Новости за 14.01.2024

Актанышның Куян клубы мөдире Роза Хәбетдинова авылдашларын да, Актанышка күченгән якташларын да төрле чараларга җәлеп итә. Шушы көннәрдә Роза ханым чакыруы буенча авыл хатын-кызлары махсус хәрби операциядәге егетләргә атап токмач кисү өмәсенә җыелды. Бу хакта «Актаныш» сайтында хәбәр ителә.

Татарстанның Тукай районы «Татарстан» совхозы бистәсендә экспонатларга бай музей эшли. Аны шунда яшәүче Михаил Жилин үз хисабына баета, төрле очрашулар үткәрә. Музей бистә мәктәбенең бер бүлмәсендә урнашкан. Бу хакта «Шәһри Чаллы» хәбәр итә.

Алабугада «Джип Алерт» волонтерлары бәлагә эләккән шоферларга ярдәмгә килә ала. Бу хакта «Алабуга нуры» хәбрә итә.

Бүген Казанның «Ак Барс» һәм Түбән Каманың «Нефтехимик» хоккей командалары көч сынашты. Җиңүне 1:0 исәбенә «Ак Барс» яулады. Матч Түбән Камада узды.

Хәрбиләрнең әти-әниләре, хатыннары һәм туганнары да «Үзебезнекеләрне ташламыйбыз» штабы һәм «Ватан сакчылары» фонды белән тыгыз элемтәдә тора. Әле менә күптән түгел «Ватан сакчылары» фондының Әлмәт бүлеге координаторы Ольга Ильдукова инициативасы белән «Нур» психологик ярдәм үзәгендә хәрбиләрнең әти-әниләре һәм тормыш иптәшләре, якыннары белән якынча 160 җитештерелгән. Бу хакта «Әлмәт таңнары» хәбәр итә.

РФ транспорт министры Виталий Савельев «Теләкләр чыршысы» акциясе кысаларында Татарстанның Болгар шәһәрендә яшәүче 15 яшьлек Диана Зиннәтуллинаның хыялын (ул Яңа елда үз фотоаппараты булуын теләгән) чынга ашырды.

17 гыйнварда Давостагы Бөтендөнья икътисади форумында Covid-19 пандемиясеннән берничә тапкыр куркынычрак булган билгесез чир - «Х авыруы» хакында фикер алышачаклар. Чараның сайтында урнаштырылган белдерүдә шулай диелә.

Татарстанның атказанган рәссамы Илдус Мортазин безнең заман геройлары турында картиналар сериясен дәвам итә. Ул «Үзебезнекеләрне ташламыйбыз» дип аталган яңа картинасын махсус операциядә катнашучы хәрби һәм волонтер Фидаил Зариповка багышлаган. Картина хәзерге вакытта Чаллыдагы галереядә оештырылган күргәзмәдә урын алган.

30 декабрьдән 10 гыйнварга кадәр мөселманнар өчен изге урыннарга кече хаҗ (гомрә) кылган хаҗилар төркеме - Пенза өлкәсеннән 52 кеше Мәскәүнең Домодедово аэропортына төште. Пенза өлкәсе мөселманнары Диния нәзарәте вәкилләре РФ мөселманнары Диния нәзарәте яклавы астында эшләүче Россиядәге иң зур мөселман туроператорларыннан берсе булган «Мөслим-Тур» юлламалары буенча хаҗ кылды. Бу хакта РФ мөселманнары Диния нәзарәтенең матбугат хезмәте хәбәр итә.

Казанда мәйданы 1000 квадрат метр тирәсе тәшкил иткән янгынны сүндерделәр.

Төмән өлкәсенең Тубыл каласында «И туган тел, и матур тел» ХХIХ сәнгатьле укучылар ачык шәһәр бәйгесе узачак. 1992 елның ноябрендә ЮНЕСКО Генераль конференциясе тарафыннан игълан ителгән Халыкара туган тел көненә багышланган конкурс Тубылда 1992 елдан бирле үткәрелә. Бу хакта Бөтендөнья татар конгрессының матбугат хезмәте хәбәр итә.

