөлөрү да аралашканы аныкталган. Факты боюнча кылмыш иши козголуп, “Кадастр” мекемесинин Сокулук райондук... Читать дальше...

Freedom House эл аралык уюмунун “Дүйнөдөгү эркиндик-2023” аттуу жаңы баяндамасында Кыргызстанды үчүнчү жыл катары менен "эркин эмес" өлкөлөрдүн катарына кошту. Баяндамада Москванын тактикасы Борбор Азияга жайылганы, Кыргызстанда жалпыга маалымдоо каражаттарына басым күчөп, белгилүү иликтөөчү журналист Болот Темировдун өлкөдөн күч менен чыгарылганы мисал келтирилген. Эл аралык индексте 2009-жылдан бери "жарым-жартылай эркин" деген макамда турган Кыргызстан 2021-жылы "эркин эмес" мамлекеттердин катарына кошулган. Читать дальше...

Абакта жаткан журналист Айданбек Акматовдун айылдаштары жана жакындары 9-мартта Баткендин Кадамжай районундагы Чаувай айылында аны бошотуу талабы менен акция өткөрүштү. Алар тергөө ушул күнгө чейин Айданбек Акматовго козголгон иште далилдерди таба албаганын айтып, бийликтен журналистти абактан чыгарууну суранышты. Былтыр 23-28-октябрда Кыргызстанда оппозициялык маанайдагы бир топ саясатчы, укук коргоочу, активист жана блогер, жалпы 30га жакын адам жапырт кармалган. Кылмыш ишин козгоого алардын... Читать дальше...

Жогорку соттун басма сөз кызматы Бишкектин четиндеги Ак-Ордо конушунда Марал Шаболотованын үйү түрттүрүлгөн жер боюнча соттун буга чейинки чечимдери жокко чыгарылбаганын, ал азыр да күчүндө экенин билдирди. Марал Шаболотова үйү турган жерди 2012-жылы ишеним каттын негизинде сатып алганын, бирок 2018-жылы коңшусу Толкун Самудинова кызыл китеби бар экенин айтып, андан үй турган жерди талаша баштаганын билдирген. Чыр 2022-жылдын 1-октябрында Жогорку Сотко жетип, анда Самудинованын пайдасына өкүм чыккан. Читать дальше...

Президент Садыр Жапаров Кайрат Иманалиевди Улуттук телерадио корпорациясынын (УТРК) башкы директору кызматынан "башка ишке өткөнүнө байланыштуу" деген себеп менен алды. Дагы бир жарлыгы менен бул орунга Болотбек Тиллебаевди дайындады. Иманалиев бул кызматка былтыр июнда дайындалган. Ага чейин, 2021-жылы октябрь айынан тартып аталган медианын башкы директорунун милдетин аткаруучу болуп турган. Ошол маалда коомдук каналдын жетекчисин Байкоочу кеңештин мүчөлөрү шайлачу. Былтыр май айында Садыр... Читать дальше...

Кыргызстандын футбол боюнча 20 жашка чейинки кыз-келиндер курама командасы АФК кубогунун тандоо турундагы алгачкы оюнунда Гуам аралдарын 2:0 эсебинде жеңди. Беттештеги голдорду Аделя Ахматбекова менен Медина Рысбекова киргизди. Мелдеш ушу тапта Бишкектеги Дөлөн Өмүрзаков атындагы стадиондо өтүп жатат. Кыргызстандык кыздар эми 10-марта Австралия курам командасы менен беттешет.

Министрлер кабинети автоунааларына милдеттүү камсыздандыруу полисин (ОСАГО) албаган юридикалык жактарга жана мамлекеттик мекемелерге ушул жылдын 1-апрелинен баштап айып пул салуу сунушун киргизди. Өкмөттүн тиешелүү токтому 25-февралда коомдук талкууга коюлган. Ал эми жеке жактар 2024-жылдын 1-январынан тартып автоунааларын милдеттүү камсыздандыруудан өткөрүшү зарыл. Министрлер кабинети былтыр 16-декабрда токтом чыгарып, жол коопсуздугун караган инспекторлорго милдеттүү көрсөтүлө турган документтердин... Читать дальше...

