Новости за 18.10.2023

Орусиядагы "Солчул блок" кыймылынын активисти Лев Скорякинди Бишкекте белгисиз адамдар уурдап кетишти. Бул тууралуу "Новая газета Европа" басылмасы укук коргоочуларга таянып жазды. Агенттик алардын ысымдарын коопсуздуктан улам жарыялаган эмес. Маалыматка караганда, 17-октябрга караган түнү Скорякин жашаган жайга эки автоунаа менен он киши келген. Алар өзүлөрүн милициянын өкүлдөрү катары тааныштырып, активистти белгисиз тарапка алып кетишкен. Ушул маалда Скорякин кайда экени белгисиз. Скорякинге... Читать дальше...

18-октябрда Жогорку Кеңештеги “Бүтүн Кыргызстан” фракциясынын лидери Адахан Мадумаровго козголгон кылмыш иши боюнча алдын ала соттук угуу Бишкектин Биринчи Май райондук сотунда жабык өттү. Процесске анын адвокаттары гана киргизилди. Мадумаровго козголгон кылмыш иши тергелип бүтүп, сотко өткөнү 10-октябрда белгилүү болгон. Кийинки отурум 30-октябрга белгиленди. Саясатчынын адвокаттарынын бири Юлия Богданова буга чейин ишке “жашыруун” деген гриф коюлгандыктан, эч кандай маалымат алууга мүмкүн болбой... Читать дальше...

Израил менен ХАМАСтын согушу 7-октябрда башталган. Учурда Газа тилкесинде абал оор.

Израил менен ХАМАСтын согушу 7-октябрда башталган. Учурда Газа тилкесинде абал оор.

Европа Биримдигинин Кыргызстандагы өкүлчүлүгү Жогорку Кеңештин айрым депутаттары сунуштап жаткан "Чет элдик өкүл жөнүндө" мыйзам долбоору өлкөдө сөз эркиндигин жана жарандык жигердүүлүктү чектейт деген тынчсыздануусун билдирди. Өкүлчүлүктүн басма сөз кызматы кабарлагандай, Европа Биримдигинин Кыргызстандагы өкүлчүлүгү 17-октябрда аталган мыйзам боюнча өткөн парламенттик угууда Венеция комиссиясы жана Кыргызстандын жарандык коомунун көпчүлүк бөлүгү тарабынан айтылган орундуу тынчсызданууларга жана сунуштарга кошулат. Читать дальше...

Кытайда расмий сапар менен жүргөн Казакстандын президенти Касым-Жомарт Токаев 18-октябрда Шинжаңга барды. Бул анын өлкө башына келген 2019-жылдан берки Шинжаң-Уйгур автоном районуна жасаган алгачкы сапары. Президенттин администрациясы билдиргендей, Токаев Кытайдын Коммунистик партиясынын комитетинин катчысы Ма Синжуйга жолугуп, «аймактык кооперациянын актуалдуу суроолорун» талкуулашат. Ак ордонун маалыматында Шинжаңдагы казактардын маселеси көтөрүлөрү тууралуу эч нерсе жазылган эмес. 2017-жылдан бери Шинжаңда жүз миңдеген казак... Читать дальше...

Британияга сезондук иштерге барган эмгек мирганттары жылдан жылга көбөйүүдө. Келишимдин негизинде быйыл 2 миңдей кыргызстандык айыл чарба жумуштарына жөнөтүлгөн. Оштогу жарандык активист Мирбек Маматкасымга “Азаттыктын” кабарчысы Лондондун борборунан кезигип, Англиядагы иш тажрыйбасын сурады.

Ушул күндөрү Кытайдын борбору Бээжин шаарында “Бир алкак - бир жол” долбоорунун үчүнчү форуму өтүүдө. Бул форум “Бир алкак - бир жолдун” мааракелик 10 жылдыгына туш келди. Ага бир катар мамлекеттердин жана эл аралык уюмдардын башчылары катышууда. Кытай Кыргызстандын ири соода өнөктөштөрүнүн бири. Эки мамлекеттин биргелешкен бир катар долбоорлору бар. Бул форумга Кыргызстандын президенти Садыр Жапаров барбай турганын Тышкы иштер министрлиги билдирген. Бээжиндеги форум 17-18-октябрда Бээжинде... Читать дальше...

