Новости за 25.01.2024

Кешеләрнең сәламәтлеген һәм иминлеген саклау - Россия үсешенең илкүләм максатларының берсе, аңа Татарстанда актив омтылалар. Бу хакта Татарстан юстиция министры Рөстәм Заһидуллин республиканың Алабуга районы Иске Юраш һәм Илмәт авыл җирлекләрендә яшәүчеләр белән очрашу вакытында белдерде.

Бүген Татарстан Рәисе Рөстәм Миңнеханов Монополиягә каршы федераль хезмәт җитәкчесе урынбасары Виталий Королев белән очрашты. Бу хакта республика җитәкчесенең матбугат хезмәте хәбәр итә.

Дмитрий Петров фикеренчә, теләсә кайсы яңа телне фигыльләрдән өйрәнә башларга кирәк.

Татарстан Милли музее филиалы – Салих Сәйдәшев музее директоры Айдар Әхмәдиев композиторның шәхси әйберләре аз сакланганын әйтте.

1 февральдән социаль түләүләрне һәм пособиеләрне индексацияләү Россиядә якынча 20 млн кешегә кагылачак. Бу хакта Хөкүмәт киңәшмәсендә Премьер-министр Михаил Мишустин сөйләде.

13 февральдә 16.00 сәгатьтә Кәрим Тинчурин исемендәге Татар дәүләт драма һәм комедия театрында беренче тапкыр яшьләр өчен «Театраль квиз» була. Квиз – интеллектуаль-күңел ачу уены. Интеллектуаль чара театрның 90 еллык юбилей сезонына багышлана. Уенда катнашу бушлай, ул татар телендә узачак.

Дәүләт Думасы пәнҗешәмбе пленар утырышта 16 яшькәчә баласы булган ялгыз ата-ананы эштән чыгаруны тыю турындагы закон кабул итте. Бу хакта РИА Новости хәбәр итә.

Узган ел Татарстанда күбесенчә 25-29 яшьтә әти-әни булганнар. ТР Министрлар Кабинетының ЗАГС идарәсе башлыгы Гөлшат Нигъмәтуллина ведомствоның коллегия утырышында шул хакта хәбәр итте.

«Чишмә челтерәве» ансамбле җитәкчесе - Удмуртиянең атказанган мәдәният хезмәткәре Светлана Касыймова блогер, журналист Фәгыйлә Шакировага Удмуртиянең Балезино районы Кистем авылында педагог, һәвәскәр астроном Ибраһим Әхмәров турында сөйләгән.

2023 ел нәтиҗәләре буенча Татарстан Тарифлар буенча дәүләт комитеты меңләгән оешмага карата 988 тариф карарын кабул итте, аларның гомуми табышы 167 млрд сум тәшкил итә. Бу хакта бүген республика Тарифлар буенча дәүләт комитеты коллегиясенең йомгаклау утырышында ведомство җитәкчесе Александр Груничев хәбәр итте.

Татарстан Премьер-министры Алексей Песошин Монополиягә каршы федераль хезмәт җитәкчесе урынбасары Виталий Королев белән очрашты. Ул Казанга сәфәре кысаларында Татарстан Тарифлар буенча дәүләт комитетының йомгаклау коллегиясендә катнашачак.

Ханты-Манси автономияле округы-Юграда икенче ел рәттән «Татар кызы ХМАО-Югра» матурлык һәм талант бәйгесе узачак. Бу хакта Ханты-Манси автономияле округы-Югра Татар яшьләре берлегенең «ВКонтакте» социаль челтәрендәге төркемендә хәбәр ителә.

Россия Президенты Владимир Путин Калининградка эш сәфәренә килде. Бу хакта RT хәбәр итә.

Россиянең атказанган, Татарстанның халык артисты Георгий Ибушев Габдулла Тукай исемендәге Татар дәүләт филармониясе музее мөдире Алсу Хәкимовага Татарстанның атказанган артисты Таһир Якупов турында балачак хатирәләрен сөйләгән.

Татарстан Фәннәр академиясе вице-президенты, филология фәннәре докторы Айнур Тимерханов Мәдәният министрлыгының коллегия утырышында Казанда Археология музеен ачу һәм «Мирасханә» үзәгендә кулъязмаларында реставрацияләү лабораториясен булдыру мәсьәләләрен күтәрде.

Татарстан «Пушкин картасы» белән билет сату һәм керем күләме буенча 4нче урында. Мәдәният министры Ирада Әюпова фикеренчә, республика «Пушкин картасы» мөмкинлекләрен әле тулысынча файдаланмаган.

Самара өлкәсе мөселманнары төбәк Диния нәзарәте, 2024 елның 20 мартында, изге Рамазан аенда Самарада өлкә күләмендә ифтар мәҗлесе узачагы хакында хәбәр итә. Чараны «Экспо-Волга» күргәзмә комплексы мәйданчыгында (Мичурин урамы, 23А) үткәрергә ниятлиләр. Өлкә күләмендәге ифтарда 1500 кунак катнашыр дип көтелә. Бу хакта «Самар татарлары» сайты яза.

Мамадыш районының мәдәният бүлеге мөдире Степан Спиридонов муниципаль районнардагы мәдәният учреждениеләрен төзекләндерү һәм төзү өчен бүленгән акчаны арттыру мөмкинлеген карауны сорады.

Татарстан абсолют саны ягыннан һәм мең кешегә исәпләгәндә туу турында теркәлгән актлар буенча Идел буе федераль округында беренче урынны били. ТР Министрлар Кабинетының ЗАГС идарәсе башлыгы Гөлшат Нигъмәтуллина коллегия утырышында шул хакта хәбәр итте.

Лисичанскины торгызу эшләренә кураторлык итүче Татарстан вице-премьеры Евгений Варакин һәм Лисичанск мэры Эдуард Сахненко Аварияләрне кисәтү һәм бетерү комиссиясенең эшен тикшерде. Моннан тыш, алар күп фатирлы йортларда яшәүчеләр белән дә аралашты. Бу турыда «Татар-информ» яза.

Төмәннең «Яңарыш» газетасында «Кырынкүл мәктәбенә рәхмәтебезне белдерәбез» дигән язма чыкты.

Омскиның «Инкос» Сервис компаниясе ҖЧҖ һәм «Мәдәният» Төбәк татар милли-мәдәни автономиясе җитәкчелеге тарафыннан беренче меценатлык килешүе төзелде. Шулай итеп Халыкара Иртыш буе Сабан туеның беренче хәйриячесен сайладылар. Бу хакта Омск өлкәсе Төбәк татар милли-мәдәни автономиясенең матбугат хезмәте хәбәр итә.

16 февральдә 16.00 сәгатьтә Самара шәһәренең «Октябрь» мәдәният йортында «Ялкынлы яшьлек» татар халык җыр, бию һәм шигърият ансамбле Альбина Мәхмүтова истәлегенә багышланган программа белән чыгыш ясаячак. Бу хакта «Самар татарлары» сайты хәбәр итә.

Мәскәү биржасында сату-алу башланган вакытта рубль бәясе Америка һәм Европа валютасына карата тотрыклы булып калды. Бу хакта РИА Новости агентлыгы хәбәр итә.

Татарстан Фәннәр академиясе вице-президенты, филология фәннәре докторы Айнур Тимерханов танылган тарихи шәхесләрнең каберләрен дәүләт дәрәҗәсендә сакларга чакырды.