Новости за 04.01.2023

Бишкек шаардык мэриясы кар калың жаап жатканына байланыштуу жолдорду, эл баскан тратуарларды тазалоо, туз себүү жүрүп жатканын билдирди. Анда "Тазалык" муниципалдык ишканасынын 600дөн ашык кызматкери ондогон техника менен 4-январдын түнүнүн баштап иштеп жатканы, учурда 200 тоннадан ашык туз себилгени айтылат. Кыргызгидромет борборунун маалымдашынча, ​Бишкекте 4-январда түнкүсүн жана түшкө чейин маал-маалы менен кар жаайт, түштөн кийин жаан-чачын болбойт. Абанын температурасы түнкүсүн 0…-2°, күндүз 2…4° болот. Читать дальше...

Бишкек шаарындагы Октябрь райондук милициясы инклюзивдик билим берүү жайлардын биринде майып бала сабалган окуяны иликтей баштады.  "Бул фактка байланыштуу тергөөгө чейинки иликтөө башталды жана тиешелүү экспертизалар дайындалды. Иликтөөнүн жүрүшүндө бул окуя жашы жете элек М.Н. аттуу бала август айынан бери барып жүргөн 5-кичи райондогу инклюзивдик борборлордун биринде орун алганы аныкталды. Учурда териштирүү уланууда",-деп жазылган райондук ички иштер бөлүмү тараткан маалыматта. Милиция бул окуя качан катталганын тактаган жок. Читать дальше...

Өзбекстандын президенти Шавкат Мирзиёев 31-декабрдагы Жаңы жылдык куттуктоосун орус тилинде баштаганы үчүн социалдык тармактын колдонуучуларынын сынына кабылды. Ал он күн мурда парламентте өзбек тилинин даражасын көтөрүү жөнүндө сүйлөгөн болчу. "Озодлик" радиосу жазгандай, майрам алдындагы президенттин куттуктоосу жергиликтүү телеканалдар аркылуу адегенде орус, андан соң өзбек тилинде көрсөтүлдү. Дароо эле Твиттерде жана Фейсбукта мамлекет башчынын орусча сүйлөгөнүн сындаган пикирлер көбөйдү. Читать дальше...