Жаңы жыл түнү өлкө боюнча 298 ымыркай төрөлдү
31-декабрдан 1-январга караган түнү өлкө боюнча жалпысынан 298 ымыркай жарык дүйнөгө келди, арасында эгиздер бар. Анын 165и эркек болсо, 133ү кыз. Бул тууралуу Саламаттык сактоо министрлигинин басма сөз кызматы билдирди.
Түнкү саат 12:00дө Ош шаарында эркек, 00:15те Чүй облусунун Ысык-Ата районунда эркек, 00:10до Сокулук районунда кыз төрөлдү.
Талас облусу менен Жалал-Абаддын Сузак районунда (түнкү саат 12:05) уул балдар төрөлгөн. Бишкек шаарында 46 бала жарыкка келди. (TSh)