Новости за 19.01.2023

Кыргызстан Европа Биримдиги менен кеңири кызматташтык тууралуу жаңы келишимге европалык тараптагы жараян бүтөр замат кол коюуга даяр. Бул тууралуу 19-январда Бишкекте өткөн маалымат жыйында тышкы иштер министри Жээнбек Кулубаев билдирди. Министрдин айтымында, келишим боюнча сүйлөшүүлөр үч жылдан бери жүрүп жатат, ага быйыл кол коюлушу ыктымал: “Ал жакта 27 мамлекет кол коюшу зарыл. Мурда кол коюу ишин Евробиримдиктин катчылыгы жүргүзчү экен. Эми ар бир өлкө менен өз-өзүнчө кол коюу керек деген эреже кириптир. Читать дальше...

16-январда Чырчыкта үйдө жарык жоктугуна нааразы болгон бир нече тургун шаардык электр түйүндөр компаниясынын диспетчердик пунктуна келген. Алардын бири - 35 жаштагы келин мекеменин кызматкерине бычак такап, жарыкты калыбына келтирүүнү талап кылган. Башкы прокуратура анын үстүнөн “Бейбаштык” беренеси менен кылмыш иши козголгонун билдирди.

Кыргызстан менен Кошмо Штаттардын кызматташтыгы тууралуу жаңы келишимди даярдоо процесси уланып жатканын, талкуулоону талап кылган айрым техникалык маселелер бар экенин 19-январда Бишкекте өткөн пресс-конференцияда Кыргызстандын тышкы иштер министри Жээнбек Кулубаев билдирди: “Иш жүрүүдө. Техникалык мүнөздөгү талкуулоону талап кылган бир катар маселелер болгон. Биз өзүбүздүн пикирибизди жөнөткөнбүз. Каралып жатат. Даяр болгондо, албетте, илгерилетебиз. Азырынча “бүгүн-эртең же быйылкы жыл ичинде” деп так датасын айта албайм. Читать дальше...

“Кумтөр Голд Компани” ишканасынын мурдагы аткаруучу директору Канат Курманов кармалып, камакка алынды. Бул маалыматты Башкы прокуратуранын басма сөз катчысы "Азаттыкка" ырастады. Курманов 14-январда "Манас" эл аралык аэропортунан кармалып, Башкы прокуратуранын Тергөө башкармалыгына жеткирилген. Учурда ал Бишкектеги №1 тергөө абагына (СИЗО-1) киргизилгени айтылды. Былтыр сентябрда Башкы прокуратура “Кумтөр Голд Компани” ишканасындагы коррупциялык кылмыштар боюнча козголгон иштин алкагында анын... Читать дальше...

Былтыр бир жыл ичинде чет мамлекеттерден 350 кыргызстандыктын сөөгү мекенине келген. Бул тууралуу бүгүн 19-январда Бишкекте жыл жыйынтыгына арналган пресс-конференцияда Кыргызстандын тышкы иштер министри Жээнбек Кулубаев билдирди. Кулубаевдин айтымында, “Жүк-200” алып келүү иши Эмгек, социалдык камсыздоо жана миграция министрлиги менен биргеликте консулдуктардын жардамы менен жүргүзүлүп келет. Министр белгилегендей, 350 маркумдун 200дөн көбү Орусияда каза болгондор. 2021-жылы, ТИМдин расмий маалыматына караганда... Читать дальше...

Президенттин басма сөз катчысы Эрбол Султанбаев “Альфа Телеком” ишканасын (мурдагы MegaCom, азыркы Mega мобилдик байланыш компаниясы) менчиктештирүү боюнча жүрүп жаткан иштер тууралуу түшүндүрмө берди. Анын Фейсбук баракчасына жазганына караганда, компания жеке колго же чет өлкөлүк компанияларга өтпөйт. Ал MEGA өлкө бюджетин толтурууга салым кошуп, мамлекет карамагында кала турганын жазган. "Менчиктештириле турган объектилердин тизмесине киргизилгенден кийин башкаруучу өзгөрүп, же Улуттук банк... Читать дальше...

Бишкекти ыштан арылтуунун негизги себептеринин бири катары айтылган жаңы конуштарды газдаштыруу иштери солгун. Шаардык бийлик элүүдөй конуштун жарымына араң газ жетип, анын болгону 30% жылытуу системасын көгүлтүр отко кошконун маалымдаган. Мындай жагдайга эмне себеп болууда?

