Новости за 14.01.2023

Иранда коргоо министринин мурдагы орун басары Али-Реза Акбари Британиянын пайдасына тыңчылык кылган деп дарга асылды. Ал Ирандын жана Британиянын жараны болгон. Акбари өлүм жазасына тартылганын Би-Би-Си Ирандын мамлекеттик ЖМКларына таянып билдирди. Буга чейин Ирандын Жогорку Соту анын апелляциялык арызын четке каккан. Мурдагы аткаминер 2019-жылы кармалып, "британиялык чалгын кызматына тыңчылык кылган, бул үчүн 2 миллион доллар алган" деп айыпталган. Би-Би-Синин перс кызматына түшкөн аудио жазууда... Читать дальше...

Ош шаарындагы адам өлүмү менен аяктаган окуяга катыштыгы бар делген үч жаран кармалып, дагы экөө издөөдө. 13-январда үрөй учурган бул кылмышты уюштурду делген шек менен кримтөбөл Кадыр Досонов кармалган. Оштун милициясы бул окуяны криминалдык топтордун тиреши катары сыпаттады. Анткени окуянын катышуучулары ИИМдин каттоосунда турган. Эксперттер Оштогу окуя Кыргызстанда криминогендик кырдаал курч экенинен кабар берет дешет. Адам өлүмү менен аяктаган тиреш Ош шаардык милициясы 13-январдагы кылмыштын бетин ачуу үчүн Ош... Читать дальше...

СССРдин эл артисти, актриса Инна Чурикова 79 жашында каза болду.  Бул тууралуу орусиялык медиалар жазышты.  Чурикова 1943-жылы 5-октябрда Белебей аттуу башкыр кыштагында эвакуация маалында туулган. 1945-жылы Чурикованын ата-энеси Москвага жакын Коренова кыштагына көчүп келген.  Мектепти бүткөндөн кийин Чурикова Щепкин атындагы театралдык окуу жайга жана МХАТтын студиясына тапшырууга аракет кылып, өтпөй калган. Үчүнчү жолку аракеттен кийин Щукин атындагы окуу жайдын актердук факультетине өтүп, аны 1965-жылы кызыл диплом менен аяктаган. Читать дальше...

Ош шаардык ички иштер башкармалыгы адам өлтүрүүгө шек саналып издөө жарыяланган беш адамдын үчөө кармалганын билдирди. Милициянын маалыматына караганда, эки адам Чүйдө кыргыз-казак чек арасынын өтүүгө аракет кылып жаткан маалда колго түшкөн. Издөөдө жүргөн дагы бир жаран Нурбек Чубаков Ош облусунун аймагынан кармалган.  “Азыркы учурда өзгөчө оор кылмышка тиешеси бар башка адамдарды да кармоо үчүн комплекстүү ыкчам-издөө жана тергөө иш-чаралары жүргүзүлүп жатат”, - деп айтылат маалыматта. Ош... Читать дальше...

Жалал-Абад облусуна караштуу Майлуу-Суу шаарында жылуулук маал-маалы менен берилип, Өзгөчө кырдаалдар министрлигинин жумушчулары жергиликтүү тургундарды таза суу менен камсыздап жатат.   Ушул тушта шаарда өзгөчө кырдаалдар министринин орун басары  Урматбек Шамырканов баштаган топ жагдайды көзөмөлдөп жүрөт. Шаарда 12-январда катуу сууктун айынан суу түтүктөрү тоңуп, жылуулук берүү жана суу менен камсыз кылуу үзгүлтүккө учураган. Учурда №1 отказан ишке кирип,  маал-маалы менен жылуулук бериле баштады. Читать дальше...

Катуу суук үй-жайы жок селсаяктарды кыйнап жатат. Ушул тапта Бишкекте убактылуу баш калкалоочу үч жайга күнүнө 150дөн ашуун киши келип, жылынып, бир маал ысык тамак ичет. Мындан тышкары ондой пунктта чатырлар тигилип, ысык чай уюштурулган.

