Новости за 17.01.2023

Кара-Балтада жети жаштагы кыздын өлүмү мигранттардын балдары жана жакыр жашаган үй-бүлөлөрдүн көйгөйүн кайрадан күн тартибине чыгарды. Расмий маалыматка ылайык, Кыргызстанда 100 174 баланын ата-энесинин экөө тең, же бирөөсү чет жакта эмгек миграциясында. Балдар укугун коргоочулар бул окуяда жергиликтүү бийликтин шалаакылыгын, коомчулук кайдыгерликти күнөөлөөдө. Өкмөт өкүлдөрү айыпты кыздын ата-энесине оодарып жатат. "Салмагы араң эле 12 килограмм болчу" Милициянын маалыматына караганда, 15-январда... Читать дальше...

Башкы прокуратуранын басма сөз кызматы мурдагы президент Курманбек Бакиев Кыргызстанга келсе ага чыккан сот өкүмдөрүнүн негизинде чара көрүлө турганын жана Мамлекеттик жаза аткаруу кызматы аны камакка алууга милдеттүү экенин билдирди. Бул тууралуу башкы көзөмөл мекемесинин маалымат бөлүмү Kaktus.media берген комментарийинде ырастады. Былтыр баш прокурор Курманкул Зулушев Ошто эл менен жолугушууда Бакиевге байланыштуу суроого жооп берип, мурдагы президент Кыргызстанга келгенге эрки жетип, тергөөгө көрсөтмө берүүнү чечсе... Читать дальше...

Минскиде Кыргызстандын мурдагы президенти Курманбек Бакиевдин жубайы Назгүл Төлөмүшова каза болду. Анын сөөгү Кыргызстанга жеткирилди. Днепрде орус ракетасынан набыт болгондор эскерилип жатат. Жыл жаңыргандан берки эң кандуу чабуулда 40тан ашуун киши каза болду. Бишкекте митингге тыюу салынган жерлердин тизмеси дагы узарды. Жергиликтүү жана эл аралык укук коргоо уюмдары мындай чектөлөрдү сындап жатышат.

Кыргызстандын Германиядагы элчилигинде “Кыргыз үйү” маданий борбору ачылды. Бул тууралуу Кыргызстандын Тышкы иштер министрлиги (ТИМ) кабарлады. Борбордун салтанаттуу ачылышына Германиянын жана Польшанын ар кайсы шаарларынан келген кыргыз диаспоралык уюмдардын лидерлери жана алдыңкы жаштары катышты. Кыргызстандын Германия Федеративдүү Республикасындагы элчиси Өмүрбек Текебаев жыйында Германиянын борбору Берлин шаарында ачылып жаткан бул Кыргыз маданий борбору Ала-Тоону таанытуунун, кыргыз диаспора ɵкүлдɵрүнүн жолугушууларын... Читать дальше...

Алматы соту Казакстанда каттоодон өтпөгөн Демократиялык партиянын лидери Жанболат Мамайдын британ депутаттары менен жолугушуусуна тыюу салды. Сот бул чечимин үй камагына байланыштуу чектөө менен негиздегенин активисттин жубайы Инга Иманбай билдирди. Анын айтымында, 17-январдагы соттук угууда адвокат соттолуучуну Январь окуяларын иликтеген комиссиянын мүчөлөрү менен жолуктурууну өтүнгөн. Комиссия түзүүнү британ парламентарийлери демилгелеген. Бирок судья Елена Кван өтүнүчтү четке какты. Жанболат... Читать дальше...

Кыргызстандын Министрлер кабинети мамлекетти тилди өнүктүрүү программасынын алкагында NVIDIA үлгүсүндөгү суперкомпьютер сатып алды. Бул тууралуу мекеменин сайтында кабарланды. Маалыматта айтылгандай, Мамлекеттик тилди өнүктүрүү жана тил саясаты боюнча президентке караштуу улуттук комиссия менен “Улут Софт” компаниясы кыргыз тилинде маалыматтарды иштеп чыгуучу жасалма интеллектти киргизүүнүн үстүндө иштеп жатат. Суперкомпьютер мына ошону ишке ашыруу үчүн керектелет. 17-январда президенттик администрацияда... Читать дальше...