Жогорку Кеңештеги “Бүтүн Кыргызстан” фракциясынын лидери, камактагы Адахан Мадумаровго козголгон кылмыш иши боюнча баштапкы соттук угуу өттү. Газадагы “Ал-Ахли” ооруканасындагы кандуу калабада жүздөгөн кишинин өмүрү кыйылганын саламаттык сактоо мекемеси билдирди. Израил армиясы окуяга тиешеси жоктугун жарыялап, аны "Ислам жихады" радикал тобунан көрдү. УКМК атайын операцияда өлтүрүлгөн кримтөбөл Камчы Көлбаев жана экс-бажычы Райымбек Матраимов менен байланышта болгон 50дөй бажы кызматкери иштен бошотулганын маалымдады.

Грузиянын парламенти президент Саломе Зурабишвилини кызматтан кетире албай калды. Импичмент үчүн 86 депутат добуш берди. Ал эми президентти кызматтан кетирүү үчүн 100 добуш керек эле. Бийликтеги «Грузин кыялы» менен «Элдин күчү» партияларынан турган коалициялык көпчүлүк 85 гана депутаттан турат. Буга чейин оппозициядагы дээрлик баардык депутаттар импичментти колдобой турганын билдиришкен. 16-октябрда Грузиянын Конституциялык соту "президент Европага өкмөттүн уруксаты жок баруу менен Баш мыйзамды бузган" деп тапты. Читать дальше...

18-октябрда Египеттин президенти Абдел Фаттах ас-Сиси анын өлкөсү Газа тилкесинен мажбурлап чыгарылган палестин качкындарын кабыл албай турганын расмий жарыялады. Мындай билдирүүнү ал Германиянын канцлери Олаф Шольц менен чогуу курган маалымат жыйынында жасады. Ас-Сисинин эсебинде качкындар менен бирге Египетке радикал исламчылар да кирип кетиши мүмкүн. Ал качкындарды Израилдин түштүгүндөгү Негев чөлүнө жайгаштырууну сунуштады. Ас-Сиси ошондой эле Газадан качкандарды кабыл алса, ага каршы миңдеген египеттиктер көчөгө чыгарын жүйө кылды. Читать дальше...

Ооганстанда талибдердин өкмөтү куруп жаткан Кош-Төбө каналынын курулушу тууралуу сүйлөшүү үчүн Өзбекстандын өкмөттүк делегациясы Кабулга барат. Бул тууралуу Gazeta.uz басылмасы Сурхандарья облусунун башчысы Улукбек Касымовго шилтеме жасап кабарлады. Талибдер башында турган Ооганстандын өкмөтү 11-октябрда талаштуу Кош-Төбө каналынын узундугу 108 чакырымды түзгөн биринчи тилкесинин курулушу аяктап, экинчиси башталганын жарыялаган. Балх провинциясында өткөн салтанаттуу аземде тышкы иштер министринин... Читать дальше...

Улуттук банк 18-октябрда Кыргызстандагы валюта базарындагы кырдаалга байланыштуу түшүндүрмө берди. Башкы банктын сайтына жарыяланган маалыматка ылайык, өлкөдө валюта базарында кырдаал туруктуу. Ички базар Кыргызстандын экономикалык өнүгүү тенденцияларына жана тышкы экономикалык жагдайларга байланыштуу өнүгүүдө. Акыркы убактарда өлкөнүн ички акча базарында чет элдик валютага суроо-талап өскөнү байкалып, бул валютаны алмаштыруу курсунун кескин өзгөрүүсүнө алып келди. Улуттук банк бул тенденция... Читать дальше...