Өзбекстандын президенти Шавкат Мирзиёев Кыргызстанга мамлекеттик сапар менен “эң жакынкы арада” келери пландалып жатканын бүгүн 19-январда тышкы иштер министри Жээнбек Кулубаев Бишкекте өткөн пресс-конференцияда билдирди: “Эң жакынкы арада бул сапарды уюштурабыз деп ойлойм. Азыр конкреттүү даталар боюнча иш жүрүп жатат, бирок азырынча биз аны айта албайбыз. Бирок иш жүрүүдө. Эң жакынкы арада болот”. Кулубаев былтыр ноябрда Өзбекстандын башкы дипломаты Владимир Норов Бишкекке келгенде Мирзиёевдин сапарынын күн тартиби... Читать дальше...

“Кыргызалтын” ачык акционердик коомунун башкармалыгынын жетекчиси Элдияр Калдарбеков кызматтан кетүү тууралуу арыз жазганын "Азаттыкка" 19-январда ырастады. Ал кайсы кызматка бара турганын айткан жок. 33 жаштагы Калдарбеков "Кыргызалтындын" бул кызматка 2022-жылдын 2-сентябрында дайындалган. Кызматка жаңы киришкенде "Азаттыкка" комментарий берип, "таза иштей" турганын айткан. Калдарбековдун ордуна "Кыргызалтындын" директорлор кеңешинин мүчөсү Кубат Абдраимов бара турганы айтылууда. Ал кесиби боюнча юрист. Читать дальше...

Бир нече кылмыштуу иш-аракеттери үчүн 2019-жылы сыртынан 10 жылга эркинен ажыратылган экс-депутат жана экс-вице-премьер-министр Аскарбек Шадиевдин мүлкү мамлекетке өткөн эмес. Мүлктү конфискациялоо боюнча райондук жана шаардык соттун өкүмдөрү күчүнө киргенине карабай, чечим ушул күнгө чейин аткарыла элек. Кылмыш иши козголгондон кийин АКШга качып кеткен мурдагы аткаминердин мүлкү эмне себептен мамлекетке өткөрүлбөй жатат? Аскарбек Шадиевге таандык делип, кийин мамлекеттин менчигине өткөрүлгөнү... Читать дальше...

Катуу суукта отказандар иштен чыккан Майлуу-Суу шаарында 340тай абонентке жылуулук бериле элек. Бул тууралуу бүгүн, 19-январда парламент жыйынында энергетика министри Таалайбек Ибраев билдирди. Анын айтымында, учурда 1,7 миңей абонент жылуулук ала баштады. "Бүгүн суу боюнча маселеси чечилет. Отказандардын бардыгы ишке кирет. Бул энергетиктердин эмес, Суу каналдын маселеси экен. Ошого карабай Өзгөчө кырдаалдар министрлиги, Жылуулук энергонун балдары иштеп жатат. Азыр бир трансформаторго күч келип жаткан экен, аны алмаштырууга запас бар бизде.

Кыргызстанда быйылкы кыштын эң суук күндөрү электр энергиясы менен камсыздоо үзгүлтүккө учурап жатканына байланыштуу энергетика министри Таалайбек Ибраевдин жоопкерчилиги боюнча маселе бүгүн 19-январда Жогорку Кеңештин жалпы жыйынында көтөрүлдү. Депутат Таалайбек Сарыбашов министрге үмүт чоң болгонун белгилеп, ал кышка даярдык талаптагыдай деп убада бергенин эскертти: “Сизге үмүтүбүз аябай чоң эле. Сиз актай албай калып жатасыз да. Жер-жерлердеги монтёрлорго ыраазычылык айтам, силердин шалаакылыгыңардан түнү менен талааларда... Читать дальше...

Энергетика министри Таалайбек Ибраев Кыргызстанда газ маселеси чечилмейинче, электр энергиясын өчүрүүлөр боло берерин билдирди. Бул тууралуу министр Жогорку Кеңештин 19-январдагы жыйынында, калкты жылуулук, электроэнергия жана ичүүчү суу менен камсыз кылуу боюнча кырдаал жөнүндө маалымат берип жатып билдирди. Депутат Дастан Бекешев жарыкты маал-маалы өчүрүү качанкыга чейин уланышы мүмкүн экенин сураган. "Газдын басымы жок. Газ маселеси чечилмейинче боло берет, аны айтуу кыйын. Кубаттуулуктук... Читать дальше...