Мирзохалим Каримов - "Даңк” медалынын ээси, кыргыз-тажик жазуучусу, белгилүү котормочу, публицист. Автордун пикири "Азаттыктын" көз карашын чагылдырбайт. Кыргыз Республикасынын маданиятына эмгек сиңирген ишмер, жүргөн-турганы жупуну, улуу-кичүүгө озунуп салам айткан Мундузбек Тентимишевди ондогон публицистикалык китептерди жарыкка чыгарган чыгаан журналист деп айтууга толук негиз бар. Кыргыз мамлекеттик университетинин журналистика бөлүмүн, Ташкенттеги жогорку партиялык мектепти бүтүргөндөн... Читать дальше...

Улуттук коопсуздук комитети (УКМК) Жалал-Абад шаардык кеңештин депутаты, ошол эле учурда “Альфа Телеком” ишканасынын Жалал-Абад облусундагы аймактык филиалынын директору менен Базар-Коргон районунун акими алдамчылыкка шек саналып кармалганын билдирди. Атайын кызматтын маалыматына ылайык, алар Базар-Коргон шаарына кайрадан мэр болгусу келген жарандан 20 миң доллар алдап алган жана аны президент Садыр Жапаровго беришерин айтышкан. “Жалал-Абад шаардык кеңештин депутаты Э.Б.А. жана Базар-Коргон районунун... Читать дальше...

Бразилияда Жогорку сот мурдагы президент Жаир Болсонаруга карата иликтөө баштоого санкция берди. Прокуратура экс-президентти тарапташтарын мамлекеттик мекемелердин имаратын басып алуу аракети менен коштолгон тополоң уюштурууга шыкактаган деп шек санап жатат. Учурда 67 жаштагы Болсонару АКШда. Ал тарапташтарынын аракеттерин айыптап, имараттарга басып кирүүнү мыйзамсыз деп атаган. Бразилияда өткөн жекшембидеги тополоңдо 200дөй адам кармалган. Анда Болсонарунун тарапкерлери президенттин сарайынын... Читать дальше...

Ош шаардык ички иштер башкармалыгы адам өлүмү менен аяктаган уруп-сабоого байланыштуу дагы эки адамга издөө жарыялады. Милициянын билдиришинче, 1991-жылы туулган Нурбек Чубаков менен 1992-жылы туулган Актилек Автандил уулу дагы бул кылмышка тиешеси бар катары шек саналып жатат. Ош милициясы 13-январда адам өлтүрүүнү уюштурууга айыптап кылмыш дүйнөсүндө "Женго" каймана аты менен таанымал Кадыр Досонов кармалганын билдирген. Андан сырткары кылмышка шектүү катары 1995-жылкы Акылбек Раимберди уулуна... Читать дальше...

Президент Садыр Жапаров 14-январда Тажикстандын президенти Эмомали Рахмон менен телефондон сүйлөштү. Бул тууралуу Жапаровдун басма сөз кызматы билдирди. Анда тараптар өз ара алака-катыштын 30 жылдыгына байланыштуу бири-бирин куттуктады. Кызматташтыкты андан ары өнүктүрүү, аймактагы тынчтыкты жана туруктуулукту сактоо жана чек ара маселелерин чечүүнү талкуулады. “Мамлекет башчылары эки тараптуу сүйлөшүүлөрдөгү акыркы жетишкендиктерди белгилешти. Бул 625 чакырымга жакын (жалпы чек ара узундугунун... Читать дальше...

Бишкек шаардык соту 13 жаштагы кызды зордуктоого айыпталган эки милиция кызматкеринин жаза мөөнөтүн кыскартты. Буга чейин Свердлов райондук сотунун чечими менен 15 жылга кесилген милиционерлердин биринин мөөнөтү алты жылга, экинчиси тогуз жылга кыскарды. Секелектин ата-энеси сот чечимине нааразы экенин билдиришти. 13 жаштагы кызды зордуктоого айыпталган үч адамдын ишин 12-январда Бишкек шаардык соту апелляциялык тартипте карап, өкүм чыгарган. Ага ылайык, Свердлов райондук сотунун 30-августтагы... Читать дальше...