Казанның Павлюхин урамында янгын чыгу сәбәпле, машиналар хәрәкәте вакытлыча чикләнде. Бу хакта шәһәр Дәүләт автоинспекциясендә хәбәр иттеләр.

Бүген көндезге икеләр тирәсендә Павлюхин урамында урнашкан кунакханәдә янгын чыккан.

Бер литрлы су шешәсендә 240 меңгә якын пластик фрагменты табылган, алар кеше сәламәтлеге өчен бик тә куркыныч. Бу хакта Bloomberg Колумбия университетында үткәрелгән тикшеренүгә сылтама белән хәбәр итә, дип яза «Труд» газетасы.

Россия Президенты Владимир Путин үзенең барлык планнарын һәм вәгъдәләрен истә тота, ә соңыннан, датасын билгеләп, аларны шәхсән үзе гамәлгә ашыра. Кремльнең рәсми вәкиле Дмитрий Песков шулай дип белдерде.

Казанның Яңа Савин районы территориаль сайлау комиссиясе рәисе Ольга Малышева «Россия волонтерына» медале белән бүләкләнде. Бу хакта Татарстан Үзәк сайлау комиссиясендә хәбәр иттеләр.

Казанның Мәгариф идарәсендә балалар бакчасында сабый үлеменә бәйле фаҗиганең нечкәлекләре хакында сөйләделәр.

Казандагы бер балалар бакчасында ике яшьлек кызның йөрәге тибүдән туктаган. Әлеге фаҗига узган җомгада ук булган.

Онкологик авырулардан интегүче пациентларның гомуми саны диагностиканың яхшыруы һәм гомер озынлыгы үсү аркасында арта, шул ук вакытта яман шеш яшәрә дип әйтү дөрес түгел. Бу хакта РИА Новости агентлыгы Россия Сәламәтлек саклау министрлыгының Блохин исемендәге онкология Илкүләм медицина тикшерү үзәге федераль дәүләт бюджет учреждениесе директоры урынбасары, хирург-онколог Александр Петровскийга сылтама белән хәбәр итә.

2022 ел нәтиҗәләре буенча, аена 100 мең сумнан күбрәк хезмәт хакы алучы россиялеләр саны 7,4 процентка арткан. Бу – статистика алып бара башлаган вакыттан бирле максималь күрсәткеч, дип хәбәр итә РИА Новости агентлыгы Росстат мәгълүматларын өйрәнгәннән соң.

Азәрбайҗаннан Россиягә тавык йомыркасының чираттагы партиясен (300 мең данәдән артык) китерделәр. Бу хакта Ветеринар һәм фитосанитар күзәтчелек федераль хезмәтенең (Россельхознадзор) матбугат хезмәте хәбәр итә.

Татарстанның ике кешесе республиканың атказанган юристы булды, тагын берсенә ТР эчке эшләр органнары атказанган хезмәткәре дигән мактаулы исем бирелде. Татарстан Рәисе Рөстәм Миңнеханов шул хактагы указларны имзалады.

Казахстанда 14 гыйнварга каршы төндә Алма-Атадан 230 километр ераклыкта 4,6 магнитудалы җир тетрәү булган, Текели шәһәрендә аның көче 3 балл тәшкил иткән. Бу хакта РИА Новости агентлыгы Казахстан Гадәттән тыш хәлләр министрлыгының сейсмологик тәҗрибә-методик экспедициясенә (СОМЭ) сылтама белән хәбәр итә.

Бүген, 14 гыйнварда, Татарстанда элегрәк урнашкан аномаль салкын һава торышы саклана. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

Татарстан Рәисе Рөстәм Миңнеханов республика буенча сәяхәтләр турында популяр флешмобта катнашты. ТР җитәкчесе телеграм-каналында шуның нәтиҗәләре белән уртаклашты.