Новости за 24.01.2024

Түбән Камада ел башыннан 100нче бала тууы теркәлгән. Ул Әлфия һәм Марат Кильдеевлар гаиләсендә бишенче бала булып туа. Малайга Булат дип исем кушканнар. Бала 19 гыйнварда дөньяга килә. Түбән Кама муниципаль районы рәсми сайты

Пенза өлкәсенең татар милли-мәдәни автономиясе каршындагы «Ак калфак» татар хатын-кызлары төбәк оешмасы татар халык кул эшләрен тергезү белән шөгыльләнә. Шул уңайдан кул эшләре дәресләре оештыра. Бу хакта Пенза өлкәсе татар автономиясе социаль челтәрдәге сәхифәсендә хәбәр итә.

Күпләп яуган кар шәһәр хезмәтләре, урам җыештыручы һәм юл эшчеләре өчен җитди сынау булды. Әмма мул явым-төшемнәрдән тыш, урамнарны чистартуны казанлылар үзләре дә кыенлаштыра. Татарстан башкаласы мэриясендә биргән интервьюда «Шәһәрне төзекләндерү» оешмасы бригадиры Альберт Мәхмүдов шулай дип сөйләде, дип яза «Татар-информ».

Түбән Новгород татар автономиясе «Түбән Новгород краеның милли калейдоскобы. Бердәмлек күптөрлелектә» проектын тәкъдим итә. Ул Мәдәни инициативалар Президент фонды ярдәме белән гамәлгә ашырыла. Бу хакта «Түбән Новгород өлкәсе татарларының төбәк милли-мәдәни автономиясе» иҗтимагый оешмасы социаль челтәрдәге сәхифәсендә хәбәр итә.

Зөя утрау-шәһәрчеге тарихи-архитектура һәм сәнгать музей-тыюлыгы директоры Артем Силкин бүген шәхси китапханә фонында селфи ясарга тәкъдим итте.

Татарстанның Мамадыш районы аша үтүче трассада берничә машина катнашында юл-транспорт һәлакәте турында эшне прокуратура тикшереп бетерде. Бу хакта Татарстан прокурорының өлкән ярдәмчесе Руслан Галиев хәбәр итә.

Татарстанда Россия Президентын сайлауга әзерлек чорында — 17 февральдән «ИнформУИК» проекты гамәлгә ашырыла башлый. 2727 участоктан 9,9 меңнән артык участок сайлау комиссиясе әгъзалары сайлаучыларны йөреп чыгачак. Бу хакта Татарстан Үзәк сайлау комиссиясенең 35 нче утырышында комиссия рәисе Андрей Кондратьев хәбәр итте.

Мәдәният учреждениеләренең репертуар сәясәте һәм контент эчтәлеге актуаль тема дип белдерде мәдәният министры Ирада Əюпова ТР Мәдәният министрлыгының йомгаклау коллегиясенең Татарстан Милли китапханәсендә узган утырышындагы чыгышында.

Татарстан Россия Президентын сайлауга әзерләнү һәм үткәрү өчен өстәмә рәвештә 233 млн сумнан артык акча алачак. Бу хакта Татарстан Үзәк сайлау комиссиясенең 35 нче утырышында комиссия рәисе урынбасары Андрей Нефедов хәбәр итте, дип яза «Татар-информ» хәбәрчесе Надежда Гордеева.

Татарстан Рәисе Рөстәм Миңнеханов республикада Гаилә елын ачуга багышланган тантаналы кабул итүдә катнашты. Республика җитәкчесе күп балалы гаиләләр белән очрашты һәм аларга Россия һәм Татарстан дәүләт бүләкләрен тапшырды. Бу хакта Татарстан җитәкчесенең матбугат хезмәте хәбәр итә.

Бүген Казанның «Ак Барс» хоккейчылары Екатеринбургның «Автомобилист» командасын 4:1 исәбенә җиңде. Матч Екатеринбургта узды.