Орусиянын Мамлекеттик Думасы экинчи жана үчүнчү окууда дароо Өзөктүк сыноолорго тыюу салган келишимдин ратификациясын жокко чыгарган мыйзам долбоорду 18-октябрда жактырды. 17-октябрда депутаттар биринчи окууда жактырышкан. Мамдуманын спикери Вячеслав Володиндин тапшырмасы менен иштелип чыккан документ парламентке 13-октябрда киргизилген. Ратификацияны артка кайтаруу демилгесин октябрдын башында Орусиянын президенти Владимир Путин көтөргөн. "Валдай" клубунун жыйынында ал Орусиянын өзөктүк доктринасын өзгөртүү зарылчылыгы жок экенин... Читать дальше...

17-октябрдын кечинде Газадагы “Ал-Ахли” ооруканасында болгон кандуу калабада жүздөгөн кишинин өмүрү кыйылганын аймактын саламаттык сактоо мекемеси билдирди. Израил армиясы бул окуяга тиешеси жок экенин жарыялап, аны "Ислам жихады" радикал тобунан көрдү. Эл аралык коомчулук кандуу каргашаны айыптоодо, Кыргызстан гуманитардык укук бузууларды тезинен иликтөөгө чакырды.

Кримтөбөл Камчы Көлбаев жана Бажы кызматынын төрагасынын мурдагы орун басары Райымбек Матраимов менен байланышта болгон элүүгө жакын бажы кызматкери иштен бошотулду.

Кыргызстандын Алматы шаарындагы консулдугу 15 жылдан бери Казакстанда дайынсыз жүргөн Бакыт Рыскелдиев менен анын жубайы Элмира Токтосунованы Кыргызстанга жөнөтүү маселеси каралып жатканын билдирди. Башкы консул Назарали Арипов 16-октябрда “Азаттыкка” билдиргендей, учурда алар Алматы шаарында. “Азыр алар бул жакка келишти. Биз керектүү маалыматтарды алуу үчүн Чолпон-Ата шаарындагы калкты тейлөө борборуна өтүнүч жибердик. Жообу келери менен документ маселеси чечилип, Кыргызстанга кетишет”, - деди Арипов. Читать дальше...

Орусияда эмгек миграциясында жүргөн айрым кыргызстандык үй-бүлөлөр балдарын мектепке киргизүүдөн кыйналганына даттанууда. Сентябрдан бери убара тарткан ата-энелер айрым мектептерден "орун жок" деген жооп укканын билдиришти. Кыргызстандын Москвадагы элчилиги ушундай көйгөй менен кайрылгандар бар экенин, бирок баланы мектепке киргизүү үчүн эртерээк аракет кылуу зарылдыгын эскертүүдө. Элчилик соңку кезде балдарын ала кетип, мектепке бергендер көбөйгөнүн белгиледи. "Эки баламды мектепке киргизе алган жокмун" Он жылдан бери Москвада жашап... Читать дальше...

Кыргызстан менен Тажикстандын чек арасынын дагы 13,98 чакырымы макулдашылды. Бул макулдашуу  12-18-октябрь күндөрү Тажикстандын Бустон шаарында кыргыз-тажик чек арасын делимитациялоо жана демаркациялоо боюнча Кыргызстандын жана Тажикстандын өкмөттүк делегацияларынын топографиялык жумушчу топторунун жолугушуусунда кабыл алынган. Анын жыйынтыгында тиешелүү протоколго кол коюлду. Бул тууралуу Министрлер кабинети билдирди. Тараптар эми калган тилкелер боюнча сүйлөшүүнү Кыргызстанда өтө турган жолугушууда улантышмакчы. Читать дальше...

Бишкекте уул-кызы менен чогуу өлтүрүлгөн аял боюнча соттук териштирүү создугуп, айыпталуучу күнөөнү моюнуна алган баштапкы көрсөтмөсүнөн баш тартып жатканын бүгүн 18-октябрда Жогорку Кеңештин айым депутаттар форумунун кезексиз жыйынында маркумдун апасы билдирди. Парламенттин басма сөз кызматы маалымдагандай, 82 жаштагы Үрү Дүйшөбаева депутат айымдарга адилеттик издеп кайрылып, жардам сурады жана үч кишинин өлтүрүлүшү боюнча соттук отурум 9 айдан бери созулуп, чечим чыкпай жатканына нааразылыгын билдирди. Читать дальше...