Кыргыз Республикасынын эмгек сиңирген артисти Малик Аликеевди акыркы сапарга узатуу зыйнаты өтүүдө. Сөөгү Талас районунун Көпүрө-Базар айылында жерге берилет.  Аликеев 17-январда 54 жашында көз жумган. Акыркы жылдары ден соолугунан жабыркап, бир нече жолу операция болгон.  Малик Аликеев Токтогул Сатылганов атындагы филармониясында 16 жашынан тартып иштей баштаган. “Мөлмөлүм”, “Сардал кыз”, “Арзыкан” баштаган бир катар элдик ырларды өзгөчө чеберчиликте аткарганы менен элге таанылган. Өнөрпоз... Читать дальше...

Жогорку Кеңештин депутаты Жанар Акаев парламенттин 19-январдагы жыйынында Казакстандын өкмөтү кабыл алган жаңы эрежелер кыргызстандык мигранттарга кыйынчылык жаратарын айтты.  "Биздин жарандар Казакстанда 90 күн жүргөндөн кийин кайра 180 күн кире албай турган эреже кабыл алды. Бул ЕАЭБге мүчө өлкөлөрдүн бардыгына тиешелүү. Үч ай жүргөндөн кийин алты ай кайра кире албайт экен. Казакстанда биздин 50 миңден ашуун эмгек миграциясында жүргөн мекендешибиз бар. Ошолордун бардыгы бүгүнтөн баштап консулдукта кезекке тура баштады. Читать дальше...

Коомдун үрөйүн учуруп, өлүм менен аяктаган Оштогу криминалдык таасир талаштан кийин уюшкан кылмыштуу топтун беш-алты мүчөсү кармалды. Милиция күрөш мында да күчөй турганын айтты. Негизи Кыргызстандын кримчөйрөсү өлкөдөгү чоң окуяларга таасир этип, саясий иштерге чейин аралаша турганы айтылып келет. “Эксперттер талдайт” берүүсүндө криминалдын таасири, аларга каршы күрөштү талкуулайбыз. Эфирге депутат Жанарбек Акаев, ИИМдин биринчи башкармалыгынын башчысы Марлис Жумабаев, журналист Ыдырыс Исаков жана... Читать дальше...

Дүйнөдөгү абасы кир шаарлардын рейтингин чыгарган World Air Quality уюмунун 19-январга карата индексинде Бишкек кайрадан биринчи сапка чыкты. Абадагы зыяндуу РМ 2,5 заттарынын көлөмү кооптуу көрсөткүчкө жеткен. Бишкектин кийинки беш орунда Индиянын Мумбай, Бангладештин Дакка, Пакистандын Лахор шаары турат. Тизменин бешинчи сабына Өзбекстандын Ташкент шаары илинген. Абанын сапатына жараша тизме улам өзгөрүп турат. Соңку бир нече күндөн бери Кыргызстандын борбору ыштан улам тизмеден түшпөй жатат. Читать дальше...

Орусиянын 80ден ашуун депутаты Алексей Навальныйды колдогон катка кол коюшту. Ал кат Орусиянын президентине, баш прокуроруна жана президенттин алдындагы Адам укуктары боюнча кеңешке жолдонгонун "Азаттыктын" орус редакциясы билдирди. Алгач катты Москванын Останкино округунун муниципалдык депутаты Сергей Цукасов жарыялап, кесиптештерин анын астына кол коюуга чакырган. Кайрылууда ал Навальныйга физикалык жана психологиялык зомбулук көрсөтүүнү жана жаза камерасына отургузууну, негизсиз дисциплинардык жазаларды колдонууну токтотууну талап кылган.

19-январда Бишкек шаарындагы Батыш автобекетинде ири өрт өчүрүлдү. Бул тууралуу Өзгөчө кырдаалдар министрлигинин басма сөз кызматы кабарлады. Маалыматка караганда, тилсиз жоо таңкы саат 6га жакын чектөөгө алынып, саат 9га чукул толугу менен өчүрүлдү. Кырсыктан жабыркагандар жок. Учурда өрттүн келип чыгуу себептери жана материалдык чыгымдары такталууда. Буга чейин аталган министрлик аймактарда өрт, үйдү жылытуу коопсуздугун сактоого байланыштуу түшүндүрүү иштерин жүргүзүп, эскертүү берип жаткан. Читать дальше...