Россиядә балалы гаиләләр өчен ташламалы ипотека озайтылачак, әмма башка шундый программалар кебек үк, аңа үзгәрешләр кирәк. Бу хакта журналистларга Россия финанс министры урынбасары Иван Чебесков белдерде, дип хәбәр итә РИА Новости.

Бүген Татарстан Республикасы Сәламәтлек саклау министрлыгының йомгаклау утырышында Татарстан Рәисе Рөстәм Миңнеханов реципиентлар һәм аларның туганнары белән очрашты. Бу хакта Татарстан Рәисенең матбугат хезмәте хәбәр итте.

«Интертат» сайтының «Вконтакте» төркемендә туры эфирда уза торган «Әйтер сүз» рубрикасында «Сәхнә» журналының баш мөхәррире, язучы Зиннур Хөснияр «Сәхнә» журналының электрон версиясен 40 мең кеше карап баруын әйтте.

Менделеевск районы башлыгы Радмир Беляев хәбәр иткәнчә, мошенниклар аның исеменнән хәбәр җибәрә башлаган. Бу хакта кисәтеп, ул социаль челтәрләрдә үз аккаунтында пост чыгарган.

Татарстан Рәисе Рөстәм Миңнеханов Казанда февраль аенда кулланылышка тапшырылачак икенче хоспис бинасында булды. Фотоларны ул үзенең телеграм-каналына куйды.

Россия Президентын сайлау кампаниясе хәлиткеч этапка керә. Бу хакта Татарстан Үзәк сайлау комиссиясе рәисе Андрей Кондратьев Татарстан Үзәк сайлау комиссиясенең 35 нче утырышында белдерде. Бу турыда «Татар-информ» хәбәрчесе Надежда Гордеева хәбәр итте.

Континенталь хоккей лигасының плей-офф уеннары башланыр алдыннан Татарстан Рәисе Рөстәм Миңнеханов белән очрашуда «Ак Барс»ның элеккеге капитаны Данис Зарипов профессиональ карьерасын тәмамлау карарына аңлатма бирде.

Татарстан Рәисе Рөстәм Миңнеханов республиканың күп балалы гаиләләре белән очрашу фотоларын үзенең Telegram-каналында уртаклашты.

«Интертат» сайтының «Вконтакте» төркемендә туры эфирда уза торган «Әйтер сүз» рубрикасында «Сәхнә» журналының баш мөхәррире, язучы Зиннур Хөснияр мәгънәсез сүзле җырларны талантлы, хөрмәткә лаек артистларыбыз халык алдына сәхнәгә чыгып башкаруына күңелем әрни, диде.

Краснодардан 29 км көньяк-көнбатыштарак 4,5 баллы җир тетрәү булган. Бу хакта Европа-Урта диңгез сейсмология үзәге (EMSC) хәбәр итә.

Дәүләт Думасы Кораллы Көчләр турында ялган мәгълүмат тараткан өчен милекне конфискацияләү турында закон проектын беренче укылышта кабул итте. Бу хакта РИА Новости яза.

Татарстанның атказанган артисты, җырчы Альберт Җәлиловның «Татарстан» җыры сәнгатьтә игелек өчен бирелә торган «Тынычлык файдасына» (»На благо мира») премиясе номинациясенә эләкте. Бу хакта Татарстан Республикасының Россия Федерациясендәге Тулы вәкаләтле вәкиллеге матбугат хезмәте хәбәр итә.

Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыевның Төньяк Кавказ Федераль округына эш сәфәре дәвам итә. Бүген ул Чечня Республикасы Хөкүмәте Рәисе Мөслим Хучиев белән очрашты. Бу хакта Бөтендөнья татар конгрессы матбугат хезмәте хәбәр итә.

Татарстан Рәисе Рөстәм Миңнеханов ТР Сәламәтлек саклау министрлыгының йомгаклау коллегиясендә махсус хәрби операция зонасында эшләүче медицина хезмәткәрләренә аерым игътибар бирде.