Кыргыз Республикасынын эмгек сиңирген артисти Малик Аликеев 17-январда 54 жаш курагында оорунун айынан дүйнө салды. Белгилүү ырчыны санаалаш сахналаштары, күйөрмандары жоктоп, кабыргасы кайышып турат. Барпы акындын “Мөлмөлүм” ырын ырдап элге таанылган кезде (обону Токтосун Тыныбековго таандык) Малик Аликеев 17 гана жашта болгон. Көп өтпөй эле бул ашыктык ыры торгой таңшык таланттын визиттик карточкасына айланган. Эл чогулган жайларда андан бул чыгарманы далай ирет суранып ырдатышчу. Малик Аликеевдин... Читать дальше...

Каракол Кыргызстандагы чоңдугу боюнча Бишкек, Ош, Жалал-Абад шаарларынан кийинки төртүнчү шаар. Өлкө эгемендик алгандан бери таш-талканы чыккан шаардын жолдору акыркы эки жылда оңдолуп, 30 жылдан бери бош турган кинотеатры ишке киргени турат.  ​Каракол шаарында учурда болжол менен 65 миңден ашуун адам жашайт. Шаарга жайы-кышы каттаган туристтердин саны үзүлбөйт. Мындан улам шаар бийлиги калааны өнүктүрүүнүн түрдүү жолдорун таап, көрктөндүрүү аракетинде. Каракол шаарынын мэриясынын билдиришинче... Читать дальше...

"Бишкек" эркин экономикалык аймагынын директору Кудрет Тайчабаров кызматтан кетүү арызын жазды. Бул маалыматты ал 17-январда "Азаттыкка" өзү ырастап, ден соолугуна байланыштуу ушундай чечим кабыл алганын билдирди. Министрлер кабинети анын арызы тууралуу маалымат бере элек. Кудрет Тайчабаров бул мекемеге 2020-жылы Октябрь окуясынан кийин жетекчи болуп дайындалган. "Бишкек" эркин экономикалык аймагы 1995-жылдан бери иштейт. Аймакка бир катар жеңилдиктер берилип, 346,09 гектар аянттагы атайын жер бөлүнгөн. Читать дальше...

Кыргызстан абадан коргонуучу “Аксунгур”, “Акынжы”, “Анка” аскердик техникаларын сатып алды. Бул тууралуу президенттин администрациясынын маалыматтык саясат кызматынын жетекчиси Дайырбек Орунбеков 17-январда Фейсбукка жазгандай, техникалардын алды өлкөгө алып келинди. Анын айтымында, мамлекеттик кызматкерлерге берилчү сый акылар өткөн жылдын аягында убактылуу токтотулуп, ал каражат коопсуздукту бекемдөө үчүн техника сатып алууга жумшалган. "Баткендеги кагылышуулардан кийин куралдуу күчтөрдү чыңдоого, коопсуздукка өзгөчө көңүл бурулууда. Читать дальше...

Белгилүү грузин ырчысы жана актёру Вахтанг Кикабидзе 85 жашында көз жумду. “Аны менен кошо бүтүндөй доор кетти, Буба чыгаан сүрөтчү, ырчы, актёр болчу”, – деп эскерди грузин ырчысы жана композитору Ирма Сохадзе. – Калбатоно (бул сөз грузинче “айым” дегенди билдирет) Ирма, грузиндер – Буба, постсоветтик мейкиндиктегилер жана башкалар – Вахтанг деп тааныган Кикабидзе сиз үчүн ким эле? – Менимче, эч кандай оригиналдуу же жаңы сөз айтпай эле, ал өзү бүтүндөй доор болчу десем, баарына түшүнүктүү болот. Читать дальше...

Бишкек шаардык соту укук коргоочу Азиза Абдирасуловага “милицияга баш ийбөө” беренесине байланыштуу айып пул салуу тууралуу биринчи инстанциянын чечимин жокко чыгарды. Бул тууралуу “Кылым шамы” укук коргоо уюму кабарлады. Соттук кароо 17-январда өттү. Абдирасулованын жактоочуслары аны кармоого буйрук берген милиция кызматкерлерин отурумга алып келүүнү соттон өтүнүштү. Сот ал өтүнүчтү четке какты. Былтыр 15-ноябрда Жогорку Кеңештин имаратынын жанында бийликтин Кемпир-Абад боюнча чечимине нааразылар топтолуп турган. Читать дальше...

Глобалдык жылуулук менен байланышкан табигый кырсыктардан улам көп адамдар өз тилинде сүйлөй албаган жерлерге көчүп жатышат. БУУнун эсебинде, XXI кылымдын аягына чейин азыркы жети миң тилдин көбү жок болушу мүмкүн. Канададагы Квинс университетинин тилдерди изилдеген бөлүмүнүн директору Анастасия Рилдин айтымында, табигый кырсыктар  ыктымалдыгы жогору аралдарда жана жээктерде аз киши сүйлөгөн тилде баарлашкан адамдар жашашат. Ушундай эле адамдардын айрымдары абанын табы көтөрүлүп, дыйканчылыкка... Читать дальше...

