Новости за 22.01.2024

Чиләбе өлкәсенең Копейск шәһәренең бер урамы Башкортстанның танылган халык шагыйре, язучы һәм драматург Мостай Кәрим исемен йөртәчәк.

Татарстан Рәисе Рөстәм Миңнеханов коммуналь хезмәтләргә яңа махсус техника, шул исәптән кардан чистарту машиналары тапшырды. Республика җитәкчесе шулай ук коммуналь хезмәткәрләргә буран нәтиҗәләрен бетерүдә куйган тырышлыклары өчен рәхмәт белдерде.

RuTube, YouTube хостингларында төрле телләрдәге видеоларны синхрон рәвештә татарча тавышландырып тәрҗемә итү сервисы эшли башлады. «Tatar Speech» сервисын әлеге сылтама аша йөкләп була.

Глобаль җылыну галимнәр мәңгелек туңлыкта тапкан борынгы Себер вирусларының «уянуына» сәбәпче булырга мөмкин. Бу хакта РИА Новости агентлыгы Guardian газетасына сылтама белән хәбәр итә.

Сишәмбе көнне Җирдә янә магнит давылы көтелә. Россия Фәннәр академиясенең Космик тикшеренүләр институты һәм Россия Фәннәр академиясенең Себер бүлеге Кояш-җир физикасы институты кояш астрономиясе лабораториясенең инфографикасында шуны күрергә мөмкин.

Казанда биш көн эчендә 49 миллиметр күләмендә явым-төшем күзәтелгән, бу айлык норманың 106 проценты дигән сүз. Шәһәр Башкарма комитеты җитәкчесе урынбасары Игорь Куляжев территорияләрне кардан чистарту буенча оператив штаб утырышында шулай дип белдерде.

Омск шәһәрендә 2003 елның декабреннән нәшер ителеп килүче «Татар дөньясы» газетасының 20 еллыгын билгеләп үттеләр. Бу хакта Бөтендөнья татар конгрессы матбугат хезмәте хәбәр итә.

Татарстан Рәисе Рөстәм Миңнеханов Катар дәүләте әмире шәех Тамим бен Хамад Әл Тани белән очрашты. Бу хакта республика җитәкчесенең матбугат хезмәте хәбәр итә.

Гамәлдәге законнар нигезендә, Россиядә пенсионерлар һәм пенсия алды яшендәге гражданнар берничә салым ташламасы ала, дип аңлатты «Прайм» агентлыгына «Югары икътисад мәктәбе» илкүләм тикшеренү университетының хокук факультеты деканы Вадим Виноградов. Бу хакта РИА Новости агентлыгы хәбәр итә.

«Ачык университет» белем бирү проекты бу атнада ясалма фәһем (интеллект) буенча яңа онлайн курс башлый. Курсларда тормышны гадиләштерү өчен нейрочелтәрләрне ничек кулланырга кирәк икәнен өйрәтәчәкләр.

Казанда «бөке» кабат 9 баллга җитте. Тиешле мәгълүмат «Яндекс. Пробки» сервисында күрсәтелә.

Дүшәмбе төнендә Татарстанда буран һәм бераз кар көтелә, әмма көндез явым-төшем көтелми. Бу хакта республиканың Гидрометүзәге хәбәр итә.

Татарстан Фән һәм мәгариф Министрлыгы 22 гыйнварга мәктәпләрдә дистанцион укыту турында тәкъдимнәрне бөтен республикага таратты. Бу хакта ведомствоның матбугат хезмәте хәбәр итә.

Чистай районында биш зыян күрүче белән авария булды, дип хәбәр итте «Татар-информ» га шаһитлар.

«Шәһри Чаллы» газетасы урам себерүчеләр арасында бәйге игълан итте.

«Безгә үзегез яшәгән яки эшләгән йортның урам җыештыручысы турында язып җибәрегез, фотога яки видеога төшерергә онытмагыз», – диелгән хәбәрдә.

Хатлар +7-908-333-03-70 номеры буенча ватсапка кабул ителә. Аларны «Шәһри Чаллы» газетасының социаль челтәрләрдәге сәхифәсендә урнаштыралар.

Нәтиҗәләр 15 февральдә ясалачак. Җиңүче редакциянең язылучылары белән билгеләнә. Аңа җылы фуфайка бүләк ителәчәк.

Лениногорскида кар чистарту буенча эшләр көчәйтелгән режимда бара. Юлларны чистартуда барлык техника да җәлеп ителгән. Бу хакта «Заман сулышы» газетасы хәбәр итә.

18-20 гыйнварда Ульяновскида ирекле көрәш буенча Идел буе федераль округы беренчелеге узды. Анда Түбән Кама егете Абдульманов Демид 38 килограммга кадәрге авырлык категориясендә җиңүче булды. Бу хакта «Туган як» сайтында хәбәр ителә.