Новости за 29.01.2024

Бүген һәм иртәгә, 30 гыйнварда, көндез республика территориясендә урыны белән секундына 16 метрга кадәр көчле җил, буран вакытында күз күреме 1000 метрга һәм аннан да азрак, юлларда бозлавык, җепшек кар һәм кар көртләре көтелә.

Рамазан ае алдыннан Казанда, Теләче, Мөслим һәм Әлмәт мөхтәсибәтләрендә намаз укырга өйрәнү дәресләре уза. Бу хакта ТР Диния нәзарәте хәбәр итә.

Казан 2023 елда Идел буе федераль округының миллион кеше яши торган шәһәрләре арасында аерылышу буенча иң яхшы күрсәткечне тотып торды. Ул гына да түгел, шәһәрдә аерылышулар саны кимү тенденциясе саклана, дип сөйләде эшлекле дүшәмбедә ЗАГС идарәсе башлыгы вазифаларын башкаручы Елена Студеникина.

29 гыйнвар кичендә һәм 30 гыйнварда төнлә һәм иртән Татарстанда һава шартлары начарлануы көтелә. Республикада кабат күп итеп кар явачак, буран көтелә. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

1 гыйнвардан Россия пенсионерларының иминият пенсиясен индексацияләделәр, әмма февральдән кайбер категория гражданнар өчен айлык акчалата түләүләр артачак. Бу хакта Россия халыклар дуслыгы университеты икътисад факультеты доценты Андрей Гиринский сөйләде, дип яза «Труд».

Татарстанда Укытучылар һәм остазлар елын тантаналы ябу чарасында Татарстан Рәисе Рөстәм Миңнеханов Казанда укытучылар хөрмәтенә һәйкәл ачылачагын әйтте.

Россия Үзәк сайлау комиссиясе Владимир Путинны ил Президентын сайлауда кандидат буларак теркәде. Ул үзен-үзе тәкъдим итүче буларак расланды, аны хуплап кирәкле санда имза җыелган иде.

Татарстан Рәисе Рөстәм Миңнеханов Татарстанда Укытучылар һәм остазлар елын япты. Рәис тантаналы чарада укытучыларга һәм остазларга рәхмәтен белдерде.

Башкортстан Республикасы Милли музее Башкортстанның беренче Президенты Мортаза Рәхимовның 90 елллыгына багышланган күргәзмә әзерли. «Башкортстан Республикасының беренче Президенты» дип исемләнгән экспозиция 7 февральдә рәсми рәвештә ачыла. Бу хакта «Башинформ» хәбәр итә.

2023 елда Казанда 19,3 мең бала туган. 2022 ел белән чагыштырганда (18,7 мең бала), 610 балага күбрәк. Бу хакта эшлекле дүшәмбедә ЗАГС идарәсе җитәкчесе вазифасын башкаручы Елена Студеникина сөйләде.

Татарстан табиблары Татарстанның элеккеге сәламәтлек саклау министры Марат Садыйковны искә алды.

Казанда ике атнада – 17-28 гыйнварда айлык явым-төшем нормасының 122 проценты яуган. Бу хакта эшлекле дүшәмбедә шәһәр башкарма комитеты җитәкчесе урынбасары Игорь Куляжев хәбәр итте.

Башкортстан Республикасы башлыгы каршындагы Мәдәният һәм сәнгатьне үстерү мәсьәләләре советы составына үзгәрешләр кертелде. Бу турыдагы карарны төбәк җитәкчесе Радий Хәбиров имзалады. Бу хакта «Башинформ» хәбәр итә.

Россия Европа илләре арасында бензин алу мөмкинлеге рейтингында 15 урынны алды. Шул ук вакытта аның бәясе күзәтүдә катнашучы барлык илләр арасында иң түбәне булып чыкты. Ягулык базарын РИА Новости анализлады.

29 гыйнвардан Россия төбәкләрендә, шул исәптән Татарстанда да, «Мобиль сайлаучы» системасында президент сайлавында тавыш бирүгә гаризалар кабул итү башланды. Бу хакта республиканың күп функцияле үзәк искәртә. Аның аша гариза бирергә мөмкин.

Татарстан Рәисе Администрациясе җитәкчесе һәм ТР «Динамо» физкультура-спорт җәмгыяте рәисе Әсгать Сәфәров спортчыларны Физкультура-спорт җәмгыяте оешу көне белән котлады.

Кичә Екатеринбург шәһәренең Халыклар иҗаты йортының Зур концерт залында Урал федераль округына һәм Свердловск өлкәсенә кергән татар иҗтимагый оешмалары җитәкчеләре, татар активы җыелды. Биредә алар өчен Татарстанның сәнгать осталары әзерләгән концерт тәкъдим ителде. Бу хакта Бөтендөнья татар конгрессы матбугат хезмәте хәбәр итә.

Ульяновскиның Татар мәдәният үзәгендә «Балалар бакчасында сабыйларны татар фольклоры белән таныштыру тәҗрибәсеннән» дип аталган семинар-практикум узды. Бу хакта Ульяновскида чыгучы «Өмет» газетасының телеграм-каналында хәбәр ителә.

Кичә Лисичанск һәм Рубежноедан илле унберенче сыйныф укучысы мәктәпне тәмамлау һәм бердәм дәүләт имтиханын тапшыруга әзерләнү өчен Алабугага юл тотты.

Татарстанда М12 «Көнчыгыш» трассасы кардан тулысынча чистартылган, шуңа бәйле рәвештә түләү режимы кире кайта, дип хәбәр итәләр «Автодор»да.

Бүген, 29 гыйнварда, Татарстанда температура фонының бераз күтәрелүе көтелә. Бу хакта ТР Гидрометеоүзәге хәбәр итә.

«Чистай» мәдәни үзәгендә Татарстан мәдәни мирас объектларын саклау комитетының йомгаклау коллегиясе узды. Анда Чистайда мәдәни мирас объектларын саклау, файдалану, популярлаштыру һәм дәүләт тарафыннан саклану эше турында сөйләделәр. Бу хакта «Чистай-информ» хәбәр итә.

Минзәлә театрында Мәскәүдән килгән режиссер Юрий Устюгов «Гаҗәеп көн» («Удивительный день») бәби-спектаклен чыгарды. Бу хакта «Минзәлә-информ» хәбәр итә.

Чүпрәленең Татар Бизнәсе авылында яшәүче Фәния һәм Ирек Бахтиевларның өченче баласы дөньяга аваз салды. 2003 елгы Люзия белән 2007 елгы Рәзилә нәни сеңелле булды. Әти-әнисе 3250 граммлы сабыйга Зәлия дип исем биргән. Бу хакта «Туган як» сайтында хәбәр ителә.