“Альфа Телеком” ишканасын (мурдагы MegaCom, азыркы Mega мобилдик байланыш компаниясы) менчиктештирүү боюнча жүрүп жаткан иштер тууралуу бүгүн 17-январда Жогорку Кеңештин Транспорт, коммуникациялар, архитектура жана курулуш комитетинин жыйынында айтылды. Ишкананын жетекчилиги компания сатылбай турганын айтса, Мамлекеттик мүлк фонду сатыларын билдирди. Компаниянын башкы директору Нурлан Мамытов ишкананын наркы болжол менен 12 миллиард деп бааланып жатканын, атаандаштык чөйрөсүн түзүү аракети көрүлөрүн айтты: “Чынын айтканда, сатылбайт. Читать дальше...

Ооганстанда өткөн аптадагы ызгаарда 16 адам набыт болду. Сууктан миңдеген мал-жандык да кырылганын "Бохтар" агенттиги билдирди. Эл аралык коомчулук тааныбаган талибдердин өкмөтү өзгөчө Бодгис, Фаряб, Нимроз жана Газни аймактарында эл сууктан жапа чеккенин жарыялады. Каза болгондордун көбү аялдар жана балдар. Аймактарда сасык тумоого чалдыккандар жана андан өлгөндөр көбөйгөнү байма-бай айтылууда. Ооганстандагы эки миңге чукул кыргыз байырлаган Памир өрөөнүндө сасык тумоонун оор түрү күч алып... Читать дальше...

Министрлер кабинетинин төрагасы – Президенттик администрациянын жетекчиси Акылбек Жапаров 17-январда Ош облусуна болгон жумушчу сапарынын алкагында Ош шаарына кире бериштеги жаңы ачылып жаткан жолдун долбоору менен таанышты. Бул тууралуу өкмөттөн кабарлашты. Жапаров “аталган долбоорго кетчү каражаттарды эсептөөнү тездетип, быйылкы жылы долбоорду капиталдык салымдар беренесине киргизүү керектигин” белгиледи. Бишкек-Ош автоунаа жолунун 660-чакырымындагы, экинчи борбор калаага кире бериштеги жол... Читать дальше...

Каракол шаарындагы төрөт үйүндө жыл башынан берки эки апта ичинде алты ымыркай чарчап калганына байланыштуу маселе Саламаттык сактоо министрлигинин атайын штабынын көчмө жыйынында талкууланат. Бул тууралуу бүгүн 17-январда министрликтин басма сөз кызматы билдирди. Мекеменин маалыматына караганда, учурда тийиштүү адистерден турган атайын комиссия жеринде иштеп жатат. Төрөт үйүнүн директору кызматынан убактылуу четтетилди. Дезинфекциялык иштер жүргүзүлүп жаткандыгына байланыштуу төрөт үйү убактылуу жабылып... Читать дальше...

17-январдан тарта Жалал-Абад, Талас, Чүй облустарындагы бир катар мектептер онлайн окутууга өтүп, айрым бала бакчалар убактылуу жабылды. Бул тууралуу Билим берүү жана илим министрлиги сайтында кабарлады. Мекеме мындай чечим Санитардык-эпидемиологиялык көзөмөлдөө органдарынын санитардык көрсөтмөлөрүнө ылайык кабыл алынганын билдирдик. Министрликтин маалыматына караганда, Жалал-Абад шаарындагы мамлекеттик мектептер, Көк-Жаңгак шаарындагы мектептер, Таш-Көмүр шаарындагы 6 мектеп, Талас облусунун... Читать дальше...

Кытайдын калкы акыркы 60 жылда биринчи жолу азайды. Reuters жазгандай, бул дүйнөдөгү экинчи чоң экономика үчүн терең таасири бар тарыхый бурулуш. Кытайдын Улуттук статистика бюросу 2022-жылы өлкө калкы болжол менен 850 000 кишиге азайганын билдирди. Бул эсеп - Кытайдагы Улуу ачарчылыктын акыркы жылы болгон 1961-жылдан берки биринчи кыскаруу. Кытай дүйнөдөгү калкы эң көп өлкө деген наамын жүздөгөн жылдардан бери биринчи жолу колдон чыгарганы турат. Бириккен Улуттар Уюмунун божомолуна ылайык, 2023-жылдын... Читать дальше...

