Новости за 03.01.2024

Азнакайда хоккей буенча традицион Яңа ел турнирында район хакимияте, Кәкре Елга авылының «Куәтле» һәм шәһәрнең «Викинг» командалары катнашты. Бу хакта «Азнакай» сайтында хәбәр ителә.

Түбән Камада яшәүчеләрне Кыш бабай резиденциясенә чакыралар. Ул Габдулла Тукай исемендәге Уку һәм ял паркында ачылды. Бу турыда Татарстан Түбән Кама муниципаль районы рәсми сайтында хәбәр ителә.

Бүген Милли китапханәнең тамашалар залында Нияз Хисмәтовның 70 яшьлек юбилеена багышланган иҗат кичәсе булды.

Спас районының яшь педагогы Евгения Селивановага «Яшь педагог» күкрәк билгесе тапшырдылар. Ул Болгар шифаханә интернат-мәктәбе укучылары турында кайгырта. Бу хакта «Яңа тормыш» сайтында хәбәр ителә.

2024 елның 1 гыйнварыннан Олимпия һәм Паралимпия чемпионнары, шулай ук Сурдлимпия уеннарында җиңүчеләр әзерләгән тренерларның пенсиясенә ай саен өстәмә түләү турында закон үз көченә керде.

Машина артына тагылып, улы белән чаңгыда шуарга тәвәккәлләгән җирле блогерны Казан автоинспекторлары тапкан.

Иранның Керман шәһәрендә генерал Касыйм Сөләймани җирләнгән зиратка алып баручы юлда шартлау булган. Бу хакта IRNA агентлыгы хәбәр итә, дип яза РИА Новости.

Татарстанда 2024 елның гыйнварының беренче декадасында һаваның уртача температурасы климат нормасыннан 8 градуска түбәнрәк булачак. Бу хакта Татарстан Гидрометеорология үзәге хәбәр итә.

Россия Энергетика министрлыгы башлыгы Николай Шульгинов Казаннан 12 яшьлек малайның хыялын тормышка ашырган. Бу хакта Россия Хөкүмәте телеграм-каналында хәбәр ителә.

Татарстанда 4-9 гыйнвар көннәрендә аномаль салкын һава торышы, тәүлеклек уртача -18..-25 градус салкын көтелә. Ул нормадан 9-17 градуска түбәнрәк. Бу хакта Татарстан Гидрометеорология үзәге хәбәр итә.

Россиядә алдагы сайлаулар зур халыкара әһәмияткә ия һәм Казахстан өчен аеруча кызыклы булачак. Бу хакта Egemen Qazaqstan белән әңгәмә барышында Казахстан Президенты Касыйм-Җомарт Токаев белдерде.

Яңа ел бәйрәмнәрендә сәяхәт итү өчен Казан россиялеләр арасында иң популяр ун юнәлеш исемлегенә кергән. Бу хакта «Суточно.ру» хезмәте директоры Юрий Кузнецовка сылтама белән ТАСС хәбәр итә.

Россиягә Төркиядән 316,8 мең данә йомырканың беренче партиясе кертелгән. Бу хакта Ветеринария һәм фитосанитария күзәтчелеге федераль хезмәте хәбәр итте, дип яза ТАСС.

Хөкүмәт Россиягә электрон җайланмалар кертүнең гадиләштерелгән тәртибен озайтты

4 һәм 5 гыйнварда Горки-Әмәт урманының «Дом» экоүзәге базасында бушлай кышкы экологик лагерьның икенче сменасы узачак.

2024 елда еллык яллар өчен иң отышлы айлар аталды. Ул ике күрсәткеч —ял көннәре саны һәм мөмкин булган файда ягыннан төзелгән. Нәтиҗәләр белән Россия Хөкүмәте тарафыннан эшли башлаган «Объясняем.РФ» порталы уртаклашты.

Татарстанда сайлауларга гаилә белән йөрү традициясен саклап калырга планлаштыралар. Моның өчен республиканың барлык шәһәрләре һәм районнарында төрле форматтагы чаралар башлана. Бу хакта Татарстан Үзәк сайлау комиссиясендә сөйләделәр.

Татарстанда 2022 елда 14 231 галим эшләгән — алдагы ел белән чагыштырганда 1,36 меңгә күбрәк. Бу хакта Татарстан Республикасы Министрлар кабинеты карары белән расланган «2022 елда Татарстан Республикасында инновацион эшчәнлек турында» докладында әйтелә.

6 гыйнварда Казан Кремлендә татар музыкасы концерты узачак. Аны 19.00 сәгатьтә Кремльнең тарихи бинасы ишегалдында (Присутственные места) оештыралар (ориентир Консистор манарасы янындагы сәхнә).

2023 елда Төркиянең Россиягә экспорт күләме 16,9 процентка арткан. Бу хакта Төркия Президенты Рәҗәп Тайип Эрдоган белдерде.

Казанда Татарстан эчке эшләр министрының элеккеге урынбасары, Татарстан Иҗтимагый палатасы рәисе урынбасары Рафил Ногманов белән хушлашалар.

Бүген, 3 гыйнварда, Татарстанда салкын, болытлы һәм карлы һава торышы сакланачак, әмма температура бераз күтәрелә. Бу хакта Татарстан Гидрометеорология үзәге хәбәр итә.

Кукмарага эш сәфәре белән Россия Дәүләт Думасы депутаты Рөстәм Кәлимуллин килде. Ул район Советы бинасында халыкны кабул итте. Бу хакта «Хезмәт даны» хәбәр итә.

Арча районы башлыгы Илшат Нуриев 2 гыйнварда Яңа Кенәр авылында яшәүче Сәгыйдәбану Хәбибуллинаны 100 яшьлек юбилее белән котлады. Аңа Россия Федерациясе Президенты Владимир Путинның һәм үзенең Рәхмәт хатларын, бүләкләр тапшырды. Бу хакта «Арча-информ» хәбәр итә.

Аксубай районының чираттан тыш сессиясендә җәмәгать эшендә аерылып торган район оешмаларының иң яхшы вәкилләрен бүләкләделәр. Бу хакта «Авыл таңнары» хәбәр итә.