Жалал-Абадда "Ак кар-2023" аталышындагы спорттук мелдеш өттү
Бүгүн, 28-январда Жалал-Абад шаарындагы Курманбек фольклордук талаасында “Ак кар-2023” аталышындагы кышкы спорттук иш-чара өттү. Иш-чарада мекеме-ишканалардан түзүлгөн жалпы тогуз команда спорттун төрт түрү боюнча күч сынашты.
Жыйынтыгында мыкты аталган командаларга мэриянын дипломдору жана ыраазычылык баракчалары тапшырылды.
Спорттук иш-чараны уюштурууда каражат бөлүнгөн эмес. Ал шаар тургундарын сергек жашоо образына тартуу менен президенттин “Инсандын руханий-адеп-ахлактык өнүгүүсү жана дене-тарбиясы жөнүндө” жарлыгын ишке ашыруу максатында уюштулду.
Бул Садыр Жапаров президенттик кызматка киришкенден кийинки алгачкы беш жарлыгынын бири болгон. (ТВ)