Кыргызгидромет борбору кабарлагандай, 10-мартта түнкүсүн Ош, Жалал-Абад, Нарын облустарынын айрым жерлеринде жаан, тоолуу райондорунда кар жаайт. Калган аймактарда жаан-чачын болбойт. Тоолуу райондордо жолдор тоңголок, тайгак болот. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүй өрөөнүндө түнкүсүн 3…8, күндүз 16…21, Талас жергесинде түнкүсүн 2…7, күндүз 16…21, Баткен, Ош, Жалал-Абад аймактарында түнкүсүн 5…10, күндүз 19…24, Ысык-Көл дубанында түнкүсүн -4…+1... Читать дальше...

Бишкекте наристенин өлүмүнө шектелип жаткан медицина кызматкерлеринин иши тергелип бүтө элек. Бул тууралуу бүгүн 9-мартта «Азаттык» радиосуна Ленин райондук ички иштер башкармалыгынан билдиришти. Мекеменин маалыматына караганда, тергөө дагы эле уланууда. «Тергөөнүн жыйынтыгында иш териштирүү үчүн сотко жөнөтүлөт», - деп айтылат милициянын маалыматында. Былтыр ноябрда балдар ооруканасында 2019-жылы төрөлгөн наристе чарчап калган окуяга байланыштуу Ленин райондук милициясында Кылмыш-жаза кодексинин... Читать дальше...

Баткен облусунун тургуну Айымча Мурахмедова май айында 120 жашка чыгат. Ал облустагы 100 жаштын тегерегиндеги 12 карыянын эң улуусу. Акылы тунук, баскан-турганы тың апа азыр балдарынын кашында, небере-чөбөрөлөрүнүн сыйын көрүп жашап жатат. Ал балдарынын өмүрүн тилеп, ар дайым ак эмгек менен ак эмгек менен жашоого чакырып келет.

Грузияда башкаруучу "Грузин кыялы" партиясы менен "Элдин күчү" коомдук кыймылы талаш-тартыштуу "Чет элдик агенттер тууралуу" мыйзам долбоорун кайтарып алды. Алардын биргелешкен кайрылуусунда документ карама-каршылык жаратканы белгиленген. Ошондой эле "долбоорду жаманатты кылып, элдин кайсы бир бөлүгүн адашууга алып келген, орусиялык мыйзам долбоору деген жалган ат коюлган" деп белгиленген. "Долбоорду биринчи окууда кабыл алуу коомчулукка европалык багыттан артка кайтуу катары көрсөтүлдү. Биз,... Читать дальше...

Токмокто милициянын тергөөчүсү пара алып жаткан учурда кармалганын бүгүн 9-мартта Улуттук коопсуздук боюнча мамлекеттик комитет (УКМК) билдирди. Мекеменин маалыматына караганда, шаардык Ички иштер башкармалыгынын Тергөө кызматынын улук тергөөчүсү 7-мартта Ички иштер министрлигинин (ИИМ) Ички иликтөөлөр кызматы менен бирге жемкорлукка каршы  жүргүзүлгөн иш алкагында колго түшүрүлдү. Ал бир нече адамды “кылмыш жообуна тартам” деп коркутуп, акча талап кылып келгени, бул жолу 50 миң сом пара алып жаткан жеринен кармалып... Читать дальше...

Талас шаарында бүгүн 9-мартта ишкерлер өкмөттүн контролдук-кассалык машина (ККМ) боюнча талабына каршы митингге чыгышты. Чогулган жүздөгөн соодагер президент Садыр Жапаровго кайрылып, ККМге беш жылга мораторий жарыялоону, анын ордуна патент системасын калтырууну суранышты. Ишкерлер жаңы эрежелердин айынан айыппул көбөйүп жатканын айтышты. Бүгүн Талас шаарында айрым азык-түлүк саткан дүкөндөр, ашкана-кафелер убактылуу жабылганын “Азаттыктын” аймактагы кабарчысы билдирди. Быйылкы жылдан тартып... Читать дальше...

Жогорку Кеңеште депутат Исхак Масалиев Кемпир-Абад иши тууралуу соттун чечиминде өзүнө жана "Бүтүн Кыргызстан" фракциясынын лидери, депутат Адахан Мадумаровго калайман баш аламандык уюштурууга байланыштуу айып коюлганын айтты. Ал буга байланыштуу башкы прокурордун орун басары Үмүткан Коңкубаева менен Жогорку Соттун төрагасынын орун басары Нургүл Бакирова кайрылды. "Жогорку Кеңештин эки депутат жашыруун жолугушууларды өткөрүп, массалык башаламандыкка даярдаган деп жазууга силерге ким укук берген? Читать дальше...