Новости за 13.01.2024

Раштуа бәйрәме алдыннан Яшел Үзән районы башлыгы Михаил Афанась­ев һәм прокурор Дмитрий Ерпелев «Гнездышко» балалар һәм яшүсмерләр өчен социаль приютында тәрбияләнүчеләр белән очрашты. Бу хакта «Яшел Үзән» хәбәр итә.

Чирмешән районы Әккәрәй авылында Сөлчә елгасында кышкы коену сезонын тантаналы рәвештә ачтылар. Бу хакта «ВКонтакте» социаль челтәрендәге «Әккәрәй авылы мәдәният йорты» төркемендә хәбәр итәләр.

Чистай районы Йолдыз бистәсендә яңа фельдшер-акушерлык пункты ачылды. Чистай үзәк хастаханәсе баш табибы Илдар Хәнифов һәм Чистай районы башкарма комитеты җитәкчесе Эдуард Хәсәнов шәхсән үзләре биредә яшәүчеләрне котларга килде. Бу хакта «Чистай-информ» хәбәр итә.

Зәйдә ирләре махсус операциядә катнашучы хатыннарны гаиләләрендә бала тууы белән котлап, 100 мең сумлык сертификатлар тапшырылды. Бу хакта «Зәй яңалыклары» хәбәр итә.

Иртәгә, 14 гыйнварда, Татарстанда температура фонының сизелерлек төшүе көтелә. Бу хакта ТР Гидрометеоүзәге хәбәр итә.

Медиа өлкәсендә узган ел интернетның башкаларны тулысынча җиңүе белән тәмамланды. «Татмедиа» АҖендә булган барлык онлайн-проектлар да бик зур үсеш күрсәтте. Россия матбугаты көне алдыннан «Татар-информ» белән сөйләшүдә медиахолдингның генераль директоры Шамил Садыйков шундый фикер белән уртаклашты. Мисал өчен, 2023 елда «Татар-информ»ның YouTube-каналы аудиториясе 200 мең язылучыга артты.

Татарстан Рәисе Рөстәм Миңнеханов «ТАССР төзелүнең 100 еллыгы» һәм «Фидакарь хезмәт өчен» медальләре белән бүләкләү турындагы карарларга имза куйды. Документлар хокукый мәгълүмат порталында чыкты.

2023 елда Татарстанда 2 млн 187 мең тонна сөт җитештерелгән, үсеш 149 мең тонна (2022 елга карата 107 процент), шулай ук 1 млрд 570 млн данә йомырка (үсеш 2 процент) һәм 512 мең тонна тере үлчәмдә терлек һәм кош ите (97 процент) җитештерелгән. Терлекчелек өлкәсендә эш нәтиҗәләре турында Татарстан Хөкүмәте йортында узган киңәшмәдә республика авыл хуҗалыгы һәм азык-төлек министры Марат Җәббаров сөйләде.

Россия матбугаты көне алдыннан «Татмедиа» акционерлык җәмгыяте генераль директоры Шамил Садыйков Татарстанның зур медиахолдингы аудиториясенең ничек артуы турында сөйләде.

Татарстан Рәисе Рөстәм Миңнеханов «ТР Сәүдә-сәнәгать палатасы» берлеге рәисе Шамил Агеевны «ТАССР төзелүнең 100 еллыгы» медале белән бүләкләү турындагы карарны имзалады. Документ хокукый мәгълүмат порталында чыкты.

Фронтовик шагыйрь Фатих Кәримгә һәйкәл эскизын ясаганда скульпторлар аның «Мылтык тотып баскан җиремнән бер адым да артка чигенмәм» дигән шигырь юлларын нигез итеп алып, ике аягында нык басып торган образ тудырганнар.

Яңа елда Татарстанның авыл хуҗалыгы тармагына дәүләт ярдәме күрсәтү өчен 13,6 млрд сум каралган, аның 2,8 млрд сумы федераль бюджеттан, 10,8 млрд сумы республика бюджетыннан. Бу хакта Татарстан Хөкүмәте Йортында узган киңәшмәдә авыл хуҗалыгы һәм азык-төлек министры Марат Җәббаров хәбәр итте.

Росгвардиячеләр хәрби хезмәткәрләрнең һәм Росгвардия хезмәткәрләренең махсус хәрби операция зонасындагы хәрби эше, тыныч гражданнарны дошман утыннан коткару, илнең яңа төбәкләрендәге кешеләргә һәрьяклап ярдәм күрсәтү турында оператив һәм объектив рәвештә мәгълүмат бирүче Россия журналистларына рәхмәт белдерде.

Төмән өлкәсе мөселманнары Диния нәзарәте резиденциясендә дин әһелләре һәм бизнес-җәмәгатьчелек вәкилләренең ислам кануннарына туры китереп ит продукциясен җитештерүне арттыру мәсьәләсенә багышланган киңәшмәсе узды. Бу хакта Россия Мөфтиләр шурасы матбугат хезмәте хәбәр итә.

2023 ел нәтиҗәләре буенча, Татарстанда традицион ярминкәләрдә 1 млрд 530 млн сумлык авыл хуҗалыгы продукциясе сатылган. Бу хакта Татарстан Республикасы Хөкүмәте йортында узган киңәшмәдә республика авыл хуҗалыгы һәм азык-төлек министры Марат Җәббаров хәбәр итте.

Быел Татарстанда 930 ятим бала һәм кимендә биш бала тәрбияләүче 28 күп балалы гаилә торак белән тәэмин ителәчәк. Бу хакта Татарстан Хөкүмәте Йортында узган киңәшмәдә республика төзелеш, архитектура һәм торак-коммуналь хуҗалык министры Марат Айзатуллин сөйләде. Бу хакта Татарстан Рәисе матбугат хезмәте хәбәр итә.

Татарстан Рәисе Рөстәм Миңнеханов барлык районнар белән киңәшмәдә хуҗалыклар җитәкчеләренә сыек комплекслы ашламаларга игътибар итәргә тәкъдим итте. Татарстан авыл хуҗалыгы һәм азык-төлек министры Марат Җәббаров үз докладында мондый төр матдәләрнең тагын да югары нәтиҗәлелеге турында сөйләде.

Диния Нәзарәте «Ислам. Беренче адымнар»ның 13 нче сезонына тыңлаучылар җыя башлады. Тиздән башланачак дәресләр Рамазан ае алдыннан үткәрелә, димәк, исламда беренче адымнарын ясаучы кардәшләребез изге ай төгәлләнгәнче намаз укырга өйрәнә алачак. Бу хакта ТР Диния нәзарәте матбугат хезмәте хәбәр итә.

Республика клиник хастаханәсе табиблары Татарстанда беренче тапкыр җелек (сөяк мие) аутотранпслантациясе үткәргән.

Санкт-Петербургның Пушкин районында Wildberries маркетплейсының товарны сортларга аеру үзәгендә зур янгын чыккан. Аны сүндерүгә 200дән артык янгын һәм башка оператив оешма хезмәткәрләре җәлеп ителгән. Бу хакта «Российская газета» хәбәр итә.

Татарстан Үзәк сайлау комиссиясе рәисе Андрей Кондратьев массакүләм мәгълүмат чаралары вәкилләрен Россия матбугаты көне белән котлады.

2023 елның гыйнвар-октябрь айлары йомгаклары буенча Татарстанда халык миграциясе үсеше 7228 кеше тәшкил итте. Узган елның 10 ае белән чагыштырганда, күрсәткеч 1294 кешегә кимегән. Бу хакта Татарстанстат республиканың социаль-икътисади үсеше турында әзерләгән докладта әйтелә.

Татарстан спорт төрләре буенча һәрвакыт алдынгы урыннарда булды. Республикада инфраструктураны үстерүгә, халыкны физкультура белән шөгыльләнүгә җәлеп итүгә зур игътибар бирелә. Бу хакта Татарстан Спорт министрлыгы коллегиясенең киңәйтелгән утырышында республика Дәүләт Советы Рәисе Фәрит Мөхәммәтшин белдерде.

Россия матбугаты көне Татарстанда йөзләгән талантлы һәм үзенчәлекле кешене берләштерә, аларның тырышлыгы белән Татарстан журналистикасы үсеш ала һәм камилләшә. Бу хакта Татарстан Рәисе Администрациясе җитәкчесе Әсгать Сәфәров «Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев адресына юллаган котлавында белдерде.

2023 елның ноябрендә Татарстанда теркәлгән товарлар һәм хезмәтләр җыелмасы бәясе 18465,73 сум тәшкил итте. 2022 елның декабреннән ул 4,7 процентка артты. Татарстанстат республиканың 10 айда социаль-икътисади хәле турында әзерләгән докладта шул хакта хәбәр ителә.