Новости за 23.01.2024

Чаллыда соңгы 5 көндә (17-21 январда) айлык нормада кар яуды. Нәтиҗәдә быел шәһәр урамнарыннан, узган елның шул чоры белән чагыштырганда, ике тапкырга күбрәк кар чыгарылды. Бу хакта дүшәмбе киңәшмәсендә Башкарма комитет җитәкчесенең беренче урынбасары Илья Зуев хәбәр итте. «Шәһри Чаллы» шул хакта яза.

Мәскәүдә Татар мәдәни үзәгендә татар халык биюләре мастер-классы узды. Аны «Ильдан» ансамбле сәнгать җитәкчесе Рәдиф Яваев алып бара. Ул Мәскәү татарлары мохтариятенең Яшьләр хәрәкәте, «Яшьләр» татар оешмасы һәм Камилла Вашаеваның актив катнашында оештырылган. Бу турыда «Мәскәү татарлары мохтарияте» төбәк иҗтимагый оешмасы матбугат хезмәте хәбәр итә.

«Әкият» татар дәүләт курчак театрында «Экият-Lab» V курчак театры лабораториясе старт алды

Күп балалы гаиләләр өчен ипотеканы түләүгә субсидия озайтылачак. Россия Президенты Владимир Путин «Туганнар-Яратканнар» форумында узган «Ел гаиләсе» һәм «Бу безнең гаиләнеке» конкурслары җиңүчеләре белән очрашуда катнашучыларның берсе сүзләренә шулай дип җавап бирде. Бу хакта ТАСС яза.

2023 елда Татарстанда 34 күп балалы гаилә дәүләттән бушлай 52 фатир алды. 2019 елда Россия Президенты Владимир Путин инициативасы белән «Торак һәм шәһәр мохите» илкүләм проектының төп бурычларының берсе - гражданнарны һәркем сатып алырлык уңайлы торак белән тәэмин итү.

2023 ел нәтиҗәләре буенча Татарстан предприятиеләренә СИБУР кертемнәре күләме 65 млрд сум тәшкил иткән. Бу хакта Татарстан Рәисе Рөстәм Миңнеханов идарәнең рәисе, компаниянең генераль директоры Михаил Карисалов белән очрашуда әйтте. Республика җитәкчесенең матбугат хезмәте шул хакта хәбәр итә.

Россия Президенты Владимир Путин «Туганнар-Яратканнар» бөтенроссия гаилә форумы кысаларында Россиядә Гаилә елына старт бирде. Бу хакта Кремльнең матбугат хезмәте хәбәр итә.

Россиянең миграция законына төзәтмәләр кертергә кирәк. Ул чит ил гражданнары килгән көннән башлап 30 көндә укый яки эшли башламаган булса, аларның илдә булуын туктатырга мөмкинлек бирергә тиеш, чөнки шуның өчен виза хупланган. Татарстан парламентарийлары шундый инициатива белән чыгыш ясарга тели. Бу хакта ТР Дәүләт Советы Рәисе Фәрит Мөхәммәтшин республика Халыклар дуслыгы йортында узган түгәрәк өстәл утырышында сөйләде.

Дәүләт башлыгы Владимир Путинның «Туганнар-Яратканнар» форумында гаиләләр булән очрашуында катнашучыларның берсе 6 ставкалы ташламалы ипотеканы икенчел торак алуга да җәелдерергә тәкъдим итте. Бу хакта «Российская газета» яза.

Быел Татарстанда М7 трассасында 1061-1166 км участокларны, шулай ук Иннополис районында 761+500 һәм 771+246 км участокларны, Түбән Кама һәм Чаллыны урап узу юлларын реконструкцияләүне тәмамлау планлаштырыла. Әлеге проектларны гамәлгә ашырганнан соң, республикада бөтен автомобиль юлы дүрт полосалы булачак. Бу хакта «Волго-Вятскуправтодор» матбугат хезмәте хәбәр итә.

Казан җитәкчелеге «Буран» планын 28 гыйнварны кертеп озайтырга карар итте. Бу хакта шәһәр башкарма комитетының Гражданнарны яклау идарәсе җитәкчесе Сергей Чанкин хәбәр итә.

Россиядә күп балалы гаиләләр үз статусын раслаган федераль үрнәктәге таныклык алачак. Бу хакта Хезмәт министрлыгы матбугат хезмәтендә хәбәр иттеләр. «Российская газета» шул хакта яза.

Күп балалы гаиләләр – ул ил өчен таяныч, чөнки балалар күбрәк туган саен, шулкадәр яхшырак. Бу турыда Россия Президенты Владимир Путин «Туганнар-Яратканнар» форумында белдерде. Дәүләт башлыгы Халык хуҗалыгы казанышлары күргәзмәсендә (ВДНХ) Бөтенроссия гаилә конкурсларында җиңүчеләр белән очрашты. Трансляция Кремльнең матбугат хезмәте Телеграм-каналында бара.

Кичәне оештыручылар җанлы тамаша күрсәтүдән тыш, кунакларны каһвә һәм тәм-томнар белән сыйлаганнар.

Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев Төньяк Осетия-Алания Республикасына сәфәре барышында Төньяк Кавказ Федераль округына кергән татар иҗтимагый оешмалары җитәкчеләре һәм активы белән очрашу уздырды.

Үткән ял көнендә Әлмәт шәһәренең «Нурлы» мәчетендә ел саен уза торган «Азан тавышы» бәйгесе үткәрелде.

Рязань өлкәсе Касыйм шәһәренең Яңа мәчетендә бер ай элек капиталь ремонт башланган. Хәзерге вакытта тәрәзәләре алыштырылган, конференцияләр залы ремонтланган. Мәчеткә Россия мөселманнары Диния нәзарәтеннән келәм япмасы, шулай ук иганәче Али Брундуковтан уку дәресләре өчен өстәл-урындыклар һәм такта тапшырылган. Бу хакта Россия Федерациясе мөселманнары Диния нәзарәтенең үзәкләштерелгән дини оешмасы матбугат хезмәте хәбәр итә.

16 яшькә кадәрге балалар тәрбияләүче ялгыз ата-аналарны эштән куу тыела. Дәүләт Думасы икенче укылышта кабул иткән закон проекты шуны күздә тота. Бу норма хәзергә 14 яшькә кадәрге балаларның ата-аналарына кагыла, дип аңлатты Дәүләт Думасы рәисе Вячеслав Володин инициативага фикерен белдереп. Бу хакта «Российская газета» яза.

Бөек Ватан сугышы ветераннарына барлык социаль түләүләр һәм ярдәм чаралары күләме 1 февральдән 7,4 процентка артачак. Бу хакта Россия хезмәт һәм социаль яклау министры урынбасары Ольга Баталина хәбәр итте, дип яза РИА Новости.

Россия Президенты Владимир Путин Мисыр коллегасы Әбдел Фәттах әс-Сисины октябрьдә Казанда узачак БРИКС илләре саммитына чакырды.

Ростов өлкәсе иҗтимагый оешмасының «Якташлар» татар-башкорт мәдәни үзәге каршында инде берничә ел дәвамында татар (туган) телен һәм әдәбиятын өйрәнү якшәмбе курслары үткәрелә. Ул «Дон татарлары – мәдәни мирасны саклау» озак сроклы программа кысаларында алып барыла. Бу хакта Бөтендөнья татар конгрессы матбугат хезмәте хәбәр итә.

Быелдан башлап журналистлар өчен «Алтын каләм» бәйгесендә ике яңа номинация барлыкка килә: югары һәм урта махсус уку йортының иң яхшы студент медиасы. Бу хакта Студентлар көненә багышланган матбугат конференциясендә Татарстан яшьләр эшләре министры Ринат Садыйков хәбәр итте.

Азнакай шәһәр прокуратурасы сөрем исе белән агуланган ике бала турындагы тикшерүне тәмамлады. Бу хакта Татарстан өлкән ярдәмчесе Руслан Галиев хәбәр итә.

Татарстан хакимияте хуҗасыз күчемсез милек объектларының барлык милекчеләрен белергә тиеш. Татарстан Җир һәм мөлкәт мөнәсәбәтләре министрлыгы коллегиясендә республика Рәисе Рөстәм Миңнеханов шулай дип белдерде.

Ислам банкингы турында законны гамәлгә ашыру өчен гыйлемле белгечләр кирәк, әлегә Россиядә аларга ихтыяҗ зур. Белгечләргә кытлык проблемасы бар», - диде Россия Дәүләт Думасы депутаты Айрат Фәррахов «Татар-информ» хәбәрчесенә биргән интервьюда.