Өтмөк ашуусу 14-январда көчкү атып түшүрүү ишине байланыштуу маал-маалы менен жабылат. Бул тууралуу "Азаттыкка" ИИМдин Жол кыймылынын коопсуздугун камсыздоо башкармалыгынын Талас облусундагы бөлүмүнөн билдиришти. Мекеме айдоочуларга зарыл иш болбосо, жолго чыкпай турууну эскертти. Маалыматка ылайык, көчкүнү атып түшүрүү иши Суусамыр-Талас-Тараз жолунун 1-чакырымынан 14-чакырымына чейин аралыкта жүрөт. Чектөөнүн мөөнөтү канчага созулары азырынча белгисиз. Буга чейин Өзгөчө кырдаалдар министрлиги 13-январдан 19-январга чейин Бишкек ... Читать дальше...

Кыргызстанда 1-январдан тарта айдоочуларды камсыздандыруу полисин (ОСАГО) алууга милдеттендирген мыйзам күчүнө кирди. Эми талапты аткарбаган автоунаа ээлерине апрель айынан баштап айып пул салынат. Бир топ жылдан бери иштебей элдин оозунда ОСАГО деген ат менен айтылып келаткан мыйзамдын шарттары, камсыздандыруу полисин алуунун жол-жоболору тууралуу айтып беребиз. ОСАГО мыйзамы күчүнө кирди Финансы рыногун жөнгө салуу жана көзөмөлдөө мамлекеттик кызматынын маалыматына караганда, жыл башынан... Читать дальше...

Ички иштер министрлиги (ИИМ) Бишкек шаарындагы дүкөндөрдүн биринин жанында мас болуп жаңжал салган милиция кызматкерине жана анын жетекчилерине чара көрүлгөнүн билдирди. Ага ылайык, Бангизаттарды мыйзамсыз жүгүртүүгө каршы күрөшүү кызматынын инспектор-кинологу, милициянын ага лейтенанты Максат Нурбек уулу иштен бошотулду. Бул окуяга байланыштуу аталган башкармалыктын жетекчисинин орун басары тартиптик жазага тартылып, Кинология борборунун башчысы да кызматтан алынды. “Жарандардын арыз-даттанууларын кароодон баш тартуу... Читать дальше...

"Бишкек электр тармактары" мекемеси шаардагы айрым райондордо, көчөлөрдө жана конуштарда электр энергиясын берүү үзгүлтүккө учурап, мындан улам 33 ыкчам-бригадалык топ иштеп жатканын билдирди. Ошондой эле, жарыкты берүү мүмкүн болушунча кайра калыбына келтирилип жатканын кабарлады. Мунун алдында, 13-январда “Кыргыз улуттук электр тармагы” ишканасы өлкө аймагында электр кубаты менен камсыздоодо кыска мөөнөткө үзгүлтүккө учуроолор болушу ыктымалдыгын эскерткен. Мекеме тараткан маалыматта “электр... Читать дальше...

Өзгөчө кырдаалдар министрлиги Чүй облусунун Аламүдүн районуна караштуу Кара-Жыгач айылында гы Балдар үйүндө чыккан өрт толугу менен өчүрүлгөнүн, жабыркагандар жоктугун билдирди. Маалыматка караганда, кырсык тууралуу 13-январда кечки саат 7де кабар түшкөн. “Өрттү өчүрүүгө эки бөлүм жана ыкчам нөөмөт кызматы тартылган. Имараттан тарбиячылар жана балдар эвакуацияланган. Жабыркагандар жок. Өрт саат 20:13тө чектөөгө алынып, 23:08де толук өчүрүлдү. Натыйжада жыгач устундуу темир менен жабылган,  аянты 320 чарчы метр чатыр... Читать дальше...

Тажикстандын президенти Эмомали Рахмон Кыргызстандын президенти Садыр Жапаровду эки өлкөнүн дипломатиялык алака-катышынын 30 жылдыгы менен куттуктады. Бул тууралуу Жапаровдун басма сөз кызматы кабарлап, Рахмондун катынын мазмунун жарыялады.  “Акыркы отуз жылда биздин мамлекеттер достук жана ынак коңшулук маанайда саясий, соода-экономикалык, маданий-гуманитардык жана башка тармактарда мамлекеттер аралык кызматташтыкты өнүктүрүүдө белгилүү натыйжаларга жетишти. Эки көп тараптуу түзүмдөрдүн аянтчаларында кызматташуунун оң тажрыйбасына ээ... Читать дальше...