Иерусалимде синагогада ок атылып, жети киши каза болду
Иерусалимде 27-январда кечинде белгисиз адам синагогага кельгендерге ок атып, кеминде жети киши каза болду. Дагы он киши жараат алганын Jerusalem Post басылмасы жазды.
Басылманын жазганына караганда, окуя Неве-Яаков районундагы синагогада болгон.
Куралчан адам Иерусалимдин Палестин районунун 21 жаштагы тургуну болуп чыкты. Ал полиция менен атышууда өлтүрүлдү. Алдын ала маалыматка карганда маркум ХАМАС тобуна жакын болгон. Полиция ал өзү жалгыз аракет кылган болушу ыктымалдыгын айтып жатат.
Райондун комиссары Яков Шабдайдын айтымында, кол салган адам машинада отуруп алып алдынан чыккан, өзүнө жакын жердеги адамдарды тапанча менен ата баштаган. Ал бул окуяны соңку жылдардагы "эң коркунучтуу террористтик акт" деп атады.
Кол салуу 27-январга караган түнү израиль армиясынын Газа секторуна Палестинанын Ашкелон автономиясы жана Израилдин түштүгүндөгү аткылоосуна жооп кайтарган ракеталык соккусуна байланыштуу өч алуу болушу ыктымалдыгы айтылды.
Израилдин чек ара полициясы жана коопсуздук кызматы Иордан дарыясынын жээгиндеги качкындар лагериндеги армиянын рейдинен кийин ракеталык чабуулдарды жасашкан.
Израиль тарап рейддин максаты кол салууларды пландаган "Ислам жихады" радикал тобунун мүчөлөрү болгонун ырастоодо. Палестина автономиясынын маалыматында, аткылоодон каза болгон 11 адамдын кеминде бирөө жайкын тургун. Абалдын курчушу АКШнын Мамлекеттик катчысы Энтони Блинкендин Жакынкы Чыгышка башталган турнесинин фонунда болуп жатат. Мамкатчынын сапарында Египет, Израил жана Батыш жээгине баруу пландалган.