18-январда Кыргызстандын аймагында жаан-чачын болбойт. Түнкүсүн жана эртең менен Чүй облусунун айрым жерлерин туман каптайт.  Жолдор тоңголок жана тайгак болот. Шамалдын багыты өзгөрүлүп турат, ылдамдыгы секундасына 1-6 метрге чейин жетет. Абанын температурасы: Чүй облусунда түнкүсүн -15…-20, күндүз -4…-9; Талас жергесинде түнкүсүн -17…-22, күндүз -4…-9; Баткен, Ош, Жалал-Абад дубандарында ​түнкүсүн -9…-14, күндүз -4…+1; Ысык-Көл облусунда түнкүсүн -8…-13, күндүз -4…+1; Нарын облусунда түнкүсүн -26…-31... Читать дальше...

“Улуу көчмөндөр мурасы” улуттук холдингинин тагдыры боюнча маселе бүгүн 17-январда Жогорку Кеңештин Транспорт, коммуникациялар, архитектура жана курулуш боюнча комитетинин жыйынында көтөрүлдү. Жыйында мамлекеттик мүлктү башкаруу, менчиктештирүү, инвестор тартуу багытындагы мыйзам долбоору, өкмөттүн “Аманат” деген улуттук холдинг түзүү демилгеси тууралуу сөз болду. Депутат Улукбек Ормонов өкмөт буга чейинки тажрыйбасынан сабак алышы керек деген пикирин билдирип, “Улуу көчмөндөр мурасы” холдингин мисал келтирди... Читать дальше...

Непалдын бийлиги учак кыйраганда курман болгондордун сөөгүн 17-январда туугандарына бере баштады. Өлкөдө акыркы 30 жылдагы эң каргашалуу авиакырсыктын себебин аныктоо үчүн учактын "кара кутусу" Францияга жөнөтүлдү. Бир күн мурун сыныктардын арасынан үн жана учуу маалыматтары жазылган аппарат табылган. 15-январда Покхара курорттук шаарындагы жаңы ачылган аэропортко 72 киши менен бараткан учак конуп жатканда капчыгайга кулаган. Кырсыктан кийин 69 кишинин сөөгү табылды. Бийлик дайыны чыкпай жаткан үч киши да каза тапкан деп божомолдоп жатат. Читать дальше...

Майлуу-Сууда сууктун айынан токтоп калган үч откананын дагы бири кайрадан иштей баштады. Өзгөчө кырдаалдар министрлигинин (ӨКМ) маалыматына караганда, 17-январда эртең мененки саат 10го карата №4 отканага электр жарыгы жеткирилип, шаардын 198 абоненти жылуулук менен камсыз боло баштады. Учурда ал жерге атайын насос орнотулуп, Майлуу-Суу суусунан отканага суу алып өтүү иштери жүрүүдө. Кечээ 16-январда №1 откана жылуулугун бере баштаган, 600дөй абонентке жылуулук бериле баштаган. Сууктан улам суу өтүүчү түтүктөр тоңуп... Читать дальше...

Бишкекте 24 жаштагы кыздын өлүмү үчүн айыпталып жаткан айдоочу эмне себептен камактан бошотулганы тууралуу маалымат берилди. Свердлов райондук сотунун 17-январдагы маалыматына караганда, шектүүнүн жактоочулары ал бешинчи стадиядагы бөйрөк оорусу менен ооруй турганы,  өнөкөт оорусунан улам 2016-жылдан бери гемодиализ алып жүргөнү тууралуу медициналык документтерди көрсөтүшкөн. “Бул оорулар шектүүнү же айыпталуучуну камакта кармоого жол берилбей турган оор илдеттердин өкмөттүн токтому менен бекитилген... Читать дальше...

Салык кызматы товарлардын мыйзамдуулугун жана сапатын текшерген "Текшер" тиркемесин ишке киргизгенин кабарлады. Жарандар бул тиркеме менен товарларды анын таңгагындагы кодун сканерлөө аркылуу өз алдынча текшере алат. Анда товар жөнүндө толук маалыматты, толук аталышын, өндүрүүчү жана чыгарылган өлкөнү, товардык белгини жана ар кандай документтер тууралуу билсе болот. "Эгерде кандайдыр бир бузуулар же сапатсыз товарлар аныкталса, даттанууну түздөн-түз ушул тиркеме аркылуу берүүгө болот. Салык... Читать дальше...