Газа тилкесиндеги ооруканада жүздөгөн адамдын өмүрүн алган 17-октябрдын кечиндеги каргашадан кийин Жакынкы Чыгыш мамлекеттеринде ири нааразылык акциялары тутанды. Окуя үчүн ХАМАС көзөмөлдөгөн Газанын Саламаттык сактоо министрлиги Израил армиясын күнөөлөдү. ЦАХАЛ дооматтарды четке кагып, аны “Ислам жихады” радикал уюмунан көрдү. Ливанда жүздөгөн демонстранттар Израил менен Америкага каршы ураан чакырып жатышты. Алар АКШ элчилигинин жанындагы имаратты өрттөп салышты. Полиция жаалданган топту таркатуу үчүн жаш чыгарчу газ чачты. Читать дальше...

Тажик оппозициясынын өкүлү Фарход Одинаев бийлик энесинен үйүндөгү электр жарыгын өчүрүп салганын билдирди. Соңку бир ай ичинде режимди сындагандардын жакындарына басым жасалган башка учурлар да болгон. Одинаев "Озоди" радиосуна билдиргендей, Гиссар шаарындагы электр энергиясы менен камсыздоочу компаниянын жумушчулары электр жарыгынын өчүрүлүшүнүн себебин түшүндүрө алышкан эмес. 47 жаштагы Фарход Одинаев Европадагы тажикстандыктардын укуктарын коргоо менен алектенип келет. Ал сентябрдын соңунда... Читать дальше...

Талас шаарында 18-октябрда зомбулукка каршы тынч жөө жүрүш өттү. Бул тууралуу облустук милициянын басма сөз кызматы маалымдады. Анда мектеп окуучулары шаар аралап, “Биз кылмыштуулукка каршыбыз”, “Зордук-зомбулуксуз жашоо” деген баракчаларды кармап басышкан. Жүрүшкө шаар жетекчилиги, билим берүү бөлүмүнүн жана шаардык милициянын кызматкерлери катышкан. Иш-чара соңунда милиция кызматкерлери зомбулук болгон учурларда кайдыгер карабай, милицияга билдирип, коом менен чогуу күрөшүү керектигин жана... Читать дальше...

Кытайда кыргыз, ал эми Кыргызстанда кытай маданий борборун ачуу боюнча мыйзам долбоору бүгүн 18-октябрда Жогорку Кеңеште суроо жаратты. Депутат Гуля Кожокулова Бээжинде кыргыз маданий борборун ачууга эмне үчүн жеке жактардын демөөрчүлүк жардамы тартылып жатканына кызыкты: “Өкмөт аралык келишимге кол коюлуп, баары мамлекеттик деңгээлде жасалып жатыптыр. А маданий борборду ачууга жеке жак тартылып жатканын кандай түшүнсөк болот? Себеби биз аталган келишимди ратификациялоо тууралуу мыйзамдын долбоорун талкуулап жатабыз да”. Читать дальше...

Экономика жана коммерция министрлиги Кыргызстанда көмүрдүн баасына үч айлык мөөнөткө убактылуу мамлекеттик көзөмөл киргизилгенин билдирди. "Көмүрдүн кымбаттап кетүүсүнүн алдын алуу, элди жеткиликтүү баада камсыз кылуу максатында Экономика жана коммерция министрлиги көмүр баасына 90 күндүк мамлекеттик көзөмөл киргизүүнү буйрук кылды", - деп жазылган маалыматта. Экономика жана коммерция министрлигинин 18-октябрда чыгарылган буйругу 25-октябрдан тартып күчүнө кирет. Ага ылайык, Монополияны жөнгө... Читать дальше...