Новости за 29.01.2023

"Кызмат абалынан кыянаттык менен пайдаланган" деп шек саналып жаткан Талас шаарынын вице-мэри Максат Байжигитов менен шаардык кеңештин төрагасы Адылбек Жусупбеков 2023-жылдын 10-февралына чейин камакта калды. Ушул эле иш боюнча шаардык муниципалдык менчик башкармалыгынын жетекчиси Марат Долдоев жана шаардык кеңештин төрагасынын орун басары Азиз Курамаевдин үй камагындагы мөөнөтү да 10-февралга чейин узартылды. Мындай чечимди 29-январда Талас шаардык соту чыгарды.  Улуттук коопсуздук боюнча... Читать дальше...

Иранда төрт айдан берки өкмөткө каршы демонстрацияларда кеминде 527 киши набыт болду.  Алардын арасында 71 бала жана күч органдарынын  70 өкүлү бар. Бул тууралуу АКШда жайгашкан укук коргоочулар маалымат агенттиги (Human Rights Activists News Agency) 29-январда билдирди.  Жалпысынан 20 миңге жакын адам камакка алынган. Адистер алардын жүздөн ашыгы өлүм жазасына кесилиши мүмкүндүгүн белгилешет. Буга чейин бир нече демонстрантка ушундай жаза колдонулду.  Иран бийлиги каза болгондордун жана камакка... Читать дальше...

Сербиялык теннисчи Новак Жокович карьерасында онунчу жолу Австралиянын ачык чемпионатын (Australian Open) жеңип алды. Финалда ал дүйнөнүн төртүнчү ракеткасы грекиялык Стефанос Циципасты утту. Жалпысынан Жоковичтин Чоң шлем турнирлеринде 22 жеңиши бар. Сыйлыктарынын саны менен ал испаниялык Рафаэль Надалга жетти. Австралиянын ачык чемпионаты Мельбурн шаарында өттү. Анын байге фонду 50 миллион АКШ долларын түзөт.

Азербайжан Тегерандагы элчилигинде иштеген кызматкерлерин жана алардын үй-бүлөлөрүн 29-январда Ирандан эвакуациялай баштады. Бул тууралуу Reuters агенттиги Азербайжандын Тышкы иштер министрлигине таянып билдирди. 27-январда куралчан адам элчиликке кол салганда дипломатиялык өкүлчүлүктүн коопсуздук кызматынын башчысы каза болуп, дагы эки күзөтчү жараат алган.  Tasnim агенттигинин маалыматына караганда, куралчан адам эки бала менен элчиликтин имаратына кирген. Кармалгандан кийин ал кол салууга... Читать дальше...

Ош шаарындагы "Жеңиш" аянтына белгилүү акын-жазуучулардын мамлекеттик тилди даңазалаган сөздөрү жазылган инсталляция орнотулду. Бул тууралуу шаар мэриясынын басма сөз кызматы кабарлады. Анын ачылышында мамлекеттик тилди өнүктүрүүгө салым кошкон мугалимдер сыйланды. Кыргыз тилин даңазалаган инсталляция “Кыргыз Республикасынын мамлекеттик тили жөнүндө” мыйзамы кабыл алынгандыгынын 33 жылдыгына карата орнотулган. 1989-жылдын 23-сентябрында Кыргызстанда мамлекеттик тил жөнүндөгү мыйзам кабыл алынган. Читать дальше...

Пакистандын бийлиги Хайбер-Пахтунхва аймагындагы Танда көлүндө кайык оодарылып, кеминде 12 бала көз жумганын билдирди. Окуя 29-январда болду. Бул көл өлкөдөгү белгилүү туристтик жайлардын бири. Өзгөчө кырдаалдар кызматынын өкүлү Билал Файзи куткарылган балдардын кеминде бешөөнүн абалы оор экенин айтты. Полициянын маалыматына караганда, чөгүп кеткен кайыкта Мирбаз Хел диний мектебинде окуган 25 бала саякаттап жүрүшкөн.

Ооганстанда эл аралык коомчулук тааныбаган Талибан өкмөтү жеке менчик университеттерде аялдарга кирүү сынактарын тапшырууга тыюу салды. Талибдердин Билим берүү министрлиги эрежени бузгандар сотто жооп берерин эскертти. Ооганстанда 40 мамлекеттик жана 150 жеке менчик университет бар. Жогорку окуу жайларына кезектеги кирүү сынактары февралдын аягында өтүшү керек. Былтыр декабрда Ооганстанда студент кыздардын университеттерге барышына тыюу салынган. Андан мурун кыздардын мектептерге барышына чектөө киргизилген. Читать дальше...

