Новости за 08.01.2024

Апасның Шәмәк авылында 45 урынга исәпләнгән яңа клуб бинасы ачылды. Республика программасы нигезендә якынча 14 млн сумлык эш башкарылды. 150,6 кв. метр мәйданлы бина үз эченә музей һәм китапханәне дә алган. Бу хакта «Апастово-информ» хәбәр итә.

«Созвездие-Йолдызлык» фестивале җиңүчеләр һәм лауреатлар өчен кышкы иҗади сменаны яңартты. Бу юлы Татарстанның 18 районыннан 220 бала Түбән Камада – «Камский Артек» ял лагеренда җыелды. Бу хакта Түбән Кама муниципаль районы рәсми сайтында хәбәр ителә.

Балтачта Ринат Шакиров истәлегенә 11 тапкыр мини-футбол буенча традицион турнир узды. Бу хакта «Хезмәт» сайтында хәбәр ителә.

Татарстан Экология һәм табигать ресурслары министрлыгы республикада яшәүчеләрне аномаль салкыннарда кошларны ашатырга чакырды.

Түбән Новгород өлкәсенең Сергач шәһәре «Лидер» физкультура-савыктыру комплексында билбаулы көрәш буенча Дөнья, Европа һәм Россия чемпионнары милли көрәш нигезләрен үзләштерә башлаган балалар һәм яшүсмерләр өчен мастер-класс күрсәтте. Бу хакта «Туган як» газетасының «Вконтакте» социаль челтәрендәге сәхифәсендә хәбәр ителә.

2024 елгы сайлауда Россия Президенты Владимир Путинның үзен-үзе тәкъдим итүен хуплау документларын 58 төбәк тапшырган. Бу турыда дәүләт башлыгы вазифасына кандидат сайтында хәбәр ителә.

Мәскәүнең Зур Татар урамында XVIII-XIX гасырларда ясалган фарфор савыт-саба кыйпылчыклары табылган. Казу эшләре элек Татар бистәсе булган урында оештырылган. Бу турыда башкала мэры Сергей Собянин Телеграм-каналында сөйләде.

Якындагы көннәрдә Татарстанда аномаль салкын һава торышы саклана, һава температурасы төшү фаразлана. Бу хакта Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

М-11 юлында 50дән артык машина катнашында авария булган. Бу хакта ТАСС хәбәр итә.

Самараның «Бердәмлек» газетасында Рәгыйдә Бадыйкова-Хәлимованың «Авылларда милли гореф-гадәтләр ничек саклана» дигән язмасы чыкты.

Азнакайда Нефтьчеләр урамындагы йорттагы фатирларның берсендә апалы-энеле туганнар сөрем газы белән агуланган. Бу хакта Татарстан прокурорының өлкән ярдәмчесе Руслан Галиев хәбәр итә.

Россия Президентын сайлауда хәзерге дәүләт башлыгы Владимир Путин кандидатурасын тәкъдим итүне хуплап Татарстанда имзалар җыю дәвам итә. Россия лидерына киләсе срокка барырга Казан, Чаллы, Түбән Кама, Әлмәт һәм Яшел Үзәндә зур сәүдә үзәкләрендә ярдәм итәргә мөмкин.

Казанда Дача урамында шәхси йортта ир-ат идән астындагы тирән чокырга төшеп киткән. Бу хакта «Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

9 гыйнварда төнлә һәм иртән республика территориясендә һава температурасы -25..-30 градуска кадәр төшәргә мөмкин. Бу хакта Татарстан Гидрометеорология һәм әйләнә-тирә мохитне күзәтү идарәсе хәбәр итә.

2024 елда сайлауда Владимир Путинның үзен-үзе президентлыкка кандидат итеп тәкъдим итүен хуплап, Россиядә 1,3 миллионнан артык имза җыелган. Бу хакта ТАСС Мәскәүнең 52нче хастаханәсе баш табибы, сайлау штабы рәистәше Марьяна Лысенкога сылтама белән хәбәр итә.

Татарстанда Россиянең хәзерге Президенты Владимира Путин кандидатурасын 2024 елда ил президентын сайлауда хуплап имза җыюда яшьләр актив катнаша. Бу хакта «Бердәм Россия» Бөтенроссия сәяси партиясе Татарстан төбәк бүлегенең Төбәк башкарма комитеты җитәкчесе Марат Сәмигуллин хәбәр итте.

Ташкент шәһәре Татар иҗтимагый мәдәни-агарту үзәге курчак театрының беренче чыгышын тәкъдим итте. Алар татар телендә Яңа ел тамашасы күрсәтте. Бу хакта Ташкент шәһәре Татар иҗтимагый мәдәни-агарту үзәгенең Телеграм-каналында хәбәр ителә.

Татарстанда яшәүчеләр Владимир Путин кандидатурасын Россия Президенты вазифасына тәкъдим итүне актив хуплый. Бу турыда Россия Герое, «Монолит» кушаматлы танкчы Рәсим Баксиков белдерде, дип яза «Татар-информ».

2024 елда ил Президентын сайлауда Россиянең хәзерге башлыгы Владимир Путин кандидатурасын хуплап Татарстанда җыелган имза кую кәгазьләрен бүген Мәскәүдә тапшырдылар. Волонтер Дарья Крылова «Татар-информ» хәбәрчесенә беренче тикшерү барышы турында сөйләде.

«Автодор» дәүләт компаниясе М12 «Көнчыгыш» трассасының Мәскәү-Казан участогында ягулык салу комплексларына йөкләнеш зур булуы турында кисәтте һәм йөртүчеләргә ягулык салу өчен заправканы алдан сайларга киңәш итте.

2024 елда Россия Президентын сайлауда Россиянең хәзерге Президенты Владимир Путин кандидатурасын хуплап Татарстанда җыелган имза кую кәгазьләрен Мәскәүгә илтеп тапшырдылар. Бу хакта «Татар-информ» корреспонденты хәбәр итә.

Дәүләт Думасында Россия мәктәпләрендә ГТО нормативларын мәҗбүри тапшырырга тәкъдим ителде. Россия мәгариф министры Сергей Кравцовка мондый тәкъдим белән Дәүләт Думасы депутаты Сергей Колунов мөрәҗәгать итте. РИА Новости шул хакта хәбәр итә.

Мәскәү биржасының сәүдә ачылышында алдагыларының ябылу вакытындагысы белән чагыштырганда, АКШ валютасы курсы рубльгә караганда 7,75 тиенгә, ягъни 91,03 сумга кадәр арткан.

Россия Премьер-министры Михаил Мишустин төбәкләргә авыл территорияләрен төзекләндерү чараларын гамәлгә ашыруга бирелә торган дәүләт ярдәме күләмен арттыру турындагы карарны имзалады. Бу хакта Министрлар Кабинеты сайтында хәбәр ителә.

Бүген иртән Татарстанның кайбер районнарында томан төшәргә мөмкин. Шулай ук синоптиклар республика юлларында бозлавык булуы турында кисәтте. Бу хакта Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.