Новости за 16.01.2024

Түбән Камада «Урман» яңа торак комплексында мактаулы гражданин Разил Вәлиев исемендәге урам барлыкка киләчәк. Бу хакта Советлар йортында Түбән Кама муниципаль районы Башкарма комитеты җитәкчесе Роман Булатов рәислегендә узган топонимик комиссиядә билгеле булды. Бу хакта Түбән Кама муниципаль районы рәсми сайтында хәбәр ителә.

Бүген Казанның «Ак Барс» хоккей командасы моңа хәтле унбиш уен рәттән җиңелеп барган «Сочи»га 1:3 исәбенә оттырды. Матч Сочида узды.

«Әгәр уку елы башында яңа системага күчкән булсак, тагын да зур тавыш чыгар иде, чөнки укытучыларны ял вакытында яңалыкка өйрәтәсе була иде», - диде Илсур Һадиуллин.

Саратов Җәмигъ мәчетенең «Зейд бин Сабит» Коръән үзәгенә ир-атлар төркеменә дәресләргә йөрүчеләр арасында «Коръән уку» бәйгесе булды. Бу хакта Россия Мөфтиләр шурасы матбугат хезмәте хәбәр итә.

Татарстан Дәүләт Советы матбугат хезмәте җитәкчесе итеп Ольга Благодарова билгеләнде. 2004 елдан әлеге вазифада Резидә Макуева булды.

Россиядә муниципаль хезмәткәрләре өчен Муниципалитеты.рф сайты эшли башлады. Портал «Кече ватан - Россия көче» Бөтенроссия муниципаль форумында тәкъдим ителде. Ресурс җирле үзидарә белгечләре өчен ярдәмче булырга, аларның агымдагы бурычларын үтәүләрен җиңеләйтергә тиеш.

Татарстанның уңышлары бәхәссез, ә КАМАЗ – Россия автомобиль төзелеше лидеры. Бу хакта Россия Президенты Владимир Путин «Кече Ватан – Россия көче» Бөтенроссия муниципаль форумында Чаллы мэры Наил Мәһдиев докладын тыңлаганнан соң белдерде.

Россия Президенты Владимир Путинны «КАМАЗ» беренче йөк машинасын чыгаруның 50 еллыгы һәм шәһәрнең дүрт гасырлык юбилее уңаеннан Чаллыга чакырдылар.

Татарстан мәктәпләре быелдан яңартылган «Татарстан Республикасы электрон мәгарифе» мәгълүмат системасына күчте.

Татарстан башкаласы Россиянең «акыллы» шәһәрләр рейтингында алдынгы урыннарны били. Бу хакта республика Рәисе Рөстәм Миңнеханов Цифрлы үсешкә ярдәм итү ассоциациясе утырышында белдерде.

Генетик тикшеренүләр авырулардан чара табарга, авыл хуҗалыгында һәм вакциналар җитештерүдә кайбер бурычларны хәл итәргә ярдәм итә ала. Бу хакта Татарстан Рәисе Рөстәм Миңнеханов Цифрлы үсешкә ярдәм итү ассоциациясе утырышында белдерде.

Татарстан Республикасының Россия Федерациясендәге Тулы вәкаләтле вәкиллеге Мәскәүдә яшәп иҗат итүче татар композиторы, Татарстанның атказанган сәнгать эшлеклесе Сәйяр Хәбибуллинны туган көне белән котлаган.

2018 елда «Татэнергосбыт» базасында Бердәм исәп-хисап үзәге клиентлар өчен сервис дәрәҗәсен арттырырга, торак-коммуналь хезмәтләр өчен түләүләрнең үтә күренмәлелеген һәм җыелуын тәэмин итәргә, шулай ук исәпләүләрнең закон таләпләренә туры килүен гарантияләргә мөмкинлек бирде. Бу хакта Татарстан Рәисе Рөстәм Миңнеханов Цифрлы үсешкә ярдәм итү ассоциациясе утырышында белдерде.

Татарстан дәүләт идарәсен цифрлы нигездә үстерү, мәгълүмат технологияләре һәм элемтә министры Айрат Хәйруллин республика министрлыклары һәм ведомстволары җитәкчеләренең Телеграм-аккаунтлары белән мошенниклык гамәлләре турында кисәтте, алар атна башыннан теркәлә башлаган.

Көчле буран сәбәпле, Татарстанда М5 юлында транспорт хәрәкәтенә вакытлыча чикләү кертелә. Бу хакта республика Дәүләт автоинспекциясендә хәбәр иттеләр.

Республика министрлыклары һәм ведомстволары җитәкчеләре аккаунтлары белән мошенниклык очраклары ешаюы сәбәпле, Татарстан Рәисе Рөстәм Миңнеханов Телеграм-каналында язылучыларны уяу булырга чакырды.

Татарстан территориясе буйлап уза торган М7 трассасы участогында хәрәкәтне чикләделәр. Чикләүләр 11.30 сәгатьтән һава шартлары яхшырганчыга кадәр кертелә.

Сүз дәүләт йомгаклау аттестациясенең федераль системасына шәхси мәгълүмат кертү турында бара.

Татарстан мөфтие Камил хәзрәт Сәмигуллин киләсе елда Шиһабетдин Мәрҗанинең күләмле бер эше белән танышу мөмкинлеге булачагына өметләнә. Бу хакта ул күренекле галим, мәгърифәтче Шиһабетдин Мәрҗанигә багышланган түгәрәк өстәлдә әйтте.

Татарстанның туризм тармагының төп бурычы - сәяхәтчеләр кабат республикага кайтырлык шартлар булдыру. Бу хакта Татарстан Туризм буенча дәүләт комитетының йомгаклау коллегиясендә республика вице-премьеры Ләйлә Фазлыева хәбәр итте, дип яза «Татар-информ» хәбәрчесе Арсений Кәримов.

Самараның «Яшәү сәнгате» мәдәни-агарту үзәгендә гармунчы-виртуоз, «Идел» эстрада ансамбле җитәкчесе, «Заман» татар балалар фольклор ансамбле гармунчысы Мидхәт Әминов белән иҗади очрашу узды. Бу хакта Татарстан Мәдәният министрлыгы матбугат хезмәте хәбәр итә.

Татарстан мәктәпләре быелдан яңартылган «Татарстан Республикасы электрон мәгарифе» мәгълүмат системасына күчте.

Татарстанның халык артисты Кирам Сатиев татар халкының легендар җырчылары – Илһам Шакиров һәм Әлфия Авзалова белән гастрольләрдә йөргән вакытны искә алды.

«Татарстан электрон мәгарифе» яңартылган системасының барлык сервисларының эшен ахырга кадәр көйләү дәвам итә. Бу хакта Татарстан Министрлар Кабинетында брифингта республика мәгариф һәм фән министры Илсур Һадиуллин хәбәр итте, дип яза «Татар-информ» хәбәрчесе Надежда Гордеева.

Бүген Россия Хөкүмәте Рәисе урынбасары Марат Хөснуллин Татарстан Рәисе Рөстәм Миңнеханов белән очрашты. Алар 2023 елда төзелеш нәтиҗәләре турында фикер алышты һәм яңа елда илкүләм проектларны гамәлгә ашыруны карады.