Ош–Ноокат–Раззаков жолун оңдоп-түзөө иштери жаз айларында башталат. Бул тууралуу президенттин Ош облусундагы өкүлчүлүгү кабарлады. Маалыматка караганда, транспорт жана коммуникациялар министри Тилек Текебаев, президенттин Ош облусундагы ыйгарым укуктуу өкүлү Зиядин Жамалдинов, Жогорку Кеңештин депутаты Жусупбек Коргонбай уулу жана жол тармагындагы тиешелүү адистер 28-январда Ош-Ноокат-Раззаков жолунун абалы менен таанышты. Жолдун Ноокат районундагы кооптуу участкаларын реконструкциялоо иштери жаз айларында башталары... Читать дальше...

Өзбекстандын борбору Ташкент шаарынын мурдагы акими Жахонгир Артыкхожаевдин депутаттык ыйгарым укуктары мөөнөтүнөн мурда токтотулду. Тиешелүү чечим 27-январда Ташкент шаардык кеңешинин жыйынында кабыл алынганын "Газете.uz" басылмасы жыйынга катышкан булактарга таянып билдирди. Өзбекстандын мыйзамдарга ылайык, сенатор менен шаардык кеңештин депутаттары ыйгарым укугунун мөөнөтү аяктаганга чейин кол тийбестикке ээ. 2020-жылы январда Артыкхожаев депутат болуп шайланып, кийин беш жылдык мөөнөткө сенатор болгон. Читать дальше...

Ирандын түндүк-батышындагы Батыш Азербайжан провинциясында жер титиреп, кеминде 816 киши жабыркады. Үч киши каза болду. Бул тууралуу IRNA агенттиги провинциянын губернатору Мохаммад Садег Мотамедянга таянып жазды. Анын айтымында, 124 киши ооруканага жаткырылды. Буга чейин өлкө бийлиги эки шаар жана 70 айылдагы үйлөрдүн 20-50% жабыркаганын билдирген. Күчү 5,9 баллга жеткен зилзала 28-январда катталган. Силкинүү күчү провинциянын бир топ райондорунда сезилген.

"Бийлик сырлары” берүүбүздүн бул жолку коногу саясий илимдеринин кандидаты, коомдук ишмер Орозбек Молдалиев болду. Ал маегинде кыргыз президенттеринин бийликке келиши, алардын демократиялык ниеттери, үй-бүлөлүк башкаруунун кесепеттери, ишке ашпаган конституциялык реформалардын түпкү максаттары, бийлик алмашууларга сырткы факторлордун таасири тууралуу суроолорго жооп берет. - Орозбек агай, сиздин баамыңызда президент Акаевде чыныгы либералдык көз караш, демократиялык коом куруу ниети бар беле... Читать дальше...

Ирандын түндүк-батышындагы Батыш Азербайжан провинциясында болгон жер титирөөдө бери дегенде үч адам өлүп, 800дөн ашуун киши жабыркады. Бул тууралуу IRNA агенттиги провинциянын губернатору Мохаммад Садик Мотамедянга шилтеме берүү менен билдирди. Анын айтымында, 124 адам ооруканага жаткырылды. Расмий маалыматтарда эки шаарда жана 70 айылда турак жайлардын дээрлик 50% зыян тартканы айтылат. 28-январдагы жер титирөөнүн күчү 5,9 баллга жеткен.

Президенттин администрациясынын маалыматтык саясат бөлүмүнүн башчысы Дайырбек Орунбеков Министрлер кабинетинин төрагасы Акылбек Жапаровдун тегерегинде айтылып жаткан пикирлерге комментарий берди. Ал өкмөт башчы президенттин командасында экенин жана өзүнө берилген ыйгарым укуктардын чегинде иш алып барып жатканын өзүнүн Фейсбуктагы баракчасына жазды. “Социалдык тармактарда Акылбек Жапаровду негизсиз жана максаттуу каралоо жүрүп жатканы байкалууда. Сын-пикирлер эч кандай фактылар менен бекемделбей... Читать дальше...

30-январда Ош, Баткен облустарынын тоолуу аймактарында кар жаайт. Калган аймактарда жаан-чачын болбойт. Шамалдын багыты өзгөрүлүп турат, ылдамдыгы секундасына 1-6 метрге жетет. Абанын температурасы: Чүй облусунда түнкүсүн -5…-10, күндүз 2…7; Таласта түнкүсүн -7…-12, күндүз 2…7; Баткен, Ош, Жалал-Абадда түнкүсүн -1…-6, күндүз 4…9; Ысык-Көл кылаасында түнкүсүн -3…-8, күндүз 2…7; Нарын аймагында түнкүсүн -14…-19, күндүз -1…-6; Бийик тоолуу райондордо түнкүсүн -21…-26, күндүз -10…-15 Бишкек шаарында күн ачык болот. Читать дальше...

“Бийлик сырлары” берүүбүздүн бул жолку коногу саясий илимдеринин кандидаты, коомдук ишмер Орозбек Молдалиев болду. Ал кыргыз президенттеринин бийликке келиши, демократиялык ниеттери, үй-бүлөлүк башкаруунун кесепеттери, ишке ашпаган конституциялык реформалардын түпкү максаты тууралуу айтып берди.

Орусиянын президенти Владимир Путин мобилизация жарыялагандан кийин өлкөдөн качкан беш орус жараны бир нече айдан бери Түштүк Кореянын башкы аба майданында жашап жатат. Сеул алардын башпаанек сураган өтүнүчүн былтыр октябрь жана ноябрь айларында четке каккан. Алар азыр аэропортто жашап жатканын CNN телеканалы билдирди. Түштүк Корея орус жарандарына өлкөгө визасыз кирүүгө уруксат берген, бирок миграция кызматынын өкүлдөрү беш жаранды киргизүүдөн баш тарткан. Аты-жөнү айтылбаган беш киши Орусиянын кайсы тарабынан келгени белгисиз. Читать дальше...

Бишкектин жака белиндеги конуштарда жашоо-шарты оор, өп-чап жашаган үй-бүлөлөр көп. Алардын айрымдары каттоосу жоктугунан улам жөлөк пул ала албай кыйналышат. Мамлекет аялуу үй-бүлөлөрдун балдарына 1200 сомдон жөлөк пул берет.

Бул тууралуу Министрлер кабинетинин төрагасы Акылбек Жапаров 28-январда Тышкы иштер министрлигинин жыйынында билдирди. Ал өлкөнүн экономикалык дипломатия маселелерин алдыга жылдыруудагы министрликтин маанисине жана ролуна токтолуп, алдыда Кытайга экспорттун көлөмүн көбөйтүү тапшырмасы турганын белгиледи. Ошондой эле Кытай, Түркия жана Өзбекстанга соода өкүлчүлүктөрдү ачуунун маанисин белгиледи. “Биз бөтөлкөдөгү суу чыгарган ири эл аралык компаниялардын франшизасын сатып алууга даярбыз жана алар менен биргелешкен ишкана түзүү... Читать дальше...

Бүгүн, 29-январда Бишкекте алгачкы жолу “Китеп форуму” өтүп жатат. "Акбарак" коомдук фонду уюштурган форумдун максаты - Кыргызстандын адабий чөйрөсүндө, китеп өндүрүшүндө иштегендерди жана окурмандарды бир платформага чогултуу, басма үйлөр, авторлор, жазуучулар, котормочулар, китеп дүкөндөр жана окурмандар арасындагы байланышты чыңдоого багытталган. "Китеп форумунда" китеп тармагы, китеп басуу, билим, китеп сатуу, элди китеп окууга тарбиялоо, дүйнөлүк тенденциялар, өлкөдөгү абал талданууда. ... Читать дальше...

Жекшембиге караган түнү Ирандын аскердик инфратүзүм обьектилеринде бир нече жарылуу болгонун жергиликтүү маалымат каражаттары жана Би-Би-Синин орус кызматы жазды. Маалыматтарга караганда, Исфахан провинциясындагы ок-дары сактаган кампа Ирандын Коргоо министрлигине таандык. ИРНА агенттиги өлкөнүн чыгышында мотор майын чыгарган завод өрттөнгөнүн жазды. Tasnim басылмасынын жазганына караганда, Исфахандагы ок-дары чыгарган аскерий заводго дрондор менен чабуул часалган. Ирандын батышындагы Дизфуль шаарындагы авиабазада дагы жарылуу болгону... Читать дальше...

Кемпир-Абад ишине байланыштуу камакка алынган активист Атай Бейшенбекке дагы үч кылмыш иши козголду. Алардын экөө 2020-жылдагы Октябрь окуяларына байланыштуу. Тергөөнүн маалыматында, Атай Бейшенбек үч жыл мурдагы "тополоңду уюштурууга", "Бишкек мэриясын басып алууга катышканы" жазылат. Камактагы блогер, анын адвокаты бул айыптоолорду мыйзамсыз деп билдирүү жасады. Бир күндө белгилүү болгон үч иш Атай Бейшенбек 2022-жылы 25-октябрда “Массалык башаламандыктарды уюштурууга даярдануу” беренеси менен камалып, ошондон бери темир тордо отурат